នៅក្នុងសិក្ខាសាលាស្តីពី “ការផ្សព្វផ្សាយពីរបាំងបច្ចេកទេសដើម្បីអនុវត្តកិច្ចព្រមព្រៀង EVFTA សម្រាប់ផ្នែកជលផល” ដែលរៀបចំឡើងដោយនាយកដ្ឋានកែច្នៃ និងអភិវឌ្ឍទីផ្សារកសិផល នៃក្រសួងកសិកម្ម និងអភិវឌ្ឍន៍ជនបទ នាថ្ងៃទី ១៦ ខែតុលា នៅទីក្រុង Can Tho ភាគខាងត្បូងវៀតណាម អ្នកជំនាញអឺរ៉ុបបានវាយតម្លៃថា ផលិតផលជលផលវៀតណាមមានសក្ដានុពលខ្ពស់សម្រាប់ការនាំចេញទៅសហភាពអឺរ៉ុប។
នាពេលបច្ចុប្បន្ននេះសហគ្រាសវៀតណាមជាច្រើនបានបញ្ជាក់ពីគុណភាពនៃផលិតផល ដោយអាចឆ្លើយតបតាមតម្រូវការរបស់ EU និងស្របតាមតម្រូវការរបស់អ្នកប្រើប្រាស់ EU ។យោងតាមលោក Dao Trong Hieu អនុប្រធានផ្នែកអភិវឌ្ឍន៍ទីផ្សារជលផល នៃនាយកដ្ឋានកែច្នៃ និងអភិវឌ្ឍន៍ទីផ្សារកសិផល បានឱ្យដឹងថា ការនាំចូលជលផលរបស់សហភាពអឺរ៉ុបមានចំនួនជាង ២២ ពាន់លានដុល្លារអាមេរិកជារៀងរាល់ឆ្នាំ ខណៈដែលការនាំចេញជលផលរបស់វៀតណាម ទៅកាន់ទីផ្សារនេះមានត្រឹមតែប្រហែល ១,២ ទៅ ១,៤ ពាន់លានដុល្លារប៉ុណ្ណោះក្នុងមួយឆ្នាំ នេះជាអត្រាទាបណាស់។
រូបថតឧទាហរណ៍ (vnanet.vn)
សហភាពអឺរ៉ុបឈរលំដាក់ទី ២ (ទី១គឺសហរដ្ឋអាមេរិក) នៅក្នុងចំណោមទីផ្សារនាំចេញបង្កងរបស់វៀតណាមក្នុងអំឡុងឆ្នាំ២០១០-២០១៩ ដែលផលិតផលបង្គងវៀតណាមនាំចេញទៅកាន់សហភាពអឺរ៉ុបក្នុងអំឡុងពេលនេះបានកើនឡើងជាមធ្យម ៨,៧% ក្នុងមួយឆ្នាំ។ ក្នុងរយៈពេល ៥ ឆ្នាំខាងមុខ ការនាំចេញជលផលវៀតណាមទៅកាន់សហគមន៍អឺរ៉ុបនឹងមានភាពល្អប្រសើរ ប្រសិនបើកាតលឿង IUU ត្រូវបានលើកលែង ហើយឆ្លៀតទាញយកប្រយោជន៍បានពីការអនុគ្រោះពន្ធក្រោយ EVFTA ... ដែលទំហំពាណិជ្ជកម្មនៃការនាំចេញជលផលរបស់វៀតណាម តាមការព្យាករណ៍ក្នុងរយៈពេល ៥ ឆ្នាំខាងមុខ នឹងសម្រេចបាន ១.២ ដល់ ១.៥ ពាន់លានដុល្លារក្នុងមួយឆ្នាំ./.
（ប្រភពព័ត៌មាន: kh.qdnd.vn）
មតិពីមិត្តអ្នកអាន