វៀតណាមដឹកនាំកំណើនសេដ្ឋកិច្ចអាស៊ីនៅឆ្នាំ ២០២០

ប្រទេសវៀតណាមដឹកនាំកំណើនសេដ្ឋកិច្ចអាស៊ីនៅឆ្នាំ ២០២០

អត្ថបទនេះបានឲ្យដឹងទៀតថា មូលដ្ឋានដើម្បីបញ្ជាក់ថា វៀតណាមទទួលបានជោគជ័យនោះគឺដោយសារសេដ្ឋកិច្ចរបស់ប្រទេសនេះសម្រេចបានកំណើនសេដ្ឋកិច្ចវិជ្ជមាននៅឆ្នាំ ២០២០ ខណៈសេដ្ឋកិច្ចសកលលោកជួបការលំបាកជាច្រើនដោយសារជំងឺរាតត្បាត Covid-19។

ដ្ឋាភិបាលវៀតណាមបានឲ្យដឹងថា នៅចុងខែធ្នូ ឆ្នាំ២០២០ សេដ្ឋកិច្ចវៀតណាមបានកើនឡើង ២.៩% បើធៀបនឹងឆ្នាំមុន។ សេដ្ឋវិទូទាំងឡាយនៃក្រុមស្រាវជ្រាវអំពីសកលលោករបស់ធនាគារ Bank of America នៃប្រទេសអាមេរិក បញ្ជាក់ថា ដោយមានសមិទ្ធិផលនេះ វៀតណាមមានកំណើនខ្ពស់ជាងគេក្នុងឆ្នាំដែលពិភពលោកជួបវិបត្តិសេដ្ឋកិច្ច។ សេដ្ឋវិទូបានចាត់ទុកថា វៀតណាមនឹងរក្សាការអភិវឌ្ឍសេដ្ឋកិច្ចនៅឆ្នាំ២០២១។ ធនាគារនេះមានការព្យាករណ៍ថា សេដ្ឋកិច្ចវៀតណាមអាចកើនឡើង ៩.៣% នៅឆ្នាំ២០២១ ខ្ពស់ជាងការព្យាករណ៍របស់ធនាគារពិភពលោក(WB) គឺ ៦.៧%។

របាយការណ៍នាខែធ្នូ ឆ្នាំ២០២០ របស់ក្រុមហ៊ុន Fitch Ratings ក៏បានវាយតម្លៃថា ការនាំចេញរបស់វៀតណាមនៅប៉ុន្មានឆ្នាំខាងមុខនឹងមានសក្តានុពលអភិវឌ្ឍន៍ជាច្រើន។ យោងតាមក្រុមហ៊ុននេះ ការដែលវៀតណាមចុះហត្ថលេខាលើកិច្ចព្រមព្រៀងពាណិជ្ជកម្មថ្មីជាមួយអង់គ្លេស និងសហភាពអឺរ៉ុប អាចជម្រុញថែមទៀតនូវការធ្វើពាណិជ្ជកម្ម៕

（យោងតាមកាសែតកងទ័ពប្រជាជន）

（យោងតាមកាសែតកងទ័ពប្រជាជន）