ពិធីអបអរសាទរខួបលើកទី ៥២ នៃការបង្កើតអាស៊ាននៅអូស្ត្រាលី

ឯកអគ្គរដ្ឋទូតនៃបណ្តាប្រទេសជាសមាជិកអាស៊ាននៅពិធី (រូបថត៖ tapchithongtindoingoai.vn)

អញ្ជើញចូលរួមពិធីនេះមានវត្តមានរបស់អគ្គទេសាភិបាលនៃប្រទេសអូស្រ្តាលីលោក David Hurley និងភរិយា ឯកអគ្គរដ្ឋទូតនិងមន្ត្រីការទូតនៃបណ្តាប្រទេសជាសមាជិកអាស៊ានរួមទាំង មន្ត្រីជាន់ខ្ពស់របស់រដ្ឋសភា រដ្ឋាភិបាលនិងអ្នកប្រាជ្ញអូស្រ្តាលីផងដែរ។

ថ្លែងនៅក្នុងពិធីនោះ ឯកអគ្គរដ្ឋទូតមីយ៉ាន់ម៉ាលោក Tha Aung Nyun និងជាប្រធានប្តូរវេននៃ គណៈកម្មាធិការអាស៊ាននៅទីក្រុង Canberra បានលើកច្បាស់ថាអស់រយៈពេល ៥២ ឆ្នាំកន្លងមក អាស៊ានបានក្លាយទៅជាសហគមន៍មួយដែលផ្សារភ្ជាប់ខាងនយោបាយនិងសមាហរណកម្ម សេដ្ឋកិច្ច មានទំនួលខុសត្រូវជាមួយសង្គម ឆ្ពោះទៅមនុស្សនិងយកមនុស្សជាមជ្ឈភាពផងដែរ។ ប្រទេសជាសមាជិកអាស៊ានបន្តរួបរួមគ្នាក្នុងការអភិវឌ្ឍនិងគ្រប់គ្រងភាពខុសគ្នារវាងប្រទេសនានា ផងដែរ។

អគ្គទេសាភិបាលនៃប្រទេសអូស្រ្តាលីលោក David Hurley អញ្ជើញថ្លែងមតិ (រូបថត៖ tapchithongtindoingoai.vn)

ឯកអគ្គរដ្ឋទូតមីយ៉ាន់ម៉ាលោក Tha Aung Nyun ក៏បានកោតសរសើរចំពោះការរីកចម្រើនដ៏អស្ចារ្យដែលសម្រេចបាននៅក្នុងកិច្ចពិភាក្សារវាងអាស៊ាននិងអូស្រ្តាលីក្នុងរយៈពេល ៤៤ ឆ្នាំកន្លងមកជាពិសេសគឺនាពេលថ្មីៗនេះ បានរៀបចំប្រកដោយជោគជ័យនូវកិច្ចប្រជុំកំពូលពិសេស អាស៊ាន - អូស្រ្តាលីនៅទីក្រុងស៊ីដនីនាខែមីនាឆ្នាំ ២០១៨ ព្រមទាំងបានអនុម័តសេចក្តីថ្លែងការណ៍ស៊ីដនីផងដែរ។លោក Tha Aung Nyun ក៏បានបញ្ជាក់ថាអាស៊ានស្វាគមន៍ការគាំទ្រជាយូរមកហើយរបស់អូស្រ្តាលីចំពោះតួនាទីស្នូលរបស់អាស៊ាន ព្រមទាំងប្តេជ្ញាសហប្រតិបត្តិការតាមរយៈយន្តការដែលដឹកនាំដោយអាស៊ាន។

រីឯខ្លួនវិញ លោកអគ្គទេសាភិបាលនៃប្រទេសអូស្រ្តាលី លោក David Hurley បានបញ្ជាក់ថា អូស្ត្រាលីបានគាំទ្រនិងវាយតម្លៃខ្ពស់ចំពោះទំនាក់ទំនងសន្ទនាជាមួយអាស៊ានដោយផ្សារភ្ជាប់ជាមួយស្ថិរភាពនិងវិបុលភាពនៅអាស៊ីអាគ្នេយ៍ផងដែរ៕

（បកប្រែដោយ ហេង វុធ្ធី）

（បកប្រែដោយ ហេង វុធ្ធី）