យុគសម័យ- ថ្ងៃទី ២៤ ខែកុម្ភៈលោកឯកអគ្គរដ្ឋទូតវៀតណាមប្រចាំនៅសហរដ្ឋអាមេរិក Ha Kim Ngoc បានអញ្ជើញចូលរួមក្នុងកិច្ចប្រជុំលើកដំបូងរបស់គណៈកម្មាធិការអាស៊ាន នៅទីក្រុង Washington D.C. (ACW) នៅឆ្នាំ ២០២០ ។
ឯកអគ្គរដ្ឋទូតនៃបណ្តាប្រទេសអាស៊ានប្រចាំនៅសហរដ្ឋអាមេរិក។ (រូបថត៖ ស្ថានទូតវៀតណាមប្រចាំសហរដ្ឋអាមេរិក)
នៅក្នុងកិច្ចប្រជុំនេះលោកឯកអគ្គរដ្ឋទូត Ha Kim Ngoc បានប្រកាសនូវលទ្ធផលលេចធ្លោនៃកិច្ចប្រជុំរដ្ឋមន្រ្តីក្រសួងការបរទេសអាស៊ាន (AMM Retreat) ដែលបានប្រព្រឹត្តទៅនៅទីក្រុង Nha Trang ខេត្ត Khanh Hoa ពីថ្ងៃទី ១៧-១៨ ខែមករា។
ឯកអគ្គរដ្ឋទូតនៃបណ្តាប្រទេសអាស៊ានបានជូនពរ ប្រទេសវៀតណាមចំពោះការរៀបចំកិច្ចប្រជុំ AMM Retreat ប្រកបដោយជោគជ័យ វាយតំលៃខ្ពស់ចំពោះតួនាទីជាប្រធានអាស៊ានរបស់ប្រទេសវៀតណាម លើកកម្ពស់គំនិតផ្តួចផ្តើម និងកិច្ចខិតខំប្រឹងប្រែងរួមគ្នាដើម្បីដោះស្រាយបញ្ហាអន្តរជាតិនិងតំបន់។ ជាពិសេសគឺការទប់ទល់នឹងការផ្ទុះឡើងនៃ Covid-19 ។
លោកឯកអគ្គរដ្ឋទូត Ha Kim Ngoc និងឯកអគ្គរដ្ឋទូតបណ្តាប្រទេសអាស៊ានបានផ្លាស់ប្តូរព័ត៌មានស្តីពីការរៀបចំកិច្ចប្រជុំកំពូលពិសេសអាមេរិក - អាស៊ាននៅទីក្រុង Las Vegas នៅពាក់កណ្តាលខែមីនាខាងមុខនេះ។
បណ្តាប្រទេសអាស៊ានវាយតំលៃខ្ពស់ចំពោះការដែលសហរដ្ឋអាមេរិកបានរៀបចំជំនួបរវាងថ្នាក់ដឹកនៃបណ្តាប្រទេសមេគង្គ រួមជាមួយសកម្មភាពជាច្រើននៅខាងក្រៅកិច្ចប្រជុំកំពូលនេះ ដើម្បីលើកកម្ពស់កិច្ចសហប្រតិបត្តិការរវាងសហរដ្ឋអាមេរិកនិងអាស៊ានស្តីពីទន្លេមេគង្គ បច្ចេកវិទ្យា ថាមពល ផ្តល់អំណាចដល់ស្ត្រី។
ឯកអគ្គរដ្ឋទូតបណ្តាប្រទេសអាស៊ានបានផ្លាស់ប្តូរព័ត៌មាននៃការរៀបចំកិច្ចប្រជុំកំពូលពិសេសអាមេរិក - អាស៊ាន នៅទីក្រុងLas Vegas នៅពាក់កណ្តាលខែមីនាខាងមុខនេះនៅពាក់កណ្តាលខែមីនា។ (រូបថត៖ ស្ថានទូតវៀតណាមប្រចាំសហរដ្ឋអាមេរិក)
បណ្តាប្រទេសទាំងនោះក៏បានស្នើប្រទេសឡាវដែលជាអ្នកសម្របសម្រួលទំនាក់ទំនងអាស៊ាន - អាមេរិកឱ្យបន្តរក្សាយន្តការព័ត៌មានជិតស្និទ្ធជាមួយអាមេរិកដើម្បីធានាយ៉ាងល្អនូវការងារមុននិងក្រោយកិច្ចប្រជុំក៏ដូចជាខ្លឹមសារនៃគណៈប្រតិភូអញ្ជើញចូលរួម ផងដែរ ។
ក្រសួងពាណិជ្ជកម្មអាមេរិកចង់ជំរុញកិច្ចសហប្រតិបត្តិការជាមួយអាស៊ានលើការកសាងបណ្តាញទីក្រុងឆ្លាតវៃសម្របសម្រួលនូវស្តង់ដារទំនិញដែលនាំចេញពីអាស៊ានទៅកាន់ទីផ្សារសហរដ្ឋអាមេរិក និងបង្កើនការវិនិយោគរបស់អាស៊ានទៅកាន់សហរដ្ឋអាមេរិកតាមកម្មវិធី Select USA ./.（បកប្រែដោយឌីណា）
មតិពីមិត្តអ្នកអាន