យុគសម័យ - បន្ទាប់ពីជិត ២ សប្តាហ៍នៃការចាប់ផ្តើមសកម្មភាពខែយុវជនឆ្នាំ ២០២០ ដែលត្រូវបានបង្កើត ឡើងដោយ សមាគមសមាជិកយុវជនសាខាទីក្រុងហូជីមិញ ចាប់តាំងពីថ្ងៃទី ១ ខែមីនា មានសមាជិកយុវជណនិងប្រជាជនតាមមូលដ្ឋានជិត ២ សែននាក់ បានចូលរួមនិងបំពេញការងារនិងសកម្មភាពស្ម័គ្រចិត្តរាប់រយដើម្បីសន្តិសុខសង្គមផងដែរ។
មនុស្សជិត ២ សែននាក់ចូលរួមសកម្មភាពស្ម័គ្រចិត្តដើម្បីសន្តិសុខសង្គមនៅវៀតណាម
ខែយុវជននេះបានប្រារព្ធឡើងជាបន្តបន្ទាប់ដំណាលគ្នានៅតាមខ័ណ្ឌ ក្រុងនិងមូលដ្ឋានសមាគមយុវជនទាំង ២៤ ដោយមានសកម្មភាពល្អៗនិងជាក់ស្តែងជាច្រើនស្របតាមល័ក្ខខ័ណ្ឌរបស់អង្គភាពនិងមូលដ្ឋាននានាផងដែរ។ ជាពិសេសផ្តោត សំខាន់លើសកម្មភាពអប់រំប្រពៃណីបដិវត្តសម្រាប់សមាជិកសមាជិការយុវជននិងថែទាំក្រុមគ្រួសារគោលនយោបាយ មាតាវីរជនវៀតណាម ព្រមទាំងរួមដំណើរនិងគាំទ្រយុវជននិង លើកកម្ពស់គុណភាពនៃអង្គការ ក៏ដូចជាកសាងសមាគម យុវជន ដ៏រឹងមាំផងដែរ។
មនុស្សជិត ២ សែននាក់ចូលរួមសកម្មភាពស្ម័គ្រចិត្តដើម្បីសន្តិសុខសង្គមនៅវៀតណាម
ក្រៅពីនោះ ខែយុវជនឆ្នាំនេះបានធ្វើឡើងក្នុងកំឡុងពេលដែលប្រទេសទាំងមូល កំពុងផ្តោតយ៉ាងយកចិត្តទុកដាក់ លើការការពារនិងប្រឆាំងនឹងជំងឺរាតត្បាតសកលកូវីដ១៩ ហេតុដូច្នេះមូលដ្ឋាននៃសមាគមសមាជិយុវជននានា ក៏បានរៀបចំ សកម្មភាពឃោសនានិងផ្សព្វផ្សាយច្រើនសម្បូរបែបស្តីពីការការពារនិងប្រយុទ្ធប្រឆាំងនឹងការរីករាលដាលនៃជំងឺឆ្លង រួមទាំងការពារបរិស្ថាននិងសំអាតដងផ្លូវជាដើមផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: vovworld.vn）
មតិពីមិត្តអ្នកអាន