ប្រព័ន្ធផ្សព្វផ្សាយអន្តរជាតិវាយតម្លៃពីឱកាសដែល EVFTA នាំមកដល់វៀតណាម

ក្រុមហុនភាគហ៊ុនវិនិយោគនិងពាណិជ្ជកម្ម TNG Thai Nguyen បានផលិតសម្លៀកបំពាក់សម្រាប់នាំចេញ។ រូបឧទាហរណ៍៖ Hoang Nguyen/ទីភ្នាក់ងារសារព័ត៌មានវៀតណាម

កិច្ចព្រមព្រៀងពាណិជ្ជកម្មសេរីអឺរ៉ុប - វៀតណាម ដែលចូលជាធរមានចាប់ពីថ្ងៃទី ១ ខែសីហាកន្លងមក នឹងកាត់បន្ថយពន្ធគយយ៉ាងខ្លាំងរវាងដៃគូពាណិជ្ជកម្មទាំងពីរ ហើយទីបំផុតនឹងលុបបំបាត់ពន្ធ ៩៩% នាពេលអនាគត។

យោងតាមអត្ថបទនេះ FTA ចុងក្រោយនេះនឹងជួយវៀតណាមជំរុញកំណើនវិនិយោគនិងពាណិជ្ជកម្មយ៉ាងសំខាន់។ សហភាពអឺរ៉ុបគឺជាទិសដៅនាំចេញធំបំផុតទី ២ របស់វៀតណាមរួចទៅហើយ។ ទំហំនាំចេញរបស់វៀតណាមទៅកាន់តំបន់តំបន់ប្រើរូបិយប័ណ្ណរួមអឺរ៉ុប (Eurozone) បានកើនឡើងជាលំដាប់ក្នុងរយៈពេលប៉ុន្មានឆ្នាំចុងក្រោយនេះ ដោយមានអត្រាកំណើនប្រចាំឆ្នាំចំនួន ១១% ដែលឈានដល់ ៤២,៥ ពាន់លានដុល្លារក្នុងឆ្នាំ ២០១៨។ មុខទំនិញនាំចេញសំខាន់ៗរួមមាន៖ ឧបករណ៍ទូរគមនាគមន៍ គ្រឿងអេឡិចត្រូនិច វាយនភ័ណ្ឌ ផលិតផលឧស្សាហកម្មបុរាណនិងផលិតផលម្ហូបអាហារដូចជាកាហ្វេ អង្ករ និងគ្រឿងសមុទ្រ។

នៅពេលដែលបណ្តាប្រទេសនៅជុំវិញពិភពលោកចាប់ផ្តើមបើកដំណើរការសេដ្ឋកិច្ចរបស់ពួកគេឡើងវិញដោយប្រុងប្រយ័ត្នបន្ទាប់ពីកំឡុងពេលបង្ខាំង​មិន​ឱ្យ​ចេញ​ចូល ក្រុមហ៊ុនជាច្រើនកាន់តែស្វែងរកវិធីសាស្ត្រដើម្បីកសាងការស្តារឡើងវិញនៅក្នុងខ្សែសង្វាក់ផ្គត់ផ្គង់ ហើយតាមរយៈ EVFTA ជំហរដ៏មានតម្លៃរបស់វៀតណាមបន្តត្រូវបានពង្រឹងបន្ថែមទៀត។ អត្ថបទនេះបានបញ្ជាក់ថា វៀតណាមគឺជាទីផ្សារមួយក្នុងចំណោមទីផ្សារដំបូងនៅអាស៊ាន ដែលបន្ធូរបន្ថយការបង្ខាំង​មិន​ឱ្យ​ចេញ​ចូល ហើយឥឡូវនេះប្រទេសនេះកំពុងស្ថិតនៅក្នុងទីតាំងអំណោយផលមួយក្នុងការចាប់យកឱកាសពីតម្រូវការវិនិយោគដែលត្រូវបានបង្កើតឡើងក៏ដូចជានិន្នាការផលិតកម្មសកលកំពុងផ្លាស់ប្តូរ៕

（បកប្រែដោយសាមេត）

（ប្រភពព័ត៌មាន: baotintuc.vn）

（បកប្រែដោយសាមេត）