ក្រុមសហគមន៍នារីអាស៊ានប្រចាំនៅទីក្រុងហាណូយស្វែងយល់អំពីវប្បធម៌នៃគំនូរប្រជាប្រិយដុងហូ (Dong Ho)

06:15 | 02/07/2020 （បកប្រែដោយ ហេង វុធ្ធី）

យុគសម័យ - បន្តការអនុវត្តកម្មវិធីប្រតិបត្តិការឆ្នាំ ២០២០ ក្រុមសហគមន៍នារីអាស៊ានប្រចាំនៅទីក្រុងហាណូយ (AWCH) បានរៀបចំដំណើរទស្សនកិច្ចស្វែងយល់អំពីវប្បធម៌ប្រពៃណី នៃភូមិគំនូរប្រជាប្រិយ ដុងហូ (Dong Ho) នៅស្រុក Thuan Thanh ខេត្ត Bac Ninh នាព្រឹកថ្ងៃទី ១ ខែកក្កដា។

ក្រុមសហគមន៍នារីអាស៊ានប្រចាំនៅទីក្រុងហាណូយ (AWCH) បានរៀបចំដំណើរទស្សនកិច្ចស្វែងយល់អំពីវប្បធម៌ប្រពៃណី នៃភូមិគំនូរប្រជាប្រិយ ដុងហូ (Dong Ho) នៅស្រុក Thuan Thanh ខេត្ត Bac Ninh

ក្រុម AWCH បានទៅទស្សនាគ្រឹះស្ថានផលិតគំនូរដុងហូ របស់វិចិត្រករ Nguyen Dang Che នៅភូមិ ដុងហូ ឃុំ Song Ho ស្រុក Thuan Thanh ខេត្ត Bac Ninh។ ក្រុម AWCH បានផ្តោតសំខាន់លើការ ស្តាប់សិប្បករ Nguyen Dang Che និងកូនប្រុសរបស់គាត់ ណែនាំអំពីប្រវត្តិនៃគំនូរបុរាណដុងហូ ដំណើរការធ្វើក្រដាស Do និងគ្រឿងសមា្ភរៈធ្វើពណ៌សម្រាប់គំនូរជាដើម។

ទន្ទឹមនឹងនេះក្រុមនេះក៏បានទៅ ទស្សនាដំណាក់កាលនីមួយៗពីការរៀបចំសម្ភារៈរហូតដល់បញ្ចប់ស្នាដៃគំនូរប្រជាប្រិយដុងហូពេញលេញ។ ក្រុម AWCH មកពីប្រទេសផ្សេងៗគ្នា វប្បធម៌ខុសពីគ្នា ប៉ុន្តែគេពិតជាសប្បាយរីករាយយ៉ាងខ្លាំង ដោយរំភើបចិត្តព្រោះគំនូដែលបង្កើតឡើងដោយខ្លួនឯងនិងយកទៅផ្ទះវិញទុកជាអនុស្សាវរីយ៍សម្រាប់ដំណើរកម្សាន្តដ៏មានអត្ថន័យនេះផងដែរ។

គួរបញ្ជាក់ថាក្រុម AWCH ត្រូវបានប្រសូត្រឡើងនាឆ្នាំ ២០១៥ ក្រុមនេះ គឺជាស្ពានភ្ជាប់ចំណងមិត្តភាព និងកិច្ចសហប្រតិបត្តិការរវាងស្ត្រីវៀតណាមនិងស្ត្រីមកពី បណ្តាប្រទេសសមាជិកអាស៊ាន ក៏ដូចជារវាង ស្ត្រីអាស៊ាននិងមិត្តភក្តិអន្តរជាតិ ដើម្បីផ្តល់ឱកាសសម្រាប់ស្ត្រីក្នុងតំបន់ ក្នុងការចែករំលែកព័ត៌មាន ចំណេះដឹង បទពិសោធន៍ និងលើកកម្ពស់សមភាពយេនឌ័ររួមទាំងលើកកម្ពស់តួនាទីរបស់ស្ត្រីខាងការទូត ផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: baoquocte.vn）

（បកប្រែដោយ ហេង វុធ្ធី）

Tags: ក្រុមសហគមន៍ នារី អាស៊ាន ហាណូយ វប្បធម៌ គំនូរប្រជាប្រិយ ដុងហូ Dong Ho

មតិពីមិត្តអ្នកអាន

ព័ត៌មានថ្មីៗ

វៀតណាមគឺជាគោលដៅទេសចរណ៍ដែលភ្ញៀវទេសចរកូរ៉េខាងត្បូងជ្រើសរើសច្រើនជាងគេចំណាត់ថ្នាក់ទីពីរ

