នារសៀលថ្ងៃទី១៦ ខែមេសា ឆ្នាំ២០២០ នៅទីស្នាកការស្ថានឯកអគ្គរដ្ឋវៀតណាមនៅកម្ពុជា ឯកអគ្គរដ្ឋទូត វូ ក្វាង មិញ បានជួបសំណេះសំណាលជាមួយឯកអគ្គរដ្ឋទូតសហរដ្ឋអាមេរិក Patrick Murphy។
ឯកអគ្គរដ្ឋទូត វូ ក្វាង មិញ ទទួលជួបឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា Patrick Murphy។ (ប្រភព៖ ស្ថានទូតវៀតណាមប្រចាំកម្ពុជា)
ក្នុងជំនួបនេះភាគីទាំងពីរបានចែករំលែកនូវព័ត៌មានដែលមានការពាក់ព័ន្ធនឹងកិច្ចការបង្ការនិងប្រឆាំងជំងឺកូវីដ១៩ដែលកំពុងរាតត្បាតដ៏ទូលាយនៅលើសកលលោកនិងជះឥទ្ធិពលដ៏ស៊ីជម្រៅដល់សកម្មភាពសេដ្ឋកិច្ច-សង្គមលើប្រទេសជាច្រើន ក្នុងនោះមានវៀតណាមនិងសហរដ្ឋអាមេរិកផងដែរ។
ឯកអគ្គរដ្ឋទូត វូ ក្វាង មិញ បានបញ្ជាក់ថាវៀតណាមបានត្រៀមជានិច្ចក្នុងការចែករំលែកនូវបទពិសោធន៍អំពីការបង្ការនិងប្រឆាំងជំងឺកូវីដ១៩ជាមួយសហរដ្ឋអាមេរិកក្នុងគោលបំណងចង់អោយប្រទេសទាំងពីរអាចយកជំនះលើមហាជំងឺរាតត្បាតនេះនាពេលឆាប់ៗខាងមុខ។
ជាការឆ្លើយតប ឯកអគ្គរដ្ឋទូត Patrick Murphy បានថ្លែងអំណរគុណចំពោះការជួយឧបត្ថម្ភរបស់វៀតណាមក្នុងកិច្ចការបង្ការនិងប្រឆាំងនឹងជំងឺកូវីដ១៩របស់សហរដ្ឋអាមេរិកនាពេលកន្លងមក។
ក្នុងឱកាសនេះដែរ ភាគីទាំងពីរក៏បានផ្លាស់ប្តូរខ្លឹមសារមួយចំនួនដែលមានការទាក់ទងដល់កិច្ចសហប្រតិបត្តិការទ្វេភាគីវៀតណាមនិងសហរដ្ឋអាមេរិក ក៏ដូចជាទំនាក់ទំនងអាស៊ាន-សហរដ្ឋអាមេរិកក្នុងឆ្នាំដែលវៀតណាមធ្វើជាប្រធានអាស៊ានឆ្នាំ២០២០៕
（សរុបដោយវិច្ឆិកា）
（ប្រភពព័ត៌មាន: ស្ថានទូតវៀតណាមប្រចាំកម្ពុជា）
មតិពីមិត្តអ្នកអាន