យុគសម័យ - លោកស្រីឯកអគ្គរដ្ឋទូតអូស្ត្រាលីប្រចាំនៅវៀតណាម Robyn Mudie បានវាយតំលៃខ្ពស់ចំពោះការខំប្រឹងប្រែងរបស់វៀតណាមក្នុងការប្រយុទ្ធប្រឆាំងនឹងជំងឺ Covid-19។ ទន្ទឹមនឹងនោះ លោកស្រីបានសង្កត់ធ្ងន់ទៅលើកិច្ចខំប្រឹងប្រែង សហប្រតិបត្តិការ ដើម្បី ដោះស្រាយបញ្ហាប្រឈមដែលមកពីជំងឺ Covid-19 ។
លោកស្រីឯកអគ្គរដ្ឋទូតអូស្ត្រាលីប្រចាំនៅប្រទេសវៀតណាម Robyn Mudie ។ (រូបថត៖ The Gioi vs Viet Nam)
កត្តាដែលបង្កើតភាពជោគជ័យ
ខ្ញុំបានវិលត្រឡប់ទៅប្រទេសវៀតណាមកាលពីឆ្នាំមុន ជាច្រើនឆ្នាំបន្ទាប់ពីអាណត្តិដំបូងរបស់ខ្ញុំនៅវៀតណាម ក្នុងឆ្នាំ ១៩៩៣។ ខ្ញុំមានការភ្ញាក់ផ្អើលចំពោះប្រទេសមួយដែលអាចរីកចម្រើនយ៉ាងឆាប់រហ័សហើយ រហូតមកដល់ពេលនេះនិងផ្លាស់ប្តូរយ៉ាងច្រើនក្នុងរយៈពេល ២៥ ឆ្នាំ។ ។
ក្នុងរយៈពេលប៉ុន្មានខែថ្មីៗនេះ នៅពេលជំងឺ Covid-19 រាតត្បាតរាលដាលពាសពេញពិភពលោក គុណសម្បត្តិរបស់ប្រជាជនជាថ្មីម្តងទៀតបានបង្ហាញយ៉ាងច្បាស់លាស់ ។ ក្នុងនាមជាឯកអគ្គរដ្ឋទូតអូស្ត្រាលីប្រចាំនៅវៀតណាម ខ្ញុំមានការចាប់អារម្មណ៍និងស្ងើចសរសើរចំពោះសកម្មភាពយ៉ាងរហ័សនិងម៉ឺងម៉ាត់របស់រដ្ឋាភិបាលវៀតណាម ចំពោះគ្រោះថ្នាក់របស់ Covid-19 និងកាត់បន្ថយឥទ្ធិពលនៃជំងឺនេះលើជីវិតនិងជីវភាពរបស់ប្រជាជននៃប្រទេសដ៏អស្ចារ្យនេះ។
រហូតដល់បច្ចុប្បន្នេះនេះ ប្រទេសវៀតណាមមានតែករណីវិជ្ជមាននឹងជំងឺ Covid-19 ជាង ៣០០ ករណី ហើយមិនមានអ្នកស្លាប់នៅឡើយទេ។ អាចនិយាយបានថា ការគ្រប់គ្រងជំងឺនេះរបស់វៀតណាមបានធ្វើជាគំរូដល់ពិភពលោក។
ការឆ្លើយតបយ៉ាងសកម្មនិងរហ័ស ដោយផ្អែកលើវិទ្យាសាស្ត្រនិងបទពិសោធន៍ ក្នុងរយៈពេលកន្លងមកនិងការផ្សព្វផ្សាយយ៉ាងខ្លាំងនិងតម្លាភាពដែលគឺជាកត្តាសំខាន់សម្រាប់ជោគជ័យរបស់វៀតណាម។
ខណៈដែលប្រទេសវៀតណាមកំពុងឈានចូលដំណាក់កាល “ សភាពធម្មតាមបែបថ្មី” នៅតែប្រឈមមុខនឹងបញ្ហាធំ ៗ ជាច្រើន នៅខាងមុខ។ ទាំងនៅវៀតណាមនិងអូស្រ្តាលីនៅតែត្រូវមានការប្រុងប្រយ័ត្នចំពោះរលកការឆ្លងថ្មីនៃជំងឺ Covid-19 ។ ប្រទេសទាំងពីរត្រូវខិតខំ ដើម្បីកាត់បន្ថយផលប៉ះពាល់សេដ្ឋកិច្ចនិងសង្គមដែលមកពីជំងឺរាតត្បាត Covid-19 ក្នុងបរិបទពិភពលោកកំពុងប្រឈមមុខនឹងរលកឆ្លងថ្មីអាចផ្ទុះឡើង។
ដៃគូរួមគ្នា
អូស្ត្រាលីនិងវៀតណាមគឺជាមិត្តភក្តិនិងដៃគូយូរអង្វែង។ ក្នុងអំឡុងពេលមានវិបត្តិនេះ ប្រទេសទាំងពីរនេះបានសហប្រតិបត្តិការយ៉ាងជិតស្និទ្ធលើការស្រាវជ្រាវវ៉ាក់សាំង ផ្លាស់ប្តូរព័ត៌មាននិងចែករំលែកបទពិសោធន៍អំពីការឆ្លើយតបខាងវេជ្ជសាស្ត្រ។ ក្នុងរយៈពេលប៉ុន្មានខែខាងមុខនេះប្រទេសទាំងពីរនឹងបន្តសហប្រតិបត្តិការ ដើម្បីជួយសេដ្ឋកិច្ចនៃប្រទេសទាំងពីរឱ្យងើបឡើងវិញឆាប់ៗនេះ។
