យុគសម័យ - នាព្រឹកថ្ងៃទី ២៤ ខែឧសភា សម្ព័ន្ធសមាគមមិត្តភាពទីក្រុងហូជីមិញ (HUFO) បានរៀបចំពិធីរំលឹកទិវា វប្បធម៌និងអក្ខរកម្មស្លាវីដោយបង្ហាញពី បំណងចង់ពូនជ្រំនិងពង្រីកចំណងមិត្តភាពប្រពៃណីល្អប្រពៃ រវាងប្រជាជនទីក្រុង ហូជីមិញនិងប្រជាជនប៊ុលហ្គារី ជាពិសេសតាមរយៈសកម្មភាពសហប្រតិបត្តិការ លើវិស័យវប្បធម៌និងការអប់រំ។
លោកស្រី Marinela Pektova ឯកអគ្គរដ្ឋទូតប៊ុលហ្គារីប្រចាំនៅវៀតណាម
លោកស្រី Marinela Pektova ឯកអគ្គរដ្ឋទូតប៊ុលហ្គារីប្រចាំនៅវៀតណាមបាន ថ្លែងអំណរគុណចំពោះសម្ព័ន្ធសមាគមមិត្តភាពទីក្រុងដែលបានរៀបចំពិធីរំលឹកទិវាបង្កើតអក្ខរកម្មស្លាវីដែលជាពិធីបុណ្យដ៏សំខាន់របស់ប្រជាជនប៊ុលហ្គារីព្រមទាំងគូស បញ្ជាក់ពីការរីកចម្រើនខាងវប្បធម៌ប៊ុលហ្គារីតាមរយៈការរក្សាទុកព្រឹត្តិការណ៍ វប្បធម៌និងប្រវត្តិសាស្រ្តរបស់ប្រទេសនេះដោយអក្សររបស់ខ្លួន។
ពិធីនេះក៏ជាសក្ខី ភាពមួយដែលបង្ហាញពីទឹកចិត្តដ៏ល្អប្រពៃដែលប្រជាជនទីក្រុងហូជីមិញនិងប្រជាជនវៀតណាមនិយាយទូទៅបានផ្តល់ជូនសម្រាប់សហគមន៍ប៊ុលហ្គារីដែលរស់នៅក្នុង ប្រទេសវៀតណាមនិងប្រជាជនប៊ុលហ្គារីជាទូទៅផងដែរ។ ជាពិសេសការផ្លាស់ប្តូរវប្បធម៌គឺជាមូលដ្ឋានសម្រាប់ការអភិវឌ្ឍទំនាក់ទំនងរវាងប៊ុលហ្គារីនិងវៀតណាមដែលបានចូលរួមចំណែកយ៉ាងសំខាន់ក្នុងដំណើរការកសាងនិងអភិវឌ្ឍទំនាក់ទំនងល្អរវាងប្រទេសទាំងពីរនាពេលកន្លងមកនិងអនាគត។
ទិដ្ឋភាពនៃពីធីនេះ
ម្យ៉ាងវិញទៀតដែរ អំណោយរបស់សម្ព័ន្ធសមាគម មិត្តភាពទីក្រុងហូជីមិញប្រគល់ ជូនប្រជាជនប៊ុលហ្គារីពិតជាមានអត្ថន័យដ៏ធំធេងដោយបង្ហាញការស្រឡាញ់ស្មោះត្រង់ រឹតចំណងសាមគ្គីភាពនិងមិត្តភាពរវាងប្រជាជនទាំងពីរ និងរួមសុខរួមទុក្ខ គ្នានៅគ្រាលំបាកផងដែរ។
ទន្ទឹមនឹងនេះ ក្នុងពិធីនេះ Vuong Duc Hoang Quan ប្រធានសម្ព័ន្ធសមាគម មិត្តទីក្រុងហូជីមិញ និងលោកស្រី Hoang Thai Lan ប្រធានសមាគមមិត្តភាព វៀតណាម - ប៊ុលហ្គារីប្រចាំនៅទីក្រុងហូ ជីមិញបានប្រគល់ជូន លោកស្រី ឯកអគ្គរដ្ឋទូត Marinela Pektova នូវទឹកប្រាក់ដែលសម្ព័ន្ធសមាគមមិត្តភាព វៀតណាម - ប៊ុលហ្គារីប្រចាំនៅទីក្រុងហូជីមិញបានបរិច្ចាគដើម្បី ជួយប្រជាជន ប៊ុលហ្គារីដើម្បីការពារនិងប្រយុទ្ធប្រឆាំងនឹងការរីករាលដាលនៃជំងឺកូវីដ១៩ផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: tapchithongtindoingoai.vn）
មតិពីមិត្តអ្នកអាន