យុគសម័យ - លោកបណ្ឌិត Munir Majid ប្រធានធនាគារ Muamalat Bank ម៉ាឡេស៊ីនិងជា ប្រធានក្លឹបសហគ្រិនអាស៊ាន (អាស៊ាន - BAC ម៉ាឡេស៊ី) ប្រធានវិទ្យាស្ថានស្រាវជ្រាវអាស៊ាន CIMB និងជាប្រធានវិទ្យាស្ថានស្រាវជ្រាវទីផ្សារដើមទុនវិនិយោគម៉ាឡេស៊ីបានអះអាងថា វៀតណាមគឺជាសមាជិកមួយដែលមានទំនួលខុសត្រូវនិងសកម្មចំពោះសមាគមនេះក្នុងរយៈពេល ២៥ ឆ្នាំចាប់តាំងពីវៀតណាមចូលរួមក្នុងសមាគមអាស៊ាន។
លោកវេជ្ជបណ្ឌិត Munir Majid ។ (រូបថត៖ ទីភ្នាក់ងារសារព័ត៌មានវៀតណាម)
ក្នុងឱកាសខួប ៥៣ ឆ្នាំនៃការបង្កើតនិងអភិវឌ្ឍន៍អាស៊ាន លោកបណ្ឌិត Munir Majid បានអះអាងថា ប្រធានបទអាស៊ាន ឆ្នាំ២០២០ ““ភាពស្អិតរមួត និងការឆ្លើយតបដោយសកម្ម” ដែលវៀតណាមបានលើកឡើងដែលពិតជាសមស្របនឹងស្ថានការណ៍ជាក់ស្តែង ជាពិសេស នៅក្នុងបរិបទនៃពិភពលោកដែលកំពុងប្រឈមមុខនឹងជំងឺ COVID-19 ។ លោកបានសង្កត់ធ្ងន់ថា ក្នុងនាមជាប្រធានអាស៊ានឆ្នាំ ២០២០ វៀតណាមមានការទទួលខុសត្រូវក្នុងការដឹកនាំអាស៊ានដើម្បីជំនះរាល់ការលំបាក នាពេលបច្ចុប្បន្ន។ ព្រមទាំងអ្វីៗដែលវៀតណាមបានធ្វើពិតជាបានបង្ហាញថា វៀតណាមបានយកចិត្តទុកដាក់យ៉ាងខ្លាំងលើតួនាទីជាសមាជិកភាពអាស៊ាន។
លោកបានសង្កត់ធ្ងន់ថា សន្តិភាពនិងស្ថិរភាពដែលដើរតួនាទីយ៉ាងសំខាន់ក្នុងភាពរុងរឿងរបស់អាស៊ាននិងបណ្តាប្រទេសជាសមាជិក។ យោងតាមអ្នកជំនាញជាន់ខ្ពស់រូបនេះ អាស៊ាននេះក៏បានបញ្ជាក់ពីជំហរនិងតួនាទីស្នូលរបស់ខ្លួនក្នុងការដោះស្រាយបញ្ហាក្នុងតំបន់។ ប្រការនេះបានបង្ហាញយ៉ាងច្បាស់លាស់ នៅពេលសមាគមអាស៊ានគឺជាគ្រឹះស្ថាននិងដើរតួនាទីរៀបចំបណ្តាសកម្មភាពសហប្រតិបត្តិការ កិច្ចសន្ទនានិងវេទិកាដោយមានការចូលរួមពីបណ្តាប្រទេសមិនមែនជាសមាជិកនៃអាស៊ាន រួមទាំងមហាអំណាចផងដែរ។
លោកបណ្ឌិត Munir ក៏បានលើកឡើងពីការពង្រឹងនិងរក្សាសាមគ្គីភាពក្នុងតំបន់អាស៊ាន។ លោកបានមានប្រសាសន៍ថា“ អាស៊ានត្រូវតែមានសម្លេងតែមួយនិងសកម្មនៅក្នុងកិច្ចពិភាក្សានានានៅឯវេទិកានានាជាពិសេសនៅពេលដែលផលប្រយោជន៍របស់សមាគមត្រូវបានគំរាមកំហែង ដូចជា ការរក្សាសន្តិភាពនិងស្ថិរភាពនៅក្នុងតំបន់និងខឿនសេដ្ឋកិច្ចពិភពលោកបើកចំហ” ។
កំណើនសេដ្ឋកិច្ចរបស់អាស៊ានគឺផ្អែកលើសេដ្ឋកិច្ចពិភពលោកបើកចំហ។ អ្នកជំនាញរូបនេះបានសង្កត់ធ្ងន់ថា សេដ្ឋកិច្ចពិភពលោកកំពុងកាត់បន្ថាយ ដោយសារសហរដ្ឋអាមេរិកជាទីផ្សារមួយដែលបានជំរុញកំណើនសេដ្ឋកិច្ចអាស៊ាន - ពង្រឹងវិធានការណ៍ការពារ យុទ្ធសាស្ត្រ និងផលប៉ះពាល់ដ៏អវិជ្ជមាន ដោយការផ្ទុះនៃការឆ្លងមេរោគ COVID-19 ។ ស្ថានភាពជាក់ស្តែងនេះបង្ហាញពីអាស៊ានកំពុងប្រឈមទាំងបញ្ហានិងឱកាស។
យោងតាមលោកបណ្ឌិត Munir បាននិយាយថាប្រទេសសមាជិកអាស៊ាននៅតែបន្តកិច្ចខិតខំប្រឹងប្រែងក្នុងការគ្រប់គ្រងនិងទប់ស្កាត់នឹងការរីករាលដាលនៃជំងឺនេះ។ ម្យ៉ាងវិញទៀតស្តារខឿនសេដ្ឋកិច្ចផលិតកម្មឡើងវិញនិងជំនះផលប៉ះពាល់ដែលបណ្តាលមកពីការរីករាលដាលនៃជំងឺនេះ។ លោកបានសង្កត់ធ្ងន់ថា ប្រសិនបើយើងមិនឆ្លៀតយកឱកាសទេ បញ្ហាប្រឈមនឹងកើតមានច្រើន នៅពេលដែលសេដ្ឋកិច្ចធ្លាក់ចុះ។
ប្រធានអាស៊ាន - -BAC ម៉ាឡេស៊ីបានអំពាវនាវឱ្យអាស៊ានដើរតួជាប្លុករួបរួមគ្នាដើម្បីឆ្លងកាត់ការលំបាកនិងស្តារខឿនសេដ្ឋកិច្ចឡើងវិញ។ លោកបណ្ឌិត Munir ក៏បានចង្អុលបង្ហាញថា អាស៊ានត្រូវតែរក្សាបាននូវកំណើនក្នុងទីផ្សារក្នុងតំបន់ នាពេលអនាគត ។ ទន្ទឹមនឹងនោះ សមាហរណកម្មសេដ្ឋកិច្ចក្នុងតំបន់និងការបង្កើតទីផ្សារតែមួយនិងមូលដ្ឋានផលិតកម្មមានសារៈសំខាន់ណាស់./.（បកប្រែដោយឌីណា）
មតិពីមិត្តអ្នកអាន