សេដ្ឋកិច្ចរបស់ប្រទេសវៀតណាមបានកើនឡើងឡើងវិញក្រោយពីការរីករាលដាលនៃជំងឺកូវីដ១៩

សេដ្ឋកិច្ចរបស់ប្រទេសវៀតណាមបានកើនឡើងឡើងវិញក្រោយពីការរីករាលដាលនៃជំងឺកូវីដ១៩

ក្នុងរយៈពេល ៥ ខែដើមឆ្នាំ ២០២០ ទំហំពាណិជ្ជកម្មនៃការនាំចូលនិងនាំចេញសរុបរបស់វៀតណាមត្រូវបានប៉ាន់ប្រមាណជិត ១៩៧ ពាន់លានដុល្លារអាមេរិក។ ប្រទេសវៀតណាមនៅតែមានកំរិតអតិរេកនៃការនាំចេញសម្រេចបាន ១,៩ ពាន់លានដុល្លារអាមេរិកពោលគឺខ្ពស់ជាងតួរលេខឱនភាពចំនួន ២៥៦ លានដុល្លារអាមេរិកបើប្រៀបធៀបនឹងរយៈពេលដូចគ្នាកាលពីឆ្នាំមុន។

យោងតាមលោក Tran Thanh Hai អនុប្រធាននាយកដ្ឋាននាំចូលនិងនាំចេញក្រសួងឧស្សាហកម្មនិងពាណិជ្ជកម្មវៀតណាមបានមានប្រសាសន៍ថា“នៅក្នុងខែឧសភាយើងក៏បានឃើញសញ្ញាខ្លះនៃការងើបឡើងវិញដែរប៉ុន្តែវាមិនទាន់ច្បាស់ទេ។ សម្រាប់វិស័យមុខទំនិញដូចជារម៉ាស់ការពារ និងឧបករណ៍វេជ្ជសាស្ត្រមានការកើនឡើងគួរឱ្យកត់សម្គាល់ជាពិសេសបន្ទាប់ពីមុខទំនិញទាំងនេះត្រូវបាននាំចេញដោយសេរីផងដែរ។ "

យោងតាមព្យាករណ៍ពីមូលនិធិរូបិយវត្ថុអន្តរជាតិ វៀតណាមគឺជាប្រទេសមួយក្នុងចំណោមប្រទេសមួយក្តាប់តូចដែលមានកំណើនមានសញ្ញាបូកដោយមានអត្រា ២,៧%។ ទន្ទឹមនឹងនោះដែរ ធនាគារពិភពលោកក៏បានព្យាករណ៍ថាកំណើនសេដ្ឋកិច្ចរបស់ វៀតណាមនៅឆ្នាំ ២០២០ នឹងមានអត្រា ៤,៩% និងធនាគារអភិវឌ្ឍន៍អាស៊ី ក៏បានព្យាករណ៍ថាមានអត្រា ៤,៨% ផងដែរ។ ជាមួយនឹងកំណើនសេដ្ឋកិច្ចក្នុងខែឧសភា នេះគឺជាកម្លាំងចលករសម្រាប់វៀតណាមដើម្បីសម្រេចបាននូវគោលដៅកំណើនដែលបានកំណត់៕

（បកប្រែដោយ ហេងវុធ្ធី）

（ប្រភពព័ត៌មាន: vtv.vn）

（បកប្រែដោយ ហេងវុធ្ធី）