យុគសម័យ - បន្ទាប់ពីមួយទសវត្សរ៍ វៀតណាមគឺជាប្រទេសមួយក្នុងចំណោមប្រទេសដែលមានសេដ្ឋកិច្ចរីកលូតលាស់លឿនបំផុតនៅលើពិភពលោកហើយរហូតមកដល់ពេលនេះវៀតណាមនៅតែភ្ញាក់ផ្អើលជាមួយនឹងកំណើនសេដ្ឋកិច្ចដ៏គួរអោយចាប់អារម្មណ៍ណាស់។ នេះគឺជាសេចក្តីថ្លែងការណ៍ដែលចេញផ្សាយដោយធនាគារអភិវឌ្ឍន៍អាស៊ី (ADB) នៅព្រឹកថ្ងៃទី ១៨ ខែកក្កដា។
សេដ្ឋកិច្ចរបស់វៀតណាមបានរីកលូតលាស់លឿនបំផុតនៅអាស៊ីអាគ្នេយ៍នៅឆ្នាំ ២០១៩
នៅក្នុងរបាយការណ៍បន្ថែមនៃរបាយការណ៍ស្តីពីទស្សនវិស័យអភិវឌ្ឍន៍អាស៊ី (ADO) ដែលបានបោះពុម្ពផ្សាយថ្មីនេះ ADB បានព្យាករណ៍ថាប្រទេសវៀតណាមគឺជាប្រទេសដែលមានសេដ្ឋកិច្ចលូតលាស់លឿនបំផុតនៅអាស៊ីអាគ្នេយ៍ក្នុងឆ្នាំនេះ។ ដូច្នោះហើយ កំណើននៃប្រទេសវៀតណាមនៅក្នុង ៦ ខែដំបូងនៃឆ្នាំ ២០១៩ គឺប្រហែល ៦,៨% បើទោះបីជាវិស័យកសិកម្មក្នុងប្រទេសត្រូវបានរងឥទ្ធិពលយ៉ាងខ្លាំងដោយគ្រោះរាំងស្ងួតនិងជំងឺអាសន្នរោគអាហ្រ្វិក។
យោងតាមធនាគារអភិវឌ្ឍន៍អាស៊ី កត្តាសំខាន់ដើម្បីរក្សាសន្ទុះកំណើនសេដ្ឋកិច្ចរបស់វៀតណាមគឺការទាក់ទាញវិនិយោគផ្ទាល់ពីបរទេស (FDI) នៅពេលដែលដើមទុនទាំងនេះចូលក្នុងប្រទេសវៀតណាមកើនឡើង ២៧% ក្នុងរយៈពេល ៥ ខែដំបូងនៃឆ្នាំនេះ។ ធនាគារអភិវឌ្ឍន៍អាស៊ីព្យាករណ៍ថាកំណើនសេដ្ឋកិច្ចរបស់វៀតណាមនៅឆ្នាំ ២០១៩ នឹងមានប្រមាណ ៦,៨% ហើយថានៅត្រឹមឆ្នាំ ២០២០ ទាបជាងបន្តិចជាមួយនឹងការប៉ាន់ប្រមាណគឺ ៦,៧% មិនខុសពីការព្យាករណ៍ដែលបានចេញផ្សាយពីមុនរបស់ ADO នោះទេ។
យោងតាមរបាយការណ៍នេះ ADB បានរក្សាការព្យាករណ៍កំណើនសេដ្ឋកិច្ចរបស់តំបន់កំពុងអភិវឌ