យុគសម័យ - អ្នកសម្របសម្រួលអង្គការសហប្រជាជាតិ ប្រចាំនៅប្រទេសវៀតណាម លោក Kamal Malhotra បានកោតសរសើរចំពោះកិច្ចខិតខំប្រឹងប្រែងនិងសកម្មភាពដែលវៀតណាមបានអនុវត្តន៍ ដើម្បីទប់ស្កាត់ការរីករាលដាលនៃជំងឺ COVID-១៩ មិនត្រឹមតែនៅក្នុងដំណាក់កាលទី ១ ប៉ុណ្ណោះទេ។ ថែមទាំងនៅក្នុងដំណាក់កាលទី ២ ផងដែរ។
ក្នុងដំណាក់កាលដំបូង វៀតណាមជាប្រទេសតែមួយគត់ដែលទប់ទល់និងកាត់បន្ថយចំនួនអ្នកឆ្លងជំងឺ COVID-១៩ (ព្យាបាលនិងអនុញាតិ្តឲ្យចេញពីមន្ទីរពេទ្យចំនួន ១៦ ករណី) ។ ទាក់ទងនឹងការរកឃើញករណីថ្មីផ្ទុកជំងឺ COVID-១៩ អង្គការសហប្រជាជាតិនៅតែកោតសរសើរចំពោះវិធានការរឹងមាំ និងសកម្មដែលវៀតណាមកំពុងអនុវត្ត ដើម្បីទប់ស្កាត់ការរីករាលដាលនៅក្នុងសហគមន៍ប្រកបដោយសកម្មនិងមានប្រសិទ្ធភាព។
អង្គការសហប្រជាជាតិបាន ប្រើប្រាស់បទពិសោធន៍របស់វៀតណាម ក្នុងដំណាក់កាលដំបូង ដើម្បីចែករំលែកជាមួយបណ្តាប្រទេសនានាជុំវិញពិភពលោក។
ប៉ុន្តែមិនត្រឹមតែនៅក្នុងប្រទេសវៀតណាមប៉ុណ្ណោះទេ ប្រទេសដទៃទៀតគឺស្ថិតនៅក្នុងដំណាក់កាលដ៏សំខាន់មួយក្នុងការប្រយុទ្ធប្រឆាំងនឹងការរីករាលដាលនៃជំងឺ COVID-១៩។ លោកបានមានប្រសាសន៍ថា “ស្ថាប័នជំនាញឯកទេសជឿជាក់ថា យើងនឹងទប់ទល់ការរីករាលដាលនៃវីរ៉ុស SARS-CoV-2 ក្នុងសហគមន៍” ។ ទោះបីជានៅក្នុងដំណាក់កាលបច្ចុប្បន្ន យើងផ្តោតលើការឆ្លងវីរ៉ុស SARS-CoV-2 សម្រាប់ករណី នីមួយៗ។ប៉ុន្តែនៅពេលអនាគត នៅពេលវីរុសនេះអាចរាលដាលកាន់តែទូលំទូលាយយើងត្រូវផ្តោតលើការត្រួតពិនិត្យការរាលដាល ក៏ដូចជាការរកឃើញ និងការព្យាបាលករណី ផលប៉ះពាល់ធ្ងន់ធ្ងរនៃការរីករាលដាលនៃ SARS-CoV-2 អាចរំខានដល់សង្គម បង្កើនការផ្សព្វផ្សាយកាត់បន្ថយផលប៉ះពាល់នៃជំងឺនេះទៅលើសេដ្ឋកិច្ច សង្គម។
អង្គការសហប្រជាជាតិប្រចាំនៅប្រទេសវៀតណាមនឹងមានវិធីសាស្រ្តនិងជួយគាំទ្រវៀតាណាមដែលផ្អែកទៅលើស្មារតី “អង្គការសហប្រជាជាតិតែមួយ” ក្នុងបច្ចេកវិទ្យាបច្ចេកទេសនិងការវាយតំលៃ ដើម្បីកាត់បន្ថយផលប៉ះពាល់នៃការរាតត្បាតទៅ លើសេដ្ឋកិច្ច សង្គម។
លោក Kamal Malhotra បានផ្ញើជូន លោកនាយករដ្ឋមន្រ្តីវៀតណាម Nguyen Xuan Phuc នូវរបាយការណ៍នៃសន្និសីទរបស់អង្គការសហប្រជាជាតិស្តីពី ពាណិជ្ជកម្មនិងការអភិវឌ្ឍដែលទើប បានប្រកាសអំពីផលប៉ះពាល់នៃជំងឺ COVID-១៩ ដល់សេដ្ឋកិច្ចពិភពលោក។ លោកបានមានប្រសាសន៍ថា “ ការិយាល័យរបស់យើងខ្ញុំនឹងពិនិត្យមើលយ៉ាងម៉ត់ចត់ ដើម្បីផ្តល់អនុសាសន៍នូវផលប៉ះពាល់ ក្នុងប្រទេសវៀតណាម។ បណ្តាវិស័យដែលរងផលប៉ះពាល់នៅប្រទេសវៀតណាម ដែលអង្គការសហប្រជាជាតិស្រាវជ្រាវ ផ្តល់យោបល់ ឲ្យទាន់ពេលវេលា រួមមាន៖ ប្រព័ន្ធសុខាភិបាល ហិរញ្ញវត្ថុផលប៉ះពាល់ផលិតកម្ម ក្រុមប្រជាជនងាយរងគ្រោះការអប់រំ ... អង្គការសហប្រជាជាតិនៅតែគាំទ្ររដ្ឋាភិបាលវៀតណាម ក្នុងការប្រយុទ្ធប្រឆាំងនឹងការរីករាលដាលនៃជំងឺនេះ នៅក្នុងដំណាក់កាលទី ២ ដែលវិវឌ្ឍន៍ស្មុគស្មាញនិងមិនអាចប៉ាន់ស្មានជាមុនបាន./.
（បកប្រែដោយឌីណា）
មតិពីមិត្តអ្នកអាន