យុគសម័យ៖នៅថ្ងៃទី ១០ ខែមករា នៅទីក្រុងព្រះសីហនុ (កម្ពុជា) ស្ថានអគ្គកុងស៊ុលវៀតណាមប្រចាំ នៅខេត្តព្រះសីហនុបានរៀបចំពិធីជប់លៀងអបអរសារ បុណ្យចូលឆ្នាំថ្មីប្រពៃណីវៀតណាម ឆ្នាំ២០២០។
លោកអគ្គកុងស៊ុលVu Ngoc Ly ថ្លែងក្នុងពិធីជប់លៀងអបអរសាទរបុណ្យចូលឆ្នាំថ្មីប្រពៃណីវៀតណាម ឆ្នាំ ២០២០។ (រូបថត៖ កាសែត thegioivietnam)
អញ្ជើញចូលរួមក្នុងពិធីជប់លៀងនេះ មានថ្នាក់ដឹកនាំខេត្តចំនួន ៦ (ខេត្តព្រះសីហនុខេត្តកែបខេត្តកំពតខេត្តកោះកុងខេត្តតាកែវនិងខេត្តកំពង់ស្ពឺ) មេបញ្ជាការយោធភូមិភាគទី ៣ របស់ព្រះរាជាណាចក្រកម្ពុជា ថ្នាក់ដឹកនាំនៃបណ្តាផ្នែក ស្ថាប័ន កងកម្លាំងប្រដាប់អាវុធកម្ពុជា ដែលមានទីតាំងនៅខេត្តព្រះសីហនុ ថ្នាក់ដឹកនាំអនុព័ន្ធយោធាការពារជាតិវៀតណាមប្រចាំ នៅព្រះរាជាណាចក្រកម្ពុជា និងសហគ្រាសមួយចំនួនមានផែនការ វិនិយោគនិងធ្វើអាជីវកម្មក្នុងតំបន់កុងស៊ុល
នៅក្នុងសុន្ទរកថាថ្លែងក្នុងពិធីនោះលោកអគ្គកុងស៊ុល Vu Ngoc Ly បានលើកឡើងនូវសមិទ្ធិផលនៃការអភិវឌ្ឍន៍សេដ្ឋកិច្ច - សង្គមកិច្ចដែលវៀតណាមសម្រេចបាន ក្នុងឆ្នាំ ២០១៩ និងបណ្តាទិសដៅ បញ្ហាប្រឈមមុខរបស់វៀតណាមក្នុងឆ្នាំ ២០២០ ។ ក្នុងនោះប្រទេសវៀតណាមនឹងទទួលតួនាទីជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិនិងជាប្រធានប្តូរវេនអាស៊ាន។
លោកអគ្គកុងស៊ុលបានក៏បានបញ្ជាក់ថា វៀតណាមប្តេជ្ញាធ្វើអស់ពីសមត្ថភាពរួមជាមួយប្រទេសដទៃទៀត ក្នុងនោះមានប្រទេសកម្ពុជាផងដែរ ដើម្បីចូលរួមចំណែកជាវិជ្ជមានក្នុងការរក្សាសន្តិភាពនិងស្ថិរភាពក្នុងតំបន់និងលើពិភពលោក។ លោកអគ្គកុងស៊ុល Vu Ngoc Ly ក៏បានជូនពរដល់ប្រជាជនកម្ពុជា ជាពិសេសគឺប្រជាជននៃខេត្តទាំង ៦ នៅក្នុងតំបន់កុងស៊ុលនឹងបន្តទទួលបានសមិទ្ធិផលធំធេងថែមទៀត ក្នុងឆ្នាំ ២០២០ ដើម្បីព្រះរាជាណាចក្រកម្ពុជាប្រកបដោយសន្តិភាព មានស្ថេរភាព និងវិបុលភាព។
ប្រតិភូអញ្ជើញចូលរួមក្នុងពិធីជប់លៀងនេះ។ (រូបថត៖ កាសែត thegioivietnam)
លោកអគ្គកុងស៊ុល Vu Ngoc Ly ជឿជាក់ថា កិច្ចសហប្រតិបត្តិការដ៏ល្អប្រសើររវាងវៀតណាមនិងកម្ពុជារួមទាំងទំនាក់ទំនងរវាងខេត្តទាំង ៦ នេះ ជាមួយបណ្តាស្ថាប័ន និងតំបន់ពាក់ព័ន្ធរបស់វៀតណាមនឹងបន្តពង្រឹងនិងពង្រីក តាមពាក្យស្លោក៖ "អ្នកជិតខាងដ៏ល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ ស្ថិតស្ថេរយូរអង្វែង ដែលឯកភាពពីថ្នាក់ដឹកនាំនៃប្រទេសទាំងពីរ"។
ក្នុងបរិយាកាសកក់ក្ដៅនិងពោរពេញទៅដោយអត្តសញ្ញាណជាតិ លោក Vu Ngoc Ly បានជូនពរដល់ប្រជាជនទាំងអស់ ក្នុងឆ្នាំថ្មីទទួលបាននូវពុទ្ធពរទាំងបួនប្រការ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
（ប្រែសម្រួលដោយឌីណា）
មតិពីមិត្តអ្នកអាន