យុគសម័យ - នាពេលថ្មីៗនេះ គណៈកម្មាធិការប្រជាជនខេត្ត Quang Binh បានចេញសេចក្តីសម្រេចលេខ ១៨០/QD-UBND ស្តីពីការប្រគល់លិខិតសរសើររបស់ប្រធានគណៈកម្មាធិការប្រជាជនខេត្ត ជូនដល់អ្នកជំនាញវេជ្ជសាស្ត្រចំនួន ០៦ រូបនៃសាធារណរដ្ឋគុយបាដែលបានចូលរួមវិភាគទានជាច្រើនក្នុងកិច្ចសហប្រតិបត្តិការផ្នែកវេជ្ជសាស្ត្រអន្តរជាតិនៅមន្ទីរពេទ្យមិត្តភាពវៀតណាម - គុយបា Dong Hoi ក្នុងកំឡុងឆ្នាំ ២០១៨ - ២០២០។
អ្នកឯកទេសវេជ្ជសាស្ត្រគុយបានៅនាយកដ្ឋានជំងឺបេះដូង លោក Piter Martínez Beníter បានធ្វើការនៅខេត្ត Quang Binh ក្នុងរយៈពេល ៣ ឆ្នាំ។
បញ្ជីឈ្មោះអ្នកជំនាញទាំង ៦ នាក់រួមមាន៖ អ្នកឯកទេសវេជ្ជសាស្ត្រគុយបានៅនាយកដ្ឋានជំងឺបេះដូង លោក Piter Martínez Beníter; អ្នកឯកទេសវេជ្ជសាស្ត្រគុយបានៅនាយកដ្ឋានជំងឺមហារីក លោក Jesus De los Santos Reno Cespedes; អ្នកឯកទេសវេជ្ជសាស្ត្រគុយបានៅនាយកដ្ឋានជំងឺមហារីក លោក Alfredo Garcia Mirete; អ្នកឯកទេសវេជ្ជសាស្ត្រគុយបានៅនាយកដ្ឋានរុករកមុខងារ - អង់ដូស្កូប លោក Mario Jesus Garcia Ayala; អ្នកឯកទេសវេជ្ជសាស្ត្រគុយបានៅនាយកដ្ឋានសរសៃប្រសាទ លោក Crescencio Aneiro Alfonso; និងអ្នកឯកទេសវេជ្ជសាស្ត្រគុយបានៅនាយកដ្ឋានកុមារ លោកស្រី Annet Ramos Plasencia។
ក្នុងរយៈពេលប៉ុន្មានឆ្នាំថ្មីៗនេះ ការអនុវត្តកម្មវិធីសហប្រតិបត្តិការវេជ្ជសាស្រ្តអន្តរជាតិ អ្នកជំនាញសុខភាពនៃសាធារណៈរដ្ឋគុយបាបានអនុវត្តដោយផ្ទាល់នូវភារកិច្ចវិជ្ជាជីវៈរបស់ពួកគេក្នុងការផ្តល់ជំនួយដំបូង ព្យាបាលអ្នកជម្ងឺ ក្នុងពេលតែមួយផ្ទេរបច្ចេកវិទ្យាដល់វេជ្ជបណ្ឌិតនៅមន្ទីរពេទ្យមិត្តភាពវៀតណាម - គុយបា Dong Hoi។ ដោយហេតុនេះបានបង្ហាញនូវការគាំទ្រដ៏អស្ចារ្យនិងអារម្មណ៍បរិសុទ្ធដែលបក្សនិងប្រជាជនគុយបាបានផ្តល់ដល់ប្រជាជនវៀតណាមនិយាយរួមនិងខេត្ត Quang Binh និយាយដោយឡែក ហើយក្លាយជានិមិត្តរូបនៃមិត្តភាពរវាងប្រទេសទាំងពីរវៀតណាម - គុយបា៕
（បកប្រែដោយសាុំេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន