យុគសម័យ - នាព្រឹកថ្ងៃទី ១១ ខែកុម្ភៈ គណៈប្រតិភូ អគ្គស្នងការដ្ឋាននគរបាលជាតិ នៃ ក្រសួងមហាផ្ទៃកម្ពុជា ដឹកនាំដោយលោកនាយឧត្ដមសេនីយ៍ ហ៊ីម យ៉ាន អគ្គស្នងការរងនគរបាលជាតិ បានអញ្ជើញទៅបំពេញទស្សនកិច្ច និងធ្វើការជាមួយនគរបាលទីក្រុងហាណូយ។
ទិដ្ឋភាពរួមនៃជំនួបរវាងគណៈប្រតិភូអគ្គស្នងការដ្ឋាននគរបាលជាតិនៃក្រសួងមហាផ្ទៃកម្ពុជា និងនគរបាលទីក្រុងហាណូយ។
លោកវរសេនីយ៍ឯក Nguyen Van Vien នាយករងនគរបាលទីក្រុងហាណូយនិងតំណាងថ្នាក់ដឹកនាំនៃអង្កភាពពាក់ព៍ន្ធមួយចំនួននៃក្រសួងនគរបាលវៀតណាមនិងនគរបាលទីក្រុងហាណូយបានទទួលស្វាគមន៍គណៈប្រតិភូ។
នៅក្នុងកិច្ចប្រជុំនេះ លោកនាយឧត្ដមសេនីយ៍ហ៊ីមយ៉ានបានចែករំលែកថា ស្ថានភាពចរាចរណ៍នៅកម្ពុជាវិវឌ្ឍន៍យ៉ាងស្មុគស្មាញ ចំនួនមធ្យោបាយធ្វើដំណើកើនឡើងយ៉ាងឆាប់រហ័សដែលបណ្តាលឱ្យករណីគ្រោះថ្នាក់ចរាចរណ៍កាន់តែកើនឡើង។
ប្រឈមមុខនឹងស្ថានភាពនេះ រដ្ឋាភិបាលកម្ពុជាក៏ដូចជារដ្ឋមន្រ្តីក្រសួងសាធារណការនិងដឹកជញ្ជូនបានយកចិត្តទុកដាក់ ដឹកនាំនូវការអនុវត្ដតាមបទបញ្ញត្តិការ កំណត់ និងការគោរពច្បាប់ចរាចរណ៍នៅក្នុងឆ្នាំ២០២០។
ដើម្បីអនុវត្តបញ្ហានេះប្រកបដោយប្រសិទ្ធភាព គណៈប្រតិភូកម្ពុជាបានពិភាក្សាការងារជាមួយនគរបាលទីក្រុងហាណូយនូវខ្លឹមសារសំខាន់ៗ មួយចំនួន៖ ច្បាប់ចរាចរណ៍លើផ្លូវគោករបស់វៀតណាម ឯកសារច្បាប់និងរឹតបន្តឹងការគោរពច្បាប់ចរាចរណ៍ តាមរយៈនោះ ដកបទពិសោធន៍ ដើម្បីអនុវត្ដនៅកម្ពុជាឲ្យទទួលបានលទ្ធផលល្អប្រសើរ។
លោកវរសេនីយ៍ឯក Nguyen Van Vien នាយករងនគរបាលទីក្រុងហាណូយ បានលើកឡើងច្បាស់លាស់ថា វៀតណាមនិងកម្ពុជាមានភាពស្រដៀងគ្នាអំពីស្ថានភាពចរាចរណ៍។ នៅក្រុងហាណូយស្ថានភាពចរាចរណ៍គឺជាបញ្ហាក្តៅគគុក និងទទួលបានការយកចិត្តទុកដាក់ពីគ្រប់ស្ថាប័ន។
តំណាងនគរបាលទីក្រុងហាណូយនិងគណៈប្រតិភូអគ្គស្នងការដ្ឋាននគរបាលជាតិនៃក្រសួងមហាផ្ទៃកម្ពុជាអញ្ជើញថតរូបទុកជាអនុស្សាវរីយ៍។
ប្រឈមនឹងការកើនឡើងនូវគ្រោះថ្នាក់ចរាចរណ៍ ជាពិសេសករណីគ្រោះថ្នាក់ចរាចរណ៍មទាក់ទងនឹងគ្រឿងស្រវឹងនិងស្រាបៀរ។ហេតុដូច្នះនេះរដ្ឋាភិបាលចេញប្រកាសអនុក្រឹតលេខ ១០០ ដើម្បីកាត់បន្ថយគ្រោះថ្នាក់ចរាចរណ៍។ ក្រៅពីនោះ នគរបាលចរាចរណ៍ក៏រកឃើញតៃកុងបើកឡានកុងតឺន័រប្រើប្រាស់គ្រឿងញាន។ នេះក៏គឺជាមូលហេតុដែលគ្រោះថ្នាក់ចរាចរណ៍កាន់តែកើនឡើង។
លោកនាយឧត្ដមសេនីយ៍ ហ៊ីម យ៉ាន បានកោតសរសើរចំពោះលទ្ធផលដែល នគរបាលទីក្រុងហាណូយសម្រេចបានក្នុងការធានាសុវត្ថិភាពចរាចរណ៍និង រក្សាសណ្តាប់ធ្នាប់ចរាចរណ៍ លោកនាយឧត្ដមសេនីយ៍ ហ៊ីម យ៉ាន ក៏បានចែករំលែកបន្ថែមថា គ្រោះថ្នាក់ចរាចរណ៍នៅរាជធានីភ្នំពេញមានចំនួន ៧៣% បើប្រៀបធៀបទៅនឹងបណ្តាខេត្តផ្សេងទៀត ហើយ មូលហេតុនៃការកើនឡើងនូវគ្រោះថ្នាក់ចរាចរណ៍គឺទាក់ទងនឹងការប្រើប្រាស់គ្រឿងស្រវឹង និងស្រាបៀរ…។
លោកនាយឧត្ដមសេនីយ៍ ហ៊ីម យ៉ាន បានថ្លែងអំណរគុណចំពោះការទទួលស្វាគមន៍យ៉ាងកក់ក្តៅ ក៏ដូចជាការចែករំលែកបទពិសោធន៍របស់នគរបាលទីក្រុងហាណូយផងដែរ ហើយបញ្ជាក់ថា ភាគីកម្ពុជាបានដកបទពិសោធន៍ជាច្រើន ដើម្បីអនុវត្តក្នុងការ ចាត់តាំងនិងការធានាសុវត្ថិភាពចរាចរណ៍នៅព្រះរាជាណាចក្រប្រកបដោយប្រសិទ្ធិភាព៕
（បកប្រែដោយឌីណា）
មតិពីមិត្តអ្នកអាន