នៅក្នុងជំនួបនេះ ឧបនាយករដ្ឋមន្រ្តីលោក Truong Hoa Binh បានអះអាង ថា វៀតណាមជានិច្ចកាលចាត់ទុកអ.ស.បជាអាទិភាពមួយក្នុងចំណោមអាទិភាព នៃគោលនយោបាយកិច្ចការបរទេសរបស់ វៀតណាម។
ឧបនាយករដ្ឋមន្រ្តី អចិន្រ្តៃយ៍រដ្ឋា ភិបាលវៀតណាមលោក Truong Hoa Binh (ខាងស្ដាំ) អញ្ជើញទទួលជួបជាមួយអ្នកសម្របសម្រួល អចិន្រ្តៃយ៍របស់អង្គការសហប្រជាជាតិ (អ.ស.ប) លោក Kamal Malhotra (រូបថត៖ VGP)
នារសៀលថ្ងៃទី២៣ ខែតុលា នៅទីស្នាក់ការរដ្ឋាភិបាល ឧបនាយករដ្ឋមន្រ្តីអចិន្រ្តៃយ៍រដ្ឋាភិបាលវៀតណាមលោក Truong Hoa Binh បានអញ្ជើញទទួលជួប ជាមួយអ្នកសម្របសម្រួល អចិន្រ្តៃយ៍របស់អង្គការសហប្រជាជាតិ (អ.ស.ប) លោក Kamal Malhotra និងប្រធានក្រុមបេសកកម្មនានារបស់អង្គការសហប្រជា ជាតិប្រចាំវៀតណាម ក្នុងឱកាសទិវាអង្គការសហប្រជាជាតិថ្ងៃទី២៤ ខែតុលា។
នៅក្នុងជំនួបនេះ ឧបនាយករដ្ឋមន្រ្តីលោក Truong Hoa Binh បានអះអាង ថា វៀតណាមជានិច្ចកាលចាត់ទុកអ.ស.បជាអាទិភាពមួយក្នុងចំណោមអាទិភាព នៃគោលនយោបាយកិច្ចការបរទេសរបស់វៀតណាម។ ជូនដំណឹងអំពីលទ្ធផល សេដ្ឋកិច្ចសង្គមមួយចំនួនដែលវៀតណាមគ្រោងនឹងសម្រេចបានក្នុងឆ្នាំ២០១៩នេះ លោក Truong Hoa Binh បានអះអាងថា ការប្ដេជ្ញាចិត្តរបស់រដ្ឋាភិបាលក្នុង ការកសាងរដ្ឋាភិបាលស្ថាបនានោះគឺគោលនយោបាយដ៏ត្រឹមត្រូវ ហ្មឺងម៉ាត់ ហើយនាំមកនូវលទ្ធផលជាក់ស្ដែងជាច្រើន។ លោកឧបនាយករដ្ឋមន្រ្តីបានស្នើ អោយបណ្ដាអង្គការនៃអ.ស.បបន្តព្យាករណ៍ហើយជូនដំណឹងអំពីនិន្នាការថ្មី វិបត្តិដែលអាចកើតមានឡើងនៅក្នុងតំបន់និងលើពិភពលោកក៏ដូចជាផល ប៉ះពាល់ទៅលើវៀតណាមផងដែរ។
ចំណែកឯអ្នកសម្របសម្រួលអ.ស.បប្រចាំវៀតណាមលោក Kamal Malhotra បានអោយដឹងថា ឆ្នាំនេះ អ.ស.បចាប់ផ្ដើមរៀបចំសកម្មភាពរំលឹកខួប លើកទី៧៥ទិវាបង្កើត ហើយមានគោលបំណងចង់រួមជាមួយវៀតណាមរៀបចំ សកម្មភាពធំៗដូចជាកិច្ចប្រជុំអន្តរជាតិស្ដីពីនារីនិងសន្តិភាពនាឆ្នាំ២០២០។ លោក Kamal Malhotra បានបន្ថែមទៀតថា អ.ស.បនឹងបន្តជួយឧបត្ថម្ភយ៉ាងខ្លាំងក្លា ហើយរួមដំណើរជាមួយវៀតណាម ដើម្បីសម្រេចបាននូវគោលដៅអភិវឌ្ឍ ប្រកបដោយចីរភាព។ ជាពិសេសគឺ ជួយឧបត្ថម្ភដល់វៀតណាមក្នុងគោល នយោបាយអភិវឌ្ឍនានាដូចជាផលិតភាពពលកម្ម សមត្ថភាពប្រកួតប្រជែងនៃ ខឿនសេដ្ឋកិច្ចដើម្បីជៀសវាងអន្ទាក់ចំណូលមធ្យម ជាដើម៕
（ប្រភព៖ vovworld.vn ហេង វុធ្ធី សរុប）
មតិពីមិត្តអ្នកអាន