ប្រទេសកម្ពុជាថ្លែងអំណរគុណចំពោះកងទ័ពស្ម័គ្រចិត្តវៀតណាមនៅឯខេត្តព្រះសីហនុ

គណៈប្រតិភូបានដាក់កម្រងផ្កានៅវិទ្យុមិត្តភាពកម្ពុជា - វៀតណាមនៅខេត្តព្រះសីហនុ។ (ប្រភព៖ TTXVN)

នៅថ្ងៃទី ២០ ខែធ្នូ គណៈប្រតិភូនៃកុងស៊ុលវៀតណាមនិងសមាគមខ្មែរ - វៀតណាមនៅខេត្តព្រះសីហនុ អ្នកតំណាងសហគមន៍ធុរកិច្ចវៀតណាមរួមទាំងក្រុមហ៊ុនមិត្តហ្វូន (ជាកម្មសិទ្ធិរបស់ក្រុមហ៊ុន Viettel) និងក្រុមហ៊ុន OpenNet ដឹកនាំដោយលោកអគ្គកុងស៊ុល Vu Ngoc Ly បានដាក់កម្រងផ្កានៅវិទ្យុមិត្តភាពកម្ពុជា - វៀតណាមនៅខេត្តព្រះសីហនុក្នុងឱកាសខួបអនុស្សាវរីយ៍លើកទី ៣០ នៃទិវាការពារជាតិរបស់ប្រជាជនទាំងមូល និង ខួបអនុស្សាវរីយ៍លើកទី ៧៥ ឆ្នាំនៃទិវាបង្កើតកងទ័ពប្រជាជនវៀតណាម ។

នេះជាសកម្មភាពប្រចាំឆ្នាំរៀបចំដោយកុងស៊ុលវៀតណាមប្រចាំនៅខេត្តព្រះសីហនុដើម្បីថ្លែងអំណរគុណដល់វីរជនកងទ័ពស្ម័គ្រចិត្តវៀតណាមដែលបានពលីជិវិតដើម្បីចំណងសាមគ្គីភាពនិងមិត្តភាពរវាងប្រជាជាតិនៃប្រទេសវៀតណាមនិងប្រទេសកម្ពុជា។

ដើម្បីបង្ហាញការដឹងគុណគ្មានទីបញ្ចប់ គណៈប្រតិភូបានចំណាយពេលមួយនាទីដើម្បីរំលឹកដល់វីរជនកងទ័ពស្មគ្រចិត្ត វៀតណាមដែលបានពលីជិវិតនៅកម្ពុជាក្នុងសម័យសង្គ្រាម។ ការលះបង់ដ៏ធំធេងរបស់យុទ្ធជនវីរជនវៀតណាមបានរួមចំណែកក្នុងបុព្វហេតុការពារបូរណភាពទឹកដីជាតិ ដោយបង្ហាញនូវស្មារតីអន្តរជាតិដ៏ថ្លៃថ្នូ បង្កើនសាមគ្គីភាពនិងមិត្ត ភាពរវាងប្រជាជននៃប្រទេសទាំងពីរ។

កងទ័ពនិងស្ម័គ្រចិត្តនិងអ្នកជំនាញវៀតណាមរាប់ម៉ឺននាក់បានពលីជិវិតនាពេលបំពេញបេសកកម្មអន្តរជាតិ នៅក្នុងប្រទេសរបស់អ្នកក្នុងពេលមានសង្គ្រាម។ រហូតមកដល់ពេលនេះនៅមានអដ្ឋិធាតុនៃកងទ័ពស្ម័គ្រចិត្តនិងអ្នកជំនាញ វៀតណាមជាច្រើនទៀតដែលកំពុងដេកនៅក្នុងប្រទេសកម្ពុជានៅឡើយ។ កិច្ចការស្វេងរុករក ប្រមូលផ្តុំនិងធ្វើមាតុភូមិនិវត្តន៍អដ្ឋិធាតុនៃកងទ័ពស្មគ្រចិត្តនិងអ្នកជំនាញវៀតណាមនៅតែកំពុងត្រូវបានអនុវត្តយ៉ាងសកម្មដោយរដ្ឋាភិបាលនៃប្រទេសទាំងពីរដែលមានគោលដៅបញ្ចប់នៅឆ្នាំ ២០២០ ៕

（ប្រែសម្រូលដោយវិច្ឆិកា）

（ប្រែសម្រូលដោយវិច្ឆិកា）