យុគសម័យ៖ ប្រតិភូជប៉ុនជាង ១០០០ នាក់អញ្ជើញចូលរួមក្នុងរាត្រី ផ្លាស់ប្តូរវប្បធម៌រវាងគណៈប្រតិភូសេដ្ឋកិច្ច វប្បធម៌ទេសចរណ៍ជប៉ុន្ត និងសហគ្រាសវៀតណាម និងតំបន់នៃប្រទេសវៀតណាមបានធ្វើឡើង នៅពេលយប់ថ្ងៃទី ១២ ខែមករា នៅទីក្រុង Da Nang ដែលមានអត្ថន័យសំខាន់ៗហើយបង្ហាញយ៉ាងរស់រវើកនូវការអភិវឌ្ឍន៍ដ៏ខ្លាំងក្លានិងគ្រប់វិស័យនៃភាពជាដៃគូយុទ្ធសាស្ត្រវៀតណាម - ជប៉ុន។
លោកនាយករដ្ឋមន្ត្រី Nguyen Xuan Phuc ថ្លែង ក្នុងពិធីនេះ។ (រូបថត៖ VGP)
នាយប់ថ្ងៃទី ១២ ខែ មករា នៅទីក្រុង Da Nang លោកនាយករដ្ឋមន្ត្រី Nguyen Xuan Phuc រួមនឹងអគ្គលេខាធិការនៃគណបក្សប្រជាធិបតេយ្យសេរីជប៉ុននិងជាប្រធានសហភាពមិត្តភាពជប៉ុន - វៀតណាម លោក Nikai Toshihiro បានអញ្ជើញចូលរួម ក្នុងរាត្រីផ្លាស់ប្តូរសេដ្ឋកិច្ច វប្បធម៌និងទេសចរណ៍រវាងជប៉ុន និងបណ្តាសហគ្រាស តំបន់នៃប្រទេសវៀតណាម។
អញ្ជើញចូលរួមក្នុងពិធីនេះក៏មានថ្នាក់ដឹកនាំនៃបក្ស រដ្ឋាភិបាល រដ្ឋសភាវៀតណាម; តំណាងក្រសួង ផ្នែក ស្ថាប័នពាក់ព័ន្ធ ថ្នាក់ដឹកនាំនៃខេត្ត - ក្រុងជាច្រើននៃប្រទេសវៀតណាម អង្គការសេដ្ឋកិច្ច អង្គការសង្គមសមាគមមិត្តភាព សហគ្រាសវៀតណាមជាច្រើន ផងដែរ។
ថ្លែងនៅក្នុងរាត្រីផ្លាស់ប្តូរនេះ លោកនាយករដ្ឋមន្ត្រី Nguyen Xuan Phuc បានស្វាគមន៍ លោកអគ្គលេខាធិការ Nikai Toshihiro ដែលជាមិត្តជិតស្និទ្ធរបស់ប្រជាជនវៀតណាម បានដឹកនាំគណៈប្រតិភូផ្លាស់ប្តូរសេដ្ឋកិច្ចវប្បធម៌និងទេសចរណ៍ជប៉ុនជាង ១.០០០ នាក់ ។ ក្នុងនោះមានសមាជិកសភា មន្ត្រីជាន់ខ្ពស់ តំណាងតំបន់ សហគ្រាស និងមិត្តភក្តិជប៉ុនជាច្រើន បានអញ្ជើញទៅបំពេញទស្សនកិច្ច និងធ្វើការ នៅប្រទេសវៀតណាម។
លោកនាយករដ្ឋមន្រ្តី Nguyen Xuan Phuc ក៏បានថ្លែងអំណរគុណចំពោះការរួមវិភាគទានដ៏សំខាន់របស់ក្រុមសមាជិករដ្ឋសភាមិត្តភាពជប៉ុននិងវៀតណាម ជាពិសេសចំពោះលោកអគ្គលេខាធិការ Nikai Toshihiro សម្រាប់ការលើកកម្ពស់ទំនាក់ទំនងនិងកិច្ចសហប្រតិបត្តិការវៀតណាម - ជប៉ុន។
លោកនាយករដ្ឋមន្រ្តី Nguyen Xuan Phuc បានបញ្ជាក់ថាប្រទេសវៀតណាមមានបំណងពង្រឹងការតភ្ជាប់ខាង សេដ្ឋកិច្ចរវាងវៀតណាមនិងជប៉ុន តាមរយៈកិច្ចព្រមព្រៀង CPTPP ដោយមានស្តង់ដារខ្ពស់និងគ្រប់ជ្រុងជ្រោយសម្រាប់សហគ្រាសជប៉ុននិងវៀតណាម ដើម្បីធ្វើកិច្ចសហប្រតិបត្តិការនិងវិនិយោគ ផ្ទេរបច្ចេកវិទ្យា អភិវឌ្ឍន៍ទីផ្សារ និងការចូលរួមក្នុងបណ្តាញតម្លៃពិភពលោក។ ទន្ទឹមនឹងនោះគឺជាការពង្រឹងនូវភាពស្អិតរមួតរវាងរដ្ឋាភិបាល រដ្ឋសភារ ក្រសួងផ្នែក តំបន់ទំនាក់ទំនងប្រាស្រ័យរវាងប្រជាជននៃប្រទេសទាំងពីរ តាមទម្រង់ផ្សេងៗគ្នានិងគម្រោងកិច្ចសហប្រតិបត្តិការជាជាក់លាក់ ដូចជាសាកលវិទ្យាល័យវៀតណាម - ជប៉ុន។
