ជនជាតិជប៉ុន ៣ នាក់ដែលមានទំនាក់ទំនងជិតស្និទ្ធជាមួយប្រទេសវៀតណាម

លោក Yasash Ogura - ជាមនុស្សដែលចូលចិត្តខ្លាំងលះចំពោះវប្បធម៌វៀតណាម

លោក Yasushi Ogura បានថតរូបជាមួយក្រុមគ្រួសារទេសចរណ៍អឺរ៉ុបនៅហាងកាហ្វេCuc Bac។ (រូបថត៖ លោក Yasushi Ogura)

លោក Yasushi Ogura បានមកទេសចរនៅតំបន់ជាច្រើននៃប្រទេសវៀតណាម ចាប់តាំងពីឆ្នាំ ១៩៩៥ ប៉ុន្តែនៅពេលដែលគាត់បានមកដល់ទីក្រុង Ha Giang ក្នុងឆ្នាំ ២០០២ គាត់ចូលចិត្តតំបន់​នេះខ្លាំងណាស់។ ចាប់តាំងពីពេលនោះមក ជារៀងរាល់ឆ្នាំ គាត់បានត្រលប់មកទីក្រុង Ha Giang។ នៅឆ្នាំ ២០១៥ លោក Yasushi Ogura បានសំរេចចិត្តវិនិយោគ ២០០ លានដុង​ ដើម្បី​ជួយគ្រួសារ​ជនជាតិ Lo Lo មួយ បើកហាងកាហ្វេCuc Bac នៅក្នុងផ្ទះរបស់ពួកគេ។ ជាពិសេស​នេះ​គឺជាផ្ទះចាស់​ជាងគេនៅក្នុងភូមិLo Lo Chai ដែលមានអាយុជិត ២០០ ឆ្នាំ។

ទោះបីវាមានទីតាំងនៅក្នុងតំបន់ស្ងាត់ជ្រាបក៏ដោយ ក្នុងរយៈពេល ៤ ឆ្នាំកន្លងមក ប៉ុន្តែហាងនេះ​តែងតែជាកន្លែងឈប់សម្រាប់ភ្ញៀវទេសចរក្នុងស្រុកនិងអន្តរជាតិ នៅពលពួកគេមកDong Van។

លោកសាស្រ្តាចារ្យ Takahashi Yoshiaki - គ្រូបង្រៀនដែលមនោសញ្ចេតនាពិសេសចំពោះទីក្រុង Da Nang

លោកសាស្រ្តាចារ្យ Takahashi Yoshiaki បានផ្តល់អាហារូបករណ៍ដល់និស្សិត​ក្រីក្រ​នៃមហាវិទ្យាល័យសេដ្ឋកិច្ច (រូបថត៖ សាកលវិទ្យាល័យ Da Nang) ។

នៅពេលដែលលោកសាស្ត្រាចារ្យ Takahashi ចូលនិវត្តន៍សាកលវិទ្យាល័យជាច្រើន​នៅប្រទេសជប៉ុនចង់អញ្ជើញគាត់ឱ្យបង្រៀនដោយមានប្រាក់ចំណូលខ្ពស់។ ទោះយ៉ាងណាក៏ដោយគាត់បានជ្រើសរើសមកប្រទេសវៀតណាម។ ចាប់តាំងពីឆ្នាំ ២០១៣ បន្ទាប់ពីចូលនិវត្តន៍ លោកសាស្រ្តាចារ្យបណ្ឌិតTakahashi បានស្ម័គ្រចិត្តទៅបង្រៀន​នៅប្រទេសវៀតណាម ​ហើយត្រូវបានអញ្ជើញឱ្យទៅបង្រៀននៅមហាវិទ្យល័យសេដ្ឋកិច្ចDa Nang។

កាលពីខែកុម្ភៈឆ្នាំ ២០១៧ មហាវិទ្យល័យសេដ្ឋកិច្ច Da Nangទទួលបានអាហារូបករណ៍​មានទឹក​ប្រាក់ចំនួន ១ ពាន់លានដុងពីលោកសាស្រ្តាចារ្យ Yoshiaki Takahash​ជូនដល់និស្សិតក្រីក្រ​និងឆ្លង​ការលំបាកនៃមហាវិទ្យាល័យនេះ។ ដើម្បីលើកតំកើង​​នៃ​ការរួម​ចំណែក​របស់លោកសាស្រ្តាចារ្យ Yoshiaki Takahash សាកលវិទ្យាល័យDa Nang បានប្រគល់ឋានន្តរៈ​សាស្ត្រាចារ្យកិត្តិយស​ជូន​លោកសាស្រ្តាចា្យ Yoshiaki Takahash។ នេះក៏ជាសាស្រ្តាចារ្យកិត្តិយស​ដំបូងគេនៃ​សាកលវិទ្យាល័យ​ Da Nang។

សហគ្រិន លោកFuruya Yoshio - ភ្ជាប់សហគ្រិនជប៉ុនជាមួយទីក្រុង Vinh ខេត្ត Nghe An

សមាគមមិត្តភាពវៀតណាម - ជប៉ុននៅខេត្ត Nghe An រួមជាមួយអ្នកស្ម័គ្រចិត្តជប៉ុន​មួយចំនួន​និងលោក Furuya បានទៅទស្សនាសាលានៅទីក្រុង Vinh។ (រូបថត៖ឯកសាររបស់​សមាគមមិត្តភាពវៀតណាម)

