យុគសម័យ - នាយប់ថ្ងៃទី ២ ខែធ្នូ នៅទីក្រុង Da Lat ខេត្ត Lam Dong ប្រទេសវៀតណាម បានប្រព្រឹត្តទៅពិធីបិទបញ្ចប់កិច្ចប្រជុំមិត្តភាពកសិករនៃប្រទេសទាំង ៣ វៀតណាម - ឡាវ - កម្ពុជា។
អនុប្រធានរដ្ឋសភាវៀតណាម លោក Phung Quoc Hien អញ្ជើញថ្លែងមតិក្នុងពិធី (រូបថត៖ baotintuc.vn)
អញ្ជើញចូលរួមពិធីនេះ មានវត្តមានរបស់ អនុប្រធានរដ្ឋសភាវៀតណាម លោក Phung Quoc Hien; ប្រធានសមាគមកសិករវៀតណាមលោក Thao Xuan Sung រួមទាំង ថ្នាក់ដឹកនាំក្រសួង ស្ថាប័នមជ្ឈិមនិងមូលដ្ឋាន និងប្រធានគណៈប្រតិភូឡាវនិងកម្ពុជាផងដែរ។ កម្មវិធីនេះបានប្រព្រឹត្តទៅចាប់ពីថ្ងៃទី ៣០ ខែវិច្ឆិកាដល់ថ្ងៃទី ២ ធ្នូ តាមរយៈសកម្មភាពនានាដូចជា សិក្ខាសាលាស្តីពីការចែករំលែកបទពិសោធន៍លើការអភិវឌ្ឍន៍កសិកម្ម កសិករ តំបន់ជនបទនៃប្រទេសទាំង ៣ និងកម្មវិធីជួបប្រាស្រ័យវប្បធម៌ សិល្បៈ ទស្សនាគំរូនៃកសិកម្មបច្ចេកវិទ្យាខ្ពស់ ព្រមទាំងមានការផ្លាស់ប្តូរចែករំលែកនិងសិក្សាបទពិសោធន៍រវាងតំណាងទាំងឡាយអំពីការអភិវឌ្ឍន៍កសិកម្ម កសិករនិងតំបន់ជនបទផងដែរ។
ទិដ្ឋភាពនៃពិធី (baotintuc.vn)
ថ្លែងនៅក្នុងពិធីបិទនេះ អនុប្រធានគណៈកម្មាធិការប្រជាជនខេត្ត Lam Dung លោក Pham S បានមានប្រសាសន៍ថា កម្មវិធីនេះមានការផ្សព្វផ្សាយយ៉ាងខ្លាំងក្លាដល់មិត្តភក្តិអន្តរជាតិនិយាយរួម និងប្រទេសទាំងបីវៀតណាម - ឡាវ - កម្ពុជានិយាយដោយឡែក ក្នុងការពង្រឹងនិងពង្រីកការផ្លាស់ប្តូរនិងសហប្រតិបត្តិការយ៉ាងទូលំទូលាយស្តីពីការអភិវឌ្ឍន៍កសិកម្មកសិករនិងតំបន់ជនបទ ព្រមទាំងរឹតបន្តឹងចំណងមិត្តភាពនិងទំនាក់ទំនងពិសេសរវាងកសិករនៅក្នុងប្រទេសទាំងបីក៏ដូចជានៅលើពិភពលោកផងដែរ។
នេះគឺជាឱកាសល្អក្នុងការផ្សព្វផ្សាយផលិតផលកសិកម្មប្រកបដោយសុវត្ថិភាព និងស្របតាមស្តង់ដារដើម្បីបម្រើផលិត កម្មនិងការប្រើប្រាស់ក្នុងស្រុក ក៏ដូចជាជួយគាំទ្រដល់សហគ្រាសនានាក្នុងការឈានចូលទៅកាន់ទីផ្សារក្នុងនិងក្រៅប្រទេស តាមរយៈនោះបង្កើនទំនាក់ទំនងសាមគ្គីភាពពិសេស មិត្តភាព កិច្ចសហប្រតិបត្តិការគ្រប់ជ្រុងជ្រោយរវាងកសិករនៃប្រទេសទាំង ៣ ផងដែរ៕
（ហេង វុធ្ធី）
មតិពីមិត្តអ្នកអាន