យុគសម័យ - នាព្រឹកថ្ងៃទី ១៥ ឧសភា នៅទីស្តីការរដ្ឋាភិបាល លោកនាយករដ្ឋមន្រ្តី Nguyen Xuan Phuc បានអញ្ជើញជាអធិបតីក្នុងកិច្ចប្រជុំនៃ គណៈកម្មាធិការអចិន្រ្តៃយ៍រដ្ឋាភិបាល តាមប្រព័ន្ធវីដេអូ ដោយពិភាក្សារកដំណោះស្រាយ ដើម្បីបន្តប្រយុទ្ធប្រឆាំងនឹង COVID-19។
លោកនាយករដ្ឋមន្រ្តី Nguyen Xuan Phuc បានអញ្ជើញជាអធិបតីក្នុងកិច្ចប្រជុំនៃ គណៈកម្មាធិការអចិន្រ្តៃយ៍រដ្ឋាភិបាល ។ (រូបថត៖ VGP)
នៅក្នុងកិច្ចប្រជុំនេះ លោកនាយករដ្ឋមន្រ្តី Nguyen Xuan Phuc បានមានប្រសាសន៍ថា ការប្រយុទ្ធប្រឆាំងនឹងជំងឺរាតត្បាត COVID-19 ថ្មីៗនេះទទួលបានលទ្ធផលជាវិជ្ជមាន ហើយក្នុងរយៈពេលជិត ១ ខែហើយមិនមានករណីឆ្លងថ្មីណាមួយ នៅក្នុងសហគមន៍ទេ។ រដ្ឋាភិបាលក៏បានរៀបចំកិច្ចប្រជុំរវាងនាយករដ្ឋមន្រ្តីជាមួយសហគ្រាសនានាដើម្បីលើកទឹកចិត្ត ជំរុញ និងដោះស្រាយការលំបាកសម្រាប់សហគ្រាស ស្តារផលិតកម្មឡើងវិញ ជំរុញកំណើនសេដ្ឋកិច្ច និងបង្កើតការងារធ្វើ។ ក្រៅពីនេះ ការងារសុខុមាលភាបសង្គមក៏ត្រូវបានអនុវត្តយ៉ាងល្អហើយផងដែរ។
លោកនាយករដ្ឋមន្រ្តីបានស្នើឱ្យសមាជិករដ្ឋាភិបាលនៃគណៈកម្មាធិការអចិន្រ្តៃយ៍ពិភាក្សាពីការដែលពលរដ្ឋវៀតណាមវិលត្រឡប់មកពីបរទេស និងបានរកឃើញករណីជាច្រើនឆ្លងមេរោគ COVID-19 ក្នុងនោះថ្មីៗ នេះក្រសួងសុខាភិបាលបានរកឃើញ ១៧ ករណីវិជ្ជមាននឹងវីរុស SARS-COVID- ២ ដែលត្រឡប់មកពីប្រទេសអារ៉ាប់រួម និង២៤ ករណីវិជ្ជមានដែលត្រឡប់មកពីប្រទេសរុស្ស៊ី។ ដូច្នេះ លោកនាយករដ្ឋមន្រ្តីមានប្រសាសន៍ថា ចាំបាច់ត្រូវចាត់វិធានការ ដើម្បីអនុវត្តបាននូវគោលនយោបាយមនុស្សធម៌របស់បក្សនិងរដ្ឋផងនិងទប់ស្កាត់ករណីឆ្លងថ្មីពីខាងក្រៅផង ដោយស្របតាមលក្ខខ័ណ្ឌក្នុងស្រុក។
ដោយស្នើឲ្យមិនបានធ្វេសប្រហែសនឹង COVID-19 នៅពេលដែលស្ថានភាពនៃជំងឺរាតត្បាតនៅលើពិភពលោក និងក្នុងតំបន់នៅមានភាពស្មុគស្មាញខ្លាំងនោះ លោកនាយករដ្ឋមន្រ្តីបានស្នើឱ្យបន្តពិភាក្សាដើម្បីដាក់ចេញ “លក្ខខណ្ឌថ្មី” ពេញលេញបន្ថែមទៀតនៅក្នុងបរិបទនាបច្ចុប្បន្ននេះ ដើម្បីសង្គមទាំងមូលត្រូវតែអនុវត្តជាដាច់ខាត ដោយហេតុនេះរួមចំណែកក្នុងការប្រយុទ្ធប្រឆាំងនឹងជំងឺ ប្រកបដោយ ប្រសិទ្ធភាពផង និងរួមចំណែកក្នុងការស្តារសេដ្ឋកិច្ចឡើងវិញផង។
ដោយសង្កត់ធ្ងន់ថា រដ្ឋាភិបាលបានប្តេជ្ញាចិត្តខ្ពស់ ក្នុងការគ្រប់គ្រងដើម្បីសម្រេចបានគោលដៅកំណើនខ្ពស់បំផុត និងមិនបង្កការរំខានដល់សេដ្ឋកិច្ចនោះ លោកនាយករដ្ឋមន្រ្តីបានស្នើដល់ក្រសួង ស្ថាប័ន និងមូលដ្ឋាននានា ត្រៀមរៀបចំគ្រប់លក្ខណៈដើម្បីទទួលលំហូរវិនិយោគថ្មី ចូលមកប្រទេសវៀតណាម./.（បកប្រែដោយឌីណា）
មតិពីមិត្តអ្នកអាន