ឯកឧត្តម ហេង សួរ អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ បានប្រាប់អ្នកយកព័ត៌មានតាមប្រព័ន្ធតេឡេក្រាមថា «ក្រសួងមិនមានព័ត៌មានលម្អិតនោះទេ ប៉ុន្តែការមកដល់នៃវត្ថុធាតុដើមទាំងនេះវានឹងជួយឲ្យរោងចក្រដែលមិនទាន់ព្យួរកាន់តែអាចដំណើរការទៅមុខដោយមិនបាច់ព្យួរ។ហើយ ប្រសិនជាវាផ្គត់ផ្គង់ទៅរោងចក្រដែលព្យួរ គឺវានឹងធ្វើឲ្យរោងចក្រនោះបើកឡើងវិញ»។
ឯកឧត្តម ហេង សួរ អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ។
ក្រោយសម្តេចតេជោបានប្រកាសថា នាវាដឹកជញ្ជូនចំនួន៧គ្រឿងដែលដឹកវត្ថុធាតុដើមសម្រាប់ផ្គត់ផ្គង់រោងចក្រនៅកម្ពុជា បាននិងកំពុងដឹកចូលមកផែកម្ពុជាជាបន្តបន្ទាប់ នៅក្នុងពិធីប្រគល់សញ្ញាប័ត្រដល់និស្សិតវិទ្យាស្ថានវ៉ាន់ដារួចមក ក្រសួងការងារបានអោយដឹងថា ការមកដល់នៃវត្ថុធាតុដើមទាំងនេះវានឹងជួយឲ្យរោងចក្រដែលមិនទាន់ព្យួរកាន់តែអាចដំណើរការទៅមុខដោយមិនបាច់ព្យួរ ហើយប្រសិនជាវាផ្គត់ផ្គង់ទៅរោងចក្រដែលព្យួរ គឺវានឹងធ្វើឲ្យរោងចក្រនោះបើកឡើងវិញ។
ឯកឧត្តម ហេង សួរ អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ បានប្រាប់អ្នកសារព័ត៌មានខេមបូណូមីសតាមប្រព័ន្ធតេឡេក្រាមថា «ក្រសួងមិនមានព័ត៌មានលម្អិតនោះទេ ប៉ុន្តែការមកដល់នៃវត្ថុធាតុដើមទាំងនេះវានឹងជួយឲ្យរោងចក្រដែលមិនទាន់ព្យួរកាន់តែអាចដំណើរការទៅមុខដោយមិនបាច់ព្យួរ។ហើយ ប្រសិនជាវាផ្គត់ផ្គង់ទៅរោងចក្រដែលព្យួរ គឺវានឹងធ្វើឲ្យរោងចក្រនោះបើកឡើងវិញ»។ ឆ្លើយនឹង សំណួរថា តើការដឹកវត្ថុធាតុដើមតាមនាវាមក៧គ្រឿងនេះ នឹងជួយបានកម្រិតណាដែរ ឯកឧត្តមបានតបថា «ដឹកមកបន្តិច ស្ថានភាពល្អប្រសើរបន្តិច។ ហើយបើដឹកមកច្រើន ស្ថានភាពកាន់តែល្អ។ហើយបើទោះបីជាចំនួនប៉ុន្មានក៏វាល្អជាងមុនដែរ។ វានឹងជួយសម្រួលស្ដានភាព ដូចខ្ញុំបានវញ្ជាក់ជូនខាងលើ។
រោងចក្រដែលបានបិទ អាចនឹងបើកឡើងវិញ ក្រោយនាវាដឹកជញ្ជូនវត្ថុធាតុដើមពីចិនមកដល់កម្ពុជា៧គ្រឿង។
នៅក្នុងសន្ទរកថាដដែលនោះដែរ សម្ដេចតេជោ ហ៊ុន សែន បានបញ្ជាក់ប្រាប់ថា នាវាដឹកជញ្ជូនចំនួន៧គ្រឿងដែលដឹកវត្ថុធាតុដើមសម្រាប់ផ្គត់ផ្គង់រោងចក្រនៅកម្ពុជានោះ គឺមាន៥គ្រឿងបានចូលចតនៅកំពង់ផែក្រុងព្រះសីហនុហើយ និង ២គ្រឿងទៀតចតនៅកំពង់ផែវៀតណាមសម្រាប់ផ្គត់ផ្គង់រោងចក្រនៅទីតាំងក្រុងបាវិត ខេត្តស្វាយរៀង។ហើយសម្តេច ក៏បានសុំឲ្យអាជ្ញាធរពាក់ព័ន្ធទាំងអស់ ជាពិសេស ខាងកំពង់ផែ និងគយ ត្រូវធ្វើយ៉ាងណាសម្រួលដល់ការដឹកជញ្ជូននេះអោយដល់រោងចក្របានឆាប់រហ័សបំផុត និងបានថ្លែងអំណរគុណមិត្តចិនរួមទាំងអ្នកវិនិយោគគិន និងក្រុមហ៊ុនចិនទាំងអស់ដែលបានខិតខំចូលរួមជំរុញការដឹកនាំវត្ថុធាតុដើមមកផ្គត់ផ្គង់តម្រូវការរោងចក្រនានានៅក្នុងប្រទេសកម្ពុជាអោយបានទាន់ពេលវេលា៕
(សរុបដោយវិច្ឆិកា)
មតិពីមិត្តអ្នកអាន