យុគសម័យ - បានពិភាក្សាជាមួយលោកនាយករដ្ឋមន្ត្រីជប៉ុន Shinzo Abe តាមទូរស័ព្ទ លោកនាយករដ្ឋមន្រ្តី Nguyen Xuan Phuc បានជូនដំណឹងថា ដោយមានការប្តេជ្ញាចិត្តខ្ពស់ គោលនយោបាយរឹងមាំនិងការគាំទ្រពីប្រជាជន សកម្មភាពរួមរួបគ្នា រហូតមកដល់ពេលនេះ ប្រទេសវៀតណាមបានគ្រប់គ្រងជំងឺ COVID- 19 ជាសាររវ័ន្ត ដែលនាំសកម្មភាពសេដ្ឋកិច្ចនិងសង្គមត្រឡប់មកស្ថានភាពធម្មតាឡើងវិញ។
លោកនាយករដ្ឋមន្រ្តី Nguyen Xuan Phuc បានពិភាក្សាជាមួយលោកនាយករដ្ឋមន្ត្រីជប៉ុន Shinzo Abe តាមទូរស័ព្ទ។ (រូបថត៖ កាសែត Phap Luat)
លោកនាយករដ្ឋមន្រ្តី Nguyen Xuan Phuc បានថ្លែងអំណរគុណដល់រាជរដ្ឋាភិបាលជប៉ុនដែលបានជួយឧបត្ថម្ភវៀតណាមថវិការ មានទឹក ប្រាក់ជាង ១,៨ លានដុល្លារអាមេរិក តាមរយៈអង្គការអន្តរជាតិនានា ដើម្បីទប់ស្កាត់នូវការរីករាលដាលនៃជំងឺ COVID- 19 ។ វៀតណាមបានសំរេចចិត្តគាំទ្រដល់ជប៉ុនម៉ាស់ពេទ្យចំនួន ១៤០.០០០ ដើម្បី ប្រឆាំងនឹងជំងឺ COVID- 19 ។
លោកនាយករដ្ឋមន្រ្តីជប៉ុន Shinzo Abe វាយតម្លៃខ្ពស់ចំពោះការឆ្លើយតបប្រកបដោយប្រសិទ្ធភាពរបស់វៀតណាមនិងសមិទ្ធិផលគួរឱ្យចាប់អារម្មណ៍ ក្នុងការបង្ការការរីករាលដាលនៃជំងឺរាតត្បាត។ ភាគីទាំងពីរបានអះអាងថា នឹងបន្តយកចិត្តទុកដាក់និងធានាសុវត្ថិភាពដល់ប្រជាជនគ្នាទៅវិញទៅមក លោកនាយករដ្ឋមន្រ្តីជប៉ុន Shinzo Abe ជូនដំណឹងថា រាជរដ្ឋាភិបាលជប៉ុនបានសម្រេចជួយឧបត្ថម្ភថវិកាចំនួន ១០ ម៉ឺនយ៉េន សម្រាប់ប្រជាជនម្នាក់ ទាំងប្រជាជនវៀតណាមកំពុងរស់នៅនិងធ្វើការនៅប្រទេសជប៉ុន។
នាយករដ្ឋមន្រ្តីទាំងពីរបានឯកភាពបន្តសម្របសម្រួលយ៉ាងជិតស្និទ្ធ ដើម្បីបង្កើនការផ្លាស់ប្តូរនិងកិច្ចសហប្រតិបត្តិការលើគ្រប់វិស័យ ជំរុញនិងគាំទ្រសហគ្រាសជប៉ុន បង្កើនការវិនិយោគចូលមកវៀតណាម។ លោកនាយករដ្ឋមន្រ្តី Shinzo Abe បានបញ្ជាក់ថាជប៉ុននឹងបន្តផ្តល់កញ្ចប់ជំនួយទី ២ ដើម្បីជួយវៀតណាមទប់ទល់នឹងរោគរាតត្បាត ហើយនឹងគាំទ្រយ៉ាងសកម្មវៀតណាម ក្នុងការជំរុញកំណើនសេដ្ឋកិច្ច។
នាយករដ្ឋមន្ត្រីទាំងពីរបានឯកភាព បន្តកិច្ចសហប្រតិបត្តិការយ៉ាងជិតស្និទ្ធនៅវេទិកាក្នុងតំបន់និងអន្តរជាតិ។ លោកនាយករដ្ឋមន្រ្តី Nguyen Xuan Phuc បានវាយតម្លៃខ្ពស់ចំពោះគំនិតផ្តួចផ្តើមរបស់ជប៉ុនដែលលើកឡើង ក្នុងកិច្ចប្រជុំកំពូលពិសេសអាស៊ានបូក ៣ ដែលបានរៀបចំនាថ្ងៃទី ១៤ ខែមេសាស្តីពីការបង្កើតមជ្ឈមណ្ឌលត្រួតពិនិត្យជំងឺនិងប្រាក់កម្ចីអនុគ្រោះ ដើម្បីជួយគាំទ្រសហគ្រាសធុនមធ្យមនិងតូចរបស់អាស៊ាន។ ស្នើសុំជប៉ុនឱ្យគាំទ្រមូលនិធិអាស៊ាននិង ឃ្លាំងបម្រុងសម្ភារៈបរិក្ខាពេទ្យជាបន្ទាន់របស់អាស៊ាន ដើម្បីទប់ទល់នឹងជំងឺ Covid-19 ។
លោកនាយករដ្ឋមន្រ្តី Shinzo Abe បានវាយតម្លៃខ្ពស់ចំពោះតួនាទីដ៏សំខាន់របស់វៀតណាម ក្នុងឆ្នាំដែលប្រទេសវៀតណាមធ្វើជាប្រធានអាស៊ានឆ្នាំ ២០២០ និងជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខនៃអង្គការសហប្រជាជាតិ ក្នុងអាណត្តិ ២០២០-២០២១ ។ ដោយការអះអាងថា នឹងបន្តសហការយ៉ាងជិតស្និទ្ធជាមួយវៀតណាមលើបញ្ហាតំបន់និងអន្តរជាតិ ដែលមានផលប្រយោជន៍ទៅវិញទៅមក ដើម្បីជំរុញការចុះហត្ថលេខា RCEP នៅឆ្នាំ ២០២០ និងអនុវត្តន៍ CPTPP ប្រកបដោយប្រសិទ្ធភាព./.
（បកប្រែដោយ ហេង វុធ្ធី）
មតិពីមិត្តអ្នកអាន