យុគសម័យ៖យោងតាមអ្នកនាំពាក្យក្រសួងការបរទេសលោកស្រី Le Thi Thu Hang ប្រទេសនានាត្រូវធានានូវផលប្រយោជន៍ប្រកបដោយតុល្យភាពរបស់បណ្តាប្រទេសក្នុងតំបន់ទន្លេមេគង្គ ដើម្បីភាពរុងរឿងនិងការអភិវឌ្ឍប្រកបដោយចីរភាពនៅក្នុងតំបន់។
កាលពីថ្ងៃទី ៩ ខែមករា ឆ្លើយតបនឹងសំណួររបស់អ្នកយកព័ត៌មានអំពីការព្រមានថ្មីៗនេះរបស់ប្រទេសថៃទៅកាន់ខេត្តនានាដែលជាប់នឹងទន្លេមេគង្គនឹងខ្វះទឹក នៅពេលដែលប្រទេសចិនសាកល្បងទំនប់វារីអគ្គីសនី Canh Hong។ អ្នកនាំពាក្យនៃក្រសួងការបរទេសបាននិយាយឲ្យដឹងថា៖
ទំនប់ Canh Hong របស់ប្រទេសចិន (រូបថត៖ AP)
ប្រទេសវៀតណាមចាប់អារម្មណ៍ក្នុងការតាមដាន ស្រាវជ្រាវ និងវាយតម្លៃសកម្មភាពនានាដែលទាក់ទងនឹងធនធានទឹកនៃទន្លេមេគង្គ។ យើងជឿជាក់ថា រួមជាមួយនឹងអត្ថប្រយោជន៍ស្របច្បាប់អំពីការប្រើប្រាស់ធនធានទឹកទន្លេមេគង្គ ដើម្បីការអភិវឌ្ឍ ប្រទេសនានាមានទំនួលខុសត្រូវរួមគ្នាចំពោះការប្រើប្រាស់ទឹកនិងធនធានទឹកទន្លេមេគង្គប្រកបដោយយុត្តិធម៌និងនិរន្តរភាព ធានានូវផលប្រយោជន៍ប្រកបដោយតុល្យភាពនៃបណ្តាប្រទេសក្នុងតំបន់ទន្លេមេគង្គ ដើម្បីភាពរុងរឿងនិងការអភិវឌ្ឍប្រកបដោយចីរភាពនៅក្នុងតំបន់៕
（ប្រែសម្រួលដោយឌីណា）
មតិពីមិត្តអ្នកអាន