រីឯ លោកអគ្គលេខាធិការនៃគណបក្សប្រជាធិបតេយ្យសេរីជប៉ុននិងជាប្រធានក្រុមសមាជិករដ្ឋសភាមិត្តភាពជប៉ុន - វៀតណាម Nikai Toshihiro បានសម្តែងការសប្បាយរីករាយចំពោះទំនាក់ទំនងនៃប្រទេសទាំងពីរកំពុងអភិវឌ្ឍន៍លើគ្រប់វិស័យប្រកបដោយល្អប្រសើរ ។
នៅឆ្នាំ ២០១៩ សកម្មភាពទាក់ទងប្រាស្រ័យ រវាងប្រជាជននៃប្រទេសទាំងពីរនឹងឈានដល់ ១៤០០ លើក។ នាបច្ចុប្បន្ននេះ មានប្រជាជនវៀតណាមជាង ៣៧ ម៉ឺននាក់កំពុងរស់នៅ និងសិក្សា នៅប្រទេសជប៉ុនដែលជាស្ពាន ដើម្បីជំរុញទំនាក់ទំនងទ្វេភាគីនិងអភិវឌ្ឍឱ្យបានល្អថែមទៀត។
និយាយអំពីវប្បធម៌ផ្កាឈូក - ផ្កាជាតិរបស់វៀតណាមលោកអគ្គលេខាធិការ Nikai Toshihiro បានមានប្រសាសន៍ថា ពូជផ្កាឈូក Oga របស់ជប៉ុនមានប្រវត្តិសាស្ត្រជាង ២០០០ ឆ្នាំ។ ផ្កាឈូកនេះក៏ជានិមិត្តរូបតំណាងឲ្យ សន្តិភាពផងដែរ។
លោក Nikai Toshihiro ឲ្យដឹងថា លោកក៏ជំរុញការផ្លាស់ប្តូរផ្កាឈូកជាមួយបណ្តាប្រទេសផ្សេងៗ។ ព្រមទាំង លោកបានសម្តែងក្តីរីករាយដែលប្រទេសវៀតណាមជ្រើសរើសយកផ្កាឈូកជាផ្កាជាតិ។
ក្នុងរាត្រីផ្លាស់ប្តូរនេះ លោកនាយករដ្ឋមន្រ្តីលោក Nguyen Xuan Phuc និងលោកអគ្គលេខាធិការ Nikai បានអញ្ជើញអនុវត្តពិធីការដាំផ្កាឈូក Oga។(រូបថត៖ VGP)
លោក Nikai Toshihiro បានមានប្រសាសន៍ថាមេដឹកនាំនិងប្រជាជននៃប្រទេសទាំងពីរគួរតែជំរុញការឃោសនានៃទំនាក់ទំនងមិត្តភាពជប៉ុន - វៀតណាមសម្រាប់ជំនាន់ក្រោយ ដើម្បីឱ្យចំណងមិត្តភាពនិងទំនាក់ទំនងរវាងប្រទេសទាំងពីរអាចបន្តទទួលបាន និងបន្តអភិវឌ្ឍកាន់តែប្រសើរឡើងនាពេលអនាគត។
អគ្គលេខាធិការ Nikai Toshihiro ក៏បានសម្តែងនូវគោលបំណងចង់ឲ្យនិស្សិតជប៉ុនមកទស្សនកិច្ចនៅវៀតណាមលើកនេះ ដើម្បីផ្លាស់ប្តូរនិងរៀនសូត្រពីបទពិសោធន៍។ បន្ទាប់មកគេនឹងវិលត្រឡប់ទៅកាន់ប្រទេសជប៉ុននឹងខិតខំប្រឹងប្រែងរៀនសូត្រ ចូលរួមយ៉ាងសកម្មក្នុងការលើកកម្ពស់ទំនាក់ទំនងនិងមិត្តភាពនៃប្រទេសទាំងពីរ និងឆ្លើយតបនឹងសេចក្តីប្រាថ្នារបស់ប្រជាជននៃប្រទេសទាំងពីរ។
ក្នុងរាត្រីផ្លាស់ប្តូរនេះ លោកនាយករដ្ឋមន្រ្តីលោក Nguyen Xuan Phuc និងលោកអគ្គលេខាធិការ Nikai បានអញ្ជើញអនុវត្តពិធីដាំផ្កាឈូក Oga អញ្ជើញធ្វើជាសាក្សីក្នុងពិធីប្រគល់សៀវភៅភាសាជប៉ុនដល់សាលារៀនមួយចំនួន នៅតំបនស្ថិតភាគកណ្តាល និងប្រកាសបង្កើតការិយាល័យស្ថានទូតជប៉ុន នៅទីក្រុង Da Nang៕（ប្រែសម្រួលដោយឌីណា）
មតិពីមិត្តអ្នកអាន