ជារៀងរាល់ឆ្នាំ រដ្ឋាភិបាលអូស្រ្តាលីផ្តល់ជំនួយអភិវឌ្ឍន៍ដែលមានតម្លៃជាង ៧០ លានដុល្លារអូស្រ្តាលីដល់ប្រទេសវៀតណាម ដើម្បី ជួយវៀតណាមឱ្យសម្រេចបាននូវសេចក្តីប្រាថ្នាអភិវឌ្ឍន៍សេដ្ឋកិច្ចសង្គម។ ការគាំទ្ររបស់អូស្ត្រាលីផ្តោតលើកំណែទម្រង់សេដ្ឋកិច្ចការអភិវឌ្ឍន៍ធនធានមនុស្ស កិច្ចសហប្រតិបត្តិការជាមួយវិស័យឯកជនការប្រែប្រួលអាកាសធាតុ សមភាពយេនឌ័រនិងការច្នៃប្រឌិត។ ក្នុងសប្តាហ៍នេះអូស្ត្រាលីបានផ្តល់ហិរញ្ញប្បទាន ១០.៥ លានដុល្លារអូស្ត្រាលីដល់វៀតណាម ដើម្បីជួយវៀតណាមកាត់បន្ថយ ផលប៉ះពាល់ពីការរីករាលដាលនៃ Covid-19 លើសេដ្ឋកិច្ច ជីវិតនិងជីវភាពរស់នៅរបស់ប្រជាជន។
លោករដ្ឋមន្ត្រីក្រសួងផែនការនិងវិនិយោគ Nguyen Chi Dung ទទួលជួបលោកស្រីឯកអគ្គរដ្ឋទូតវៀតណាមប្រចាំអូស្ត្រាលីអូស្រ្តាលី Robyn Mudie នាថ្ងៃទី ៥ មិថុនា នៅទីក្រុងហាណូយ។ (រូបថត៖ ស្ថានទូតអូស្ត្រាលីប្រចាំនៅវៀតណាម)
វិបត្តិ Covid-19 បានបង្ហាញយ៉ាងច្បាស់ពីសារៈសំខាន់នៃការរក្សាពាណិជ្ជកម្មសេរីនិងបើកចំហ រក្សាប្រព័ន្ធពាណិជ្ជកម្មសកលដែលផ្អែកលើច្បាប់ ដើម្បីគាំទ្រដល់ខ្សែសង្វាក់ផ្គត់ផ្គង់សំខាន់ៗនិងធានាសន្តិសុខក្នុងតំបន់។
ដូច្នេះរដ្ឋាភិបាលអូស្រ្តាលីនឹងផ្តល់ថវិកាបន្ថែម តាមរយៈភាពជាដៃគូយុទ្ធសាស្ត្ររបស់អូស្រ្តាលីជាមួយក្រុមធនាគារពិភពលោក ដើម្បីជួយរដ្ឋាភិបាលវៀតណាមនូវផ្តល់យោបល់ខាងសេដ្ឋកិច្ចដែលមានគុណភាពខ្ពស់ក៏ដូចជា ចែករំលែកព័ត៌មាន។ ដូច្នេះ អូស្ត្រាលីនឹងផ្លាស់ប្តូរការផ្តោតអារម្មណ៍ទៅរកការស្តារឡើងវិញសេដ្ឋកិច្ចវៀតណាម និងអូស្រ្តាលីកំពុងពិភាក្សាអំពីយុទ្ធសាស្ត្រសហប្រតិបត្តិការសេដ្ឋកិច្ច ដើម្បីលើកកម្ពស់ពាណិជ្ជកម្មនិងការវិនិយោគទ្វេភាគី ក៏ដូចជាពន្លឿនការស្តារសេដ្ឋកិច្ចរបស់ប្រទេសទាំងពីរនិងក្នុងតំបន់។
អូស្រ្តាលីបានសន្យាជួយមិត្តភក្តិនិងប្រទេសជិតខាងអោយជំនះការពិបា បន្ទាប់ពីជំងឺរាតត្បាត Covid-19 ។ នៅពេលផលប៉ះពាល់នៃវិបត្តិសេដ្ឋកិច្ចនៅតែបន្តមាន អូស្រ្តាលីនឹងឈរក្បែរប្រទេសជិតខាងរួមទាំងប្រទេសវៀតណាម ដើម្បីកាត់បន្ថយការខាតបង់សេដ្ឋកិច្ច -សង្គមជាមួយគ្នា ផ្តល់ផែនទីបង្ហាញផ្លូវសម្រាប់ការស្តារសេដ្ឋកិច្ចឡើងវិញ./.
（បកប្រែដោយឌីណា）
មតិពីមិត្តអ្នកអាន