យុគសម័យ - បើតាមទិន្នន័យដែលបានប្រកាសដោយអង្គការទេសចរណ៍កូរ៉េខាងត្បូង (KTO) នៅក្នុងខែកក្កដា ឆ្នាំ ២០២៦ វៀតណាមឈរនៅលំដាប់ថ្នាក់ទីពីរនៅក្នុងបញ្ជីបណ្តាគោលដៅទេសចរណ៍បរទេសដែលត្រូវបានភ្ញៀវទេសចរកូរ៉េខាងត្បូងជ្រើសរើស ដោយស្ថិតនៅបន្ទាប់ពីប្រទេសជប៉ុនតែប៉ុណ្ណោះ។

ការបង្កើនការត្រួតពិនិត្យដំណើរការបោះពុម្ពផ្សាយដើម្បីបង្ការនិងទប់ស្កាត់ការបំពាន

យុគសម័យ - នាថ្ងៃទី ២១ ខែកក្កដា នៅទីក្រុងហាណូយ គណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម បានរៀបចំសន្និបាតដាក់ឱ្យអនុវត្តសារាចរលេខ 04-CT/TW ថ្ងៃទី ១៧ ខែមីនា ឆ្នាំ ២០២៦ របស់គណៈលេខាធិការស្តីពីការបង្កើនការដឹកនាំរបស់បក្សចំពោះសកម្មភាពបោះពុម្ពផ្សាយក្នុងបរិបទស្ថានភាពថ្មី ព្រមទាំងប្រជុំប្រគល់ភារកិច្ចការងារបោះពុម្ពផ្សាយឆ្នាំ ២០២៦។

ជម្រុញទំនាក់ទំនងកិច្ចសហប្រតិបត្តិការរវាងគណបក្សកាន់អំណាចទាំងពីរវៀតណាម - ជប៉ុន

យុគសម័យ - រសៀលថ្ងៃទី ២១ ខែកក្កដា នៅឯទីស្នាក់ការមជ្ឈិមបក្ស សមាជិកអចិន្ត្រៃយ៍នៃលេខាធិការដ្ឋាន លោក Tran Cam Tu បានទទួលជួបគណៈប្រតិភូគណបក្សប្រជាធិបតេយ្យសេរីជប៉ុន LDP ដឹកនាំដោយស្តីទីអគ្គលេខាធិការ លោក Hagiuda Koichi ដែលកំពុងអញ្ជើញមកទស្សនាកិច្ចនិងធ្វើការនៅឯវៀតណាមចាប់ពីថ្ងៃទី ២០-២៣ ខែកក្កដា ឆ្នាំ ២០២៦។។

ដាណាំងប្រគល់ថវិកាចំនួន ១ ប៊ីលានដុងគាំទ្រមូលនិធិ "តបស្នងសងគុណ" ខេត្តក្វាងទ្រី

យុគសម័យ - ឆ្ពោះទៅកាន់ការរំលឹកខួបលើកទី ៧៩ ទិវាយុទ្ធជនពិការ - យុទ្ធជនពលី (ថ្ងៃទី ២៧ ខែកក្កដា ឆ្នាំ ១៩៤៧ - ថ្ងៃទី ២៧ ខែកក្កដា ឆ្នាំ ២០២៦) នាស្ទើថ្ងៃទី ១៧/៧ គណៈប្រតិភូធ្វើការទីក្រុងដាណាំងបានអញ្ជើញទៅសួរសុខទុក្ខព្រមទាំងប្រគល់ថវិកាគាំទ្រមូលនិធិ "តបស្នងសងគុណ" ខេត្តក្វាងទ្រីនូវទឹកប្រាក់ចំនួន ១ ប៊ីលានដុង។

សំណុំឯកសារជាង ៥០ បើកបន្ថែមតម្រុយស្វែងរកព្រមទាំងកំណត់អត្តសញ្ញាណយុទ្ធជនពលី

យុគសម័យ - សំណុំឯកសារដោះស្រាយកូដសម្ងាត់អង្គភាព ៩៦២ ផ្លង់ដីកន្លែងបញ្ចុះសពយុទ្ធជនពលីចំនួន ២១ រូបនៅឯមន្ទីរពេទ្យ K76A T7 យោធភូមិភាគ ៧ សំណុំឯកសារព្រមទាំងវត្ថុអនុស្សាវរីយ៍ពាក់ព័ន្ធនិងសមរភូមិភាគអាគ្នេយ៍ដំណាក់កាល ១៩៦៦-១៩៧២... ទើបតែត្រូវបានគម្រោង "គំនិតផ្តួចផ្តើមស្វែងរកជនជាតិវៀតណាមបាត់ខ្លួននៅក្នុងសង្គ្រាម" VWAI ប្រគល់ជូនស្ថាប័នសមត្ថកិច្ចវៀតណាម បម្រើឱ្យការកំណត់តំបន់ទីតាំងផ្នូរ ស្វែងរកសាច់ញាតិព្រមទាំងប្រៀបធៀប ADN នៅក្នុងយុទ្ធនាការ ៥០០ ថ្ងៃយប់។

