យុគសម័យ - សមាគមអប់រំភាសាជប៉ុនសម្រាប់ប្រទេសមិនប្រើប្រាស់អក្សរហាន (JLAN) និងសាកលវិទ្យាល័យ Dai Nam ទើបតែបានរៀបចំ ពិធីចុះហត្ថលេខាលើកិច្ចព្រមព្រៀងនូវកិច្ចសហប្រតិបត្តិការយុទ្ធសាស្ត្រ ដើម្បីបង្កើតវិទ្យាស្ថានបណ្តុះបណ្តាលអន្តរជាតិវៀតណាម ជប៉ុន(VJII) ។
ដោយសារតែផលប៉ះពាល់នៃការរីករាលដាលនៃជំងឺ COVID-19 ពិធីចុះហត្ថលេខាត្រូវបានធ្វើឡើង តាមរយៈវីដេអូ។ តាមនោះអ្នកតំណាងនៃភាគីទាំងពីរបានចុះហត្ថលេខាលើកិច្ចព្រមព្រៀងនូវកិច្ចសហប្រតិបត្តិការ នៅស្ថានអគ្គកុងស៊ុលនៃសាធារណរដ្ឋសង្គមនិយមវៀតណាម នៅ Fukuoka និងសាកលវិទ្យាល័យ Dai Nam (ហាណូយ - វៀតណាម) ។
ថ្លែងនៅក្នុងពិធីនេះលោក Vu Binh អគ្គកុងស៊ុលវៀតណាមប្រចាំនៅ Fukuoka នៃ ប្រទេសជប៉ុនបានសង្កត់ធ្ងន់ថា ការបង្កើតវិទ្យាស្ថាន VJII មានលក្ខណៈទាន់ពេលវេលានិងលោកជឿជាក់ថា វិទ្យាស្ថាននឹងអភិវឌ្ឍនិងសម្រេចបានគោលដៅរបស់ខ្លួន ឆ្លើយតបនឹង តម្រូវការរបស់ប្រទេសទាំងពីរវៀតណាមនិងជប៉ុនសម្រាប់ធនធានមនុស្សមានគុណភាពខ្ពស់ ។
លោកបណ្ឌិត Le Dac Son ប្រធានក្រុមប្រឹក្សាសាកលវិទ្យាល័យ Dai Nam និងលោក Hashino Nobuo ប្រធានសមាគមអប់រំភាសាជប៉ុន JLAN បានចុះហត្ថលេខាលើកិច្ចព្រមព្រៀងកិច្ចសហប្រតិបត្តិការ ដើម្បីបង្កើតវិទ្យាស្ថានបណ្តុះបណ្តាលអន្តរជាតិវៀតណាម -ជប៉ុន (VJII) ។
“ដោយមានកិត្យានុភាពនិងសមត្ថភាពរបស់សមាគម យើងប្តេជ្ញា ចំពោះគុណភាពនៃការបណ្តុះបណ្តាលនិងស្តង់ដារនៃលទ្ធផលរបស់និស្សិតនៃវិទ្យាស្ថានបណ្តុះបណ្តាលអន្តរជាតិវៀតណាម ជប៉ុន។ បន្ទាប់ពីបញ្ចប់ការសិក្សា និស្សិតអាចធ្វើការ នៅក្នុង ប្រទេសជប៉ុននិងអន្តរជាតិណាមួយនៅលើពិភពរាបស្មើ នាពេលបច្ចុប្បន្ននេះ” ។ លោក Hashino Nobuo ប្រធានសមាគម JLAN បានសង្កត់ធ្ងន់។
លោក Vu Binh - អគ្គកុងស៊ុលវៀតណាមប្រចាំនៅ Fukuoka នៃប្រទេសជប៉ុន (ទី ២ រាប់ពីខាងស្តាំ) អញ្ជើញធ្វើជាសាក្សីក្នុងពិធីនេះ។
ថ្លែងនៅក្នុងពិធីនេះ លោកបណ្ឌិត Le Dac Son ប្រធានក្រុមប្រឹក្សាសាកលវិទ្យាល័យ Dai Nam បានសង្កត់ធ្ងន់ លើសារសំខាន់នៃការជំរុញកិច្ចសហប្រតិបត្តិការនិងបណ្តុះបណ្តាលនិងអភិវឌ្ឍន៍ធនធានមនុស្សដែលមានគុណភាពខ្ពស់ស្របតាមស្តង់ដារអន្តរជាតិជាទូទៅនិងជប៉ុនជាពិសេស វិទ្យាស្ថាន ប ណ្តុះបណ្តាលអន្តរជាតិវៀតណាម - ជប៉ុនក្នុងសម័យកាល ៤.០ បច្ចុប្បន្ន។
តាមទិសដៅសំរាប់ឆ្នាំសិក្សា ២០២១ - ២០២២ លោកបណ្ឌិត Le Dac Son បានចង្អុលបង្ហាញថា VJII នឹងចាប់ផ្តើមជ្រើសរើសការបណ្តុះបណ្តាលសម្រាប់មុខជំនាញដែលមានគុណភាពខ្ពស់ចំនួន ០៧ រួមមាន៖ ភាសាជប៉ុន បច្ចេកវិទ្យាព័ត៌មានសំណង់គណនេយ្យ រដ្ឋបាលអាជីវកម្ម គិលានុបដ្ឋាយិកានិងទេសចរណ៍។ លោកប្រធានក្រុមប្រឹក្សាសាលានេះក៏បានបញ្ជាក់ថា សកលវិទ្យល័យ Dai Nam ប្តេជ្ញាធានាថា និស្សិតបញ្ចប់ការសិក្សា ១០០% មានការងារធ្វើ នៅប្រទេសវៀតណាម ឬជប៉ុន ហើយប្តេជ្ញាសងប្រាក់ថ្លៃសិក្សា ក្នុងរយៈពេល ៤ ឆ្នាំប្រសិនបើពួកគេបញ្ចប់ការសិក្សានិងគ្មានការងារធ្វើ។
វិទ្យាស្ថាន VJII ត្រូវបានបង្កើតឡើង ដោយឈរលើមូលដ្ឋាននៃកិច្ចសហប្រតិបត្តិការរវាងសាកលវិទ្យាល័យ Dai Nam និងសមាគមអប់រំភាសាជប៉ុន JLAN សមាគមសហគ្រាសជប៉ុននិងបណ្តាសាកលវិទ្យាល័យជប៉ុន ក្នុងគោលដៅ បណ្តុះបណ្តាល វិស្វករ អ្នកទទួលបរិញ្ញាបត្រដែលមានគុណភាពខ្ពស់ ពូកែនិយាយភាសាជប៉ុន និងការយល់ដឹងអំពីវប្បធម៌ សាជីវកម្មជប៉ុនប្រមាណ ៥០០ នាក់ក្នុងមួយឆ្នាំ ./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន