កាសែតអាមេរិកវាយតម្លៃថា វៀតណាមគឺជាចំណុចភ្លឺស្វាងក្នុងការទាក់ទាញវិនិយោគផ្ទាល់ពីបរទេសនៅអាស៊ាន

កាសែតអាមេរិកវាយតម្លៃថា វៀតណាមគឺជាចំណុចភ្លឺស្វាងក្នុងការទាក់ទាញវិនិយោគផ្ទាល់ពីបរទេសនៅអាស៊ាន (រូបថត៖ bnews.vn)

កាសែតនេះបានវាយតម្លៃថាចាប់តាំងពីអនុវត្តការធ្វើកំណែទម្រង់ថ្មីនាឆ្នាំ ១៩៨៦ វៀតណាមបានក្លាយជាប្រទេសមួយក្នុងចំណោមប្រទេសដែលមានសេដ្ឋកិច្ចរីកចម្រើនលឿនបំផុតនៅលើពិភពលោកដែលភាគច្រើនផ្នែកទៅលើការវិនិយោគដោយផ្ទាល់ពីបរទេស ( FDI) ។

ក្នុងឆ្នាំ ២០១៨ មានប្រទេសនិងតំបន់សរុបចំនួន ១១២ បានវិនិយោគនៅវៀតណាមក្នុងនោះជប៉ុននាំមុខគេដោយមានទឹកប្រាក់ចំនួន ៨,៥៩ ពាន់លានដុល្លារ បន្ទាប់មកគឺជាប្រទេសកូរ៉េខាងត្បូង (ប្រាក់ ៧,២ ពាន់លានដុល្លារ) និងសិង្ហបុរី (៥ ពាន់លានដុល្លារ)។

កាសែតនេះក៏បានវាយតម្លៃថាប្រទេសវៀតណាមមានចំណាយប្រកួតប្រជែងនិងប្រាក់ឈ្នួលទាប ក៏ដូចជាហេដ្ឋារចនាសម្ព័ន្ធកំពុងអភិវឌ្ឍន៍។ លោក Koushan Das អ្នកជំនាញខាងឃ្លាំមើលគម្រោងនៅឥណ្ឌានិងអាស៊ានចំណុះក្រុមហ៊ុនផ្តល់ការប្រឹក្សាអាជីវកម្ម Dezan Shira & Associates បានវាយតម្លៃថា“ វៀតណាមមានគោលនយោបាយពន្ធប្រកួតប្រជែងបំផុតមួយនៅអាស៊ីអាគ្នេយ៍។ វិនិយោគិនបរទេសជាពិសេសវិនិយោគិនដែលចូលរួមការផលិតផលិតផលមានតម្លៃបន្ថែមខ្ពស់ អាចទាញយកអំណោយផលពីពន្ធអនុគ្រោះនេះធ្វើជាអត្ថប្រយោជន៍ប្រកួតប្រជែងចំពោះគូប្រជែងរបស់ខ្លួនក្នុងរយៈពេលប៉ុន្មានឆ្នាំខាងមុខនេះ "ផងដែរ៕

（ហេង វុធ្ធី）

（ប្រភពព័ត៌មាន: bnews.vn）

（ហេង វុធ្ធី）