អានច្រើនបំផុត

កសាងជួរកម្មាភិបាលវ័យក្មេងនៃសហភាពបណ្តាអង្គការមិត្តភាពវៀតណាមប្រកបដោយវីរភាពនិងភាពសកម្ម

យុគសម័យ - នាថ្ងៃទី ១៥ ខែកក្កដា នៅទីក្រុងហាណូយ សហភាពយុវជននៃសហភាពបណ្តាអង្គការមិត្តភាពវៀតណាមបានចាត់តាំងសន្និសីទបូកសរុបការងារសហភាពយុវជននិងចលនាយុវជនក្នុងរយៈពេល ៦ ខែដើមឆ្នាំ ព្រមទាំងទិសដៅភារកិច្ចគន្លឹះក្នុងរយៈពេល ៦ ខែចុងឆ្នាំ ២០២៦។ ប្រធានសហភាពបណ្តាអង្គការមិត្តភាពវៀតណាមលោក Phan Anh Son បានអញ្ជើញចូលរួមនិងផ្តល់ការដឹកនាំបញ្ជាដល់សន្និសីទ។

ស្នើឡើងការជួយឧបត្ថម្ភបណ្តាការឧបត្ថម្ភធនអត្រាការប្រាក់សម្រាប់សហគ្រាសវិនិយោគផ្លាស់ប្តូរថ្មីបច្ចេកវិទ្យា

យុគសម័យ - ក្រសួងវិទ្យាសាស្ត្រនិងបច្ចេកវិទ្យាបានស្នើឡើងការដាក់ឱ្យដំណើរការអនុវត្តគោលនយោបាយជួយឧបត្ថម្ភអត្រាការប្រាក់កម្ចីសម្រាប់សហគ្រាសវិនិយោគលើការអនុវត្ត ការផ្ទេរប្រគល់និងការផ្លាស់ប្តូរថ្មីបច្ចេកវិទ្យាតាមរយៈមូលនិធិផ្លាស់ប្តូរថ្មីបច្ចេកវិទ្យាជាតិ (NATIF)។ យោងតាមនោះ សហគ្រាសនឹងត្រូវបានរដ្ឋជួយឧបត្ថម្ភ ៥០% នៃអត្រាការប្រាក់កម្ចីទៅតាមកិច្ចសន្យាឥណទាន ប៉ុន្តែកម្រិតជួយឧបត្ថម្ភមិនលើសពី ៦%/ឆ្នាំ ជាមួយនិងរយៈពេលជួយឧបត្ថម្ភអតិបរមា ៥ ឆ្នាំ។

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

អភិវឌ្ឍន៍ថាមពលនុយក្លេអ៊ែរ៖ ល្បែងប្រឡងប្រជែងធនធានមនុស្សត្រូវតែដើរមុនមួយជំហាន

យុគសម័យ - ប្រសិនបើការសាងសង់រោងចក្រថាមពលនុយក្លេអ៊ែរមួយត្រូវការពេលរៀបចំជាង ១០ ឆ្នាំនោះ ផ្នែកនៃពេលវេលាដ៏មានសារៈសំខាន់បំផុតគឺមិនត្រឹមតែស្ថិតនៅលើការរចនា ការស្ថាបនា ឬក៏ការដំឡើងឧបករណ៍ប៉ុណ្ណោះទេ ប៉ុន្តែគឺស្ថិតនៅលើការរៀបចំមនុស្ស។ ពីព្រោះរោងចក្រមួយទោះបីជាទំនើបដល់កម្រិតណាក៏ដោយក៏មិនអាចដំណើរការប្រតិបត្តិការប្រកបដោយសុវត្ថិភាពបានឡើយ ប្រសិនបើខ្វះខាតជួរអ្នកជំនាញការដែលមានសមត្ថភាពគ្រប់គ្រាន់ ទទួលបានការបណ្តុះបណ្តាលយ៉ាងត្រឹមត្រូវតាមក្បួនខ្នាតព្រមទាំងជ្រាបចូលជ្រៅនូវវប្បធម៌សុវត្ថិភាព។

វៀតណាមស្ថិតក្នុងក្រុម ៥ ប្រទេសឈានមុខគេក្នុងវដ្តកំណើនសេដ្ឋកិច្ចថ្មីរបស់អាស៊ាន

យុគសម័យ - យោងតាមអ្នកជំនាញការ វដ្តកំណើនសេដ្ឋកិច្ចបន្ទាប់នៃបណ្តាប្រទេសនៅអាស៊ីអាគ្នេយ៍នឹងត្រូវបានកំណត់រូបរាងដោយក្រុម ៥ ប្រទេស រួមមាន វៀតណាម ម៉ាឡេស៊ី ឥណ្ឌូនេស៊ី ថៃព្រមទាំងហ្វីលីពីន។