លោក Furuya Yoshio មានទំនាក់ទំនងជិតស្និទ្ធជាមួយប្រទេសវៀតណាម​ នៅពេលលោកបង្កើត​ក្រុមហ៊ុនDong Do Fujicab ​ដែលជាក្រុមហ៊ុនតាក់ស៊ីមានដើមទុនវិនិយោគបរទេសដំបូងគេ ​នៅ​ប្រទេស​វៀតណាម​ ហើយក៏ជាក្រុមហ៊ុនតាក់ស៊ីដំបូងដែល​មានដើមទុនជប៉ុនមក​វិនិយោគ​ នៅ​វៀតណាមផងដែរ ក្នុងប៉ុន្មានឆ្នាំនៃបុព្វហេតុផ្លាស់ប្តូរថ្មី។ ក្នុងឆ្នាំ ២០១០ នេះ​ជាលើកដំបូង​ដែលលោក Furuya បានទៅដល់ខេត្ត Nghe An និងមានការជួបជុំជាមួយតំណាង​សម្ព័ន្ធ​អង្គការមិត្តភាព​នៅខេត្ត Nghe An សមាគមមិត្តភាពវៀតណាម - ជប៉ុននៅខេត្ត Nghe An។ ភ្លាមៗ បន្ទាប់ពីដំណើរទស្សនកិច្ចលើកដំបូងនោះ លោកវិលត្រឡប់ទៅប្រទេសជប៉ុនវិញក្នុងនាមជា​ប្រធានសមាគមស្ពានពាណិជ្ជកម្មនិងសហគ្រាសជប៉ុន - វៀតណាម (មានសហគ្រាសប្រហែល ១៥០ នៅប្រទេសជប៉ុន) លោកបានអំពាវនាវសហគ្រាសមួយចំនួន ជនសប្បុរសធម៌​ ជន​សង្គមគាំទ្រដល់មូលនិធិដើម្បីសាងសង់តំបន់រំលឹកលោក Phan Boi Chau នៅស្រុកកំណើត Nam Dan។

ចាប់តាំងពីមានទំនាក់ទំនងជិតស្និទ្ធជាមួយខេត្ត Nghe An ក្នុងឆ្នាំ ២០១០ លោក​ Furuya​បាន​សរសេរលិខិតមួយរដោយដៃជូនដល់លោកHo Duc Phuoc លេខាគណៈកម្មាធិការបក្សខេត្ត Nghe An។ នៅក្នុងលិខិតដែលលោកបានបង្ហាញពីបំណងចង់ធ្វើអាជីវកម្មនៅទីក្រុង Vinh​ និងនាំ​សមាគមស្ពានពាណិជ្ជកម្មនិងសហគ្រាសជប៉ុនតភ្ជាប់នឹងទីក្រុង Vinh​ ដើម្បីស្វែងរក​ឱកាស​វិនិយោគ។

ដោយទទួលបាននូវសុឆន្ទៈរបស់ថ្នាក់ដឹកនាំខេត្តនិងទីក្រុង Vinh​ក្នុងនាមជា​អ្នកការទូតរបស់ប្រជាជន លោកបានភ្ជាប់ទីក្រុង Vinhជាមួយទីក្រុងដទៃទៀតនៅប្រទេសជប៉ុន ដូចជា ទីក្រុង Kasumigauraនិងទីក្រុងTsukuba (ខេត្ត Ibaraki) ។ គណៈប្រតិភូថ្នាក់ដឹកនាំនិងសហគ្រិនជាច្រើនមកពីទីក្រុងចំនួន ២ របស់ជប៉ុន​បាន​មកទស្សនកិច្ច​នៅទីក្រុង Vinh និងគណៈប្រតិភូជាច្រើនរបស់ Vinh​បានមកទស្សនកិច្ច ​នៅប្រទេស​ជប៉ុន។ ក្នុងឆ្នាំ ២០១១ គណៈប្រតិភូសភាពាណិជ្ជកម្មនិងឧស្សាហកម្មទីក្រុង Tsukuba ដឹកនាំដោយលោកប្រធាន​សភាពាណិជ្ជកម្ម​បានអញ្ជើញទៅទស្សនានិងធ្វើការនៅទីក្រុង Vinh។

នៅឆ្នាំ ២០២០ ដោយសារផលប៉ះពាល់នៃការរីករាលដាលនៃ COVID-១៩ ការផ្អាក​ជើងហោះហើរ​អន្តរជាតិ ដូច្នេះមិនមានជើងហោះហើរពីប្រទេសជប៉ុនទៅកាន់​ប្រទេសវៀតណាមទេ។ ហេតុនេះ លោកមិនអាចបន្តបំពេញភារកិច្ច“ការទូតស្ម័គ្រចិត្ត”ដោយតភ្ជាប់ការធ្វើពាណិជ្ជកម្មនិងសហគ្រាសជប៉ុន - វៀតណាមដែលគាត់បានសាងសង់។ នៅដើមខែសីហាឆ្នាំ ២០២០ លោកបានទទួលមរណភាពដោយសារជម្ងឺធ្ងន់ធ្ងរ។ ដមិត្តភក្តិរបស់លោកនៅឯទីក្រុង Vinh ជាច្រើនឆ្នាំបានសោកស្តាយខ្លាំងណាស់ ដោយការបាត់បង់​ធំធេងនេះ./.

（បកប្រែដោយឌីណា）

（ប្រភពព័ត៌មាន: thoidai.com.vn）

（បកប្រែដោយឌីណា）