មហាសន្និបាត AIPA ៤១ បានបន្តពិភាក្សាគ្នានៅថ្ងៃធ្វើការទី ២ ដោយផ្តោតលើបញ្ហាសំខាន់ៗជាច្រើន

ប្រធានរដ្ឋសភាវៀតណាម លោកស្រី​ Nguyen THi Kim NGan

ក្នុងអំឡុងពេលថ្ងៃនេះ បានប្រព្រឹត្តទៅកិច្ចប្រជុំគណៈកម្មការនយោបាយ គណៈកម្មការសេដ្ឋកិច្ច គណៈកម្មការសង្គម និងគណៈកម្មការចាត់ចែង។ គណៈកម្មការសេដ្ឋកិច្ច ត្រូវបានគេរំពឹងថានឹងពិចារណានិងអនុម័តលើសេចក្តីសម្រេចចិត្តស្តីពីតួនាទីរបស់សភាក្នុងការលើកកម្ពស់ការបង្រួបបង្រួមសេដ្ឋកិច្ចអាស៊ាន បន្ទាប់ពីការរីករាលដាលនៃជម្ងឺ COVID-១៩ ។ គណៈកម្មការសង្គម ត្រូវបានគេរំពឹងថានឹងពិចារណានិងអនុម័តលើសេចក្តីសម្រេចចិត្តស្តីពីការពង្រឹងតួនាទីរបស់ AIPA ដើម្បីកសាងសហគមន៍វប្បធម៌-សង្គមអាស៊ានមួយ ដែលមានភាពម្ចាស់ការក្នុងការឆ្លើយតបយ៉ាងសកម្មជាមួយនឹងជំងឺរាតត្បាតកូវីឌ១៩ផងដែរ។

ការរៀបចំនៃមហាសន្និបាត AIPA ៤១ និងទាំងសកម្មភាពរបស់ប្រធាន AIPA ឆ្នាំ២០២០តាមរយៈប្រព័ន្ធអនឡាញ ដើម្បីសម្របខ្លួនទៅនឹងការរីករាលដាលនៃជំងឺ COVID-១៩ ក៏បង្កើតការលំបាកមួយចំនួនក្នុងការងាររៀបចំផងដែរ។ ដោយស្មារតីទទួលខុសត្រូវ ការផ្តួចផ្តើមគំនិតនិងភាពវិជ្ជមានប្រទេសម្ចាស់ផ្ទះវៀតណាមបានផ្តោតលើការជំនះពុះពារ និងធានានូវការរៀបចំប្រកបដោយជោគជ័យនៃមហាសន្និបាត AIPA ៤១ ដោយបន្សល់ទុកនូវចំណាប់អារម្មណ៍ល្អៗ នៅក្នុងដួងចិត្តរបស់មិត្តភក្តិអន្តរជាតិ ព្រមទាំងនាំមកនូវជោគជ័យនិងឋានៈថ្មីរបស់រដ្ឋសភាវៀតណាមដោយផ្សារភ្ជាប់ប្រជាជនវៀតណាមនិងប្រជាជនសហគមន៍អាស៊ានផងដែរ។

ចំណុចថ្មីនៃមហាសន្និបាត AIPA ៤១ គឺថាគណៈកម្មាធិការ AIPA នីមួយៗនឹងចេញសេចក្តីសម្រេចចិត្តរួមគ្នា ប៉ុន្តែឆ្លុះបញ្ចាំងពីបំណងប្រាថ្នារបស់ប្រទេសនានា។ ខ្លឹមសារនៃដំណោះស្រាយរួមនៅឆ្នាំនេះគឺទាក់ទងទៅនឹងស្ថានភាពរាតត្បាតនិងផលប៉ះពាល់ពីការរីករាលដាលនៃជំងឺកូវីដ១៩ទៅលើវិស័យផ្សេងៗ៕

（បកប្រែដោយ ហេងវុធ្ធី）

（ប្រភពព័ត៌មាន: tapchithongtindoingoai.vn）

（បកប្រែដោយ ហេងវុធ្ធី）