គាំទ្រជនងាយរងគ្រោះនៅមជ្ឈមណ្ឌលគាំពារសង្គម Ha Nam ក្នុងតម្លៃជាង ៦០០ លានដុង

អញ្ជើញចូលរួមក្នុងប្រតិភូមាន លោក Ngo Sach Thuc ប្រធានសមាគមសង្គ្រោះកុមារពិការវៀតណាម និងជាប្រធានសមាគមមិត្តភាពវៀតណាម - ម៉ាឡេស៊ី; ឯកអគ្គរាជទូតម៉ាឡេស៊ីប្រចាំនៅវៀតណាម លោក Dato’ Tan Yang Thai; តំណាងសហព័ន្ធបណ្តាអង្គការមិត្តភាពវៀតណាម ព្រមទាំងបណ្តាម្ចាស់ជំនួយ និងអ្នកស្ម័គ្រចិត្ត។

លោក Ngo Sach Thuc (ទីពីរពីស្ដាំ) ប្រធានសមាគមសង្គ្រោះកុមារពិការវៀតណាម និងជាប្រធានសមាគមមិត្តភាពវៀតណាម - ម៉ាឡេស៊ី រួមជាមួយតំណាងសប្បុរសជន បានប្រគល់រទេះរុញជូនដល់ជនពិការនៅមជ្ឈមណ្ឌលគាំពារសង្គម Ha Nam។

អំណោយទាំងនោះរួមមាន ម៉ាស៊ីនបោកគក់ឧស្សាហកម្ម ម៉ាស៊ីនសម្ងួតឧស្សាហកម្ម ទូរទស្សន៍ បង់ថ្ម គ្រឿងឧបភោគបរិភោគ និងរទេះរុញចំនួន ៦ ដែលមានតម្លៃសរុប ៦១៨,៨ លានដុង ត្រូវបានប្រគល់ជូនដល់កុមារកំព្រា ជនពិការ និងមនុស្សចាស់ជរា ដែលកំពុងទទួលបានការថែទាំនៅមជ្ឈមណ្ឌល។

ថ្លែងក្នុងកម្មវិធីនេះ ឯកអគ្គរាជទូត Dato’ Tan Yang Thai បានមានប្រសាសន៍ថា ស្ថានទូតម៉ាឡេស៊ីនឹងបន្តរួមដំណើរជាមួយសកម្មភាពគាំទ្រសហគមន៍នៅវៀតណាម ជាពិសេសគឺក្រុមជនងាយរងគ្រោះ ដូចជាកុមារកំព្រា ជនពិការ និងមនុស្សចាស់ជរា។

ឯកអគ្គរាជទូតម៉ាឡេស៊ីប្រចាំនៅវៀតណាម លោក Dato' Tan Yang Thai និងលោក Ngo Sach Thuc ប្រធានសមាគមសង្គ្រោះកុមារពិការវៀតណាម និងជាប្រធានសមាគមមិត្តភាពវៀតណាម - ម៉ាឡេស៊ី បានប្រគល់អំណោយជូនដល់ជនងាយរងគ្រោះនៅមជ្ឈមណ្ឌលគាំពារសង្គម Ha Nam។

លោក Ngo Sach Thuc បានបញ្ជាក់ពីអត្ថន័យនៃទិវាជនពិការវៀតណាម (១៨ មេសា) ដោយសង្កត់ធ្ងន់លើតម្រូវការក្នុងការបន្តយកចិត្តទុកដាក់ និងថែទាំជនពិការ ជាពិសេសគឺកុមារពិការ។ លោកក៏បានកោតសរសើរចំពោះកិច្ចខិតខំប្រឹងប្រែងរបស់មជ្ឈមណ្ឌលគាំពារសង្គម Ha Nam ក្នុងការងារថែទាំ និងចិញ្ចឹមបីបាច់បណ្តាមុខសញ្ញាគាំពារសង្គមនាពេលកន្លងមក ព្រមទាំងសម្តែងនូវការវាយតម្លៃខ្ពស់ចំពោះទំនាក់ទំនងមិត្តភាព និងកិច្ចសហប្រតិបត្តិការអន្តរជាតិរវាងសមាគមមិត្តភាពវៀតណាម - ម៉ាឡេស៊ី និងស្ថានទូតម៉ាឡេស៊ីប្រចាំនៅវៀតណាម។

តំណាងមជ្ឈមណ្ឌលគាំពារសង្គម Ha Nam បានសម្តែងនូវការអរគុណចំពោះការយកចិត្តទុកដាក់ និងការគាំទ្រពីបណ្តាអង្គការ និងបុគ្គលទាំងក្នុង និងក្រៅប្រទេស ដែលបានរួមចំណែកកែលម្អលក្ខខណ្ឌនៃការថែទាំ និងជីវភាពរស់នៅសម្រាប់អ្នកដែលកំពុងត្រូវបានចិញ្ចឹមបីបាច់នៅក្នុងមជ្ឈមណ្ឌល៕

សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និងគណៈប្រតិភូជាន់ខ្ពស់រដ្ឋសភាកម្ពុជា បានអញ្ជើញទៅបំពេញទស្សនកិច្ចការងារនៅខេត្ ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅវៀតណាម នាថ្ងៃទី ២ ខែធ្នូ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និងគណៈប្រតិភូជាន់ខ្ពស់រដ្ឋសភាកម្ពុជា បានអញ្ជើញទៅបំពេញទស្សនកិច្ចការងារនៅខេត្ត Ha Nam វៀតណាម។

សហភាពនារីវៀតណាមប្រចាំនៅប្រទេសអាឡឺម៉ង់បានបរិច្ចាគថវិកាចំនួន ១១២ លានដុង ដល់ជនរងគ្រោះដោយភ្លើងឆេះផ្ទះល្វែងនៅទីក្រុងហាណូយ យុគសម័យ - នាព្រឹកថ្ងៃទី ២៧ កញ្ញា នៅទីស្នាក់ការគណៈកម្មាធិការរណសិរ្សមាតុភូមិស្រុក Thanh Xuan ទីក្រុង Ha Noi បានប្រព្រឹត្តទៅពិធីប្រគល់ថវិកាជាង ១១២ លានដុងពីសហភាពនារីវៀតណាម នៅប្រទេសអាល្លឺម៉ង់ ដល់ជនរងគ្រោះក្នុងសំណុំរឿងនេះ ឆេះផ្ទះលេខ ៣៧ ផ្លូវលេខ ២៩/៧០ ផ្លូវ Khuong Ha សង្កាត់ Khuong ...

ឌឹកអាញ់

thoidai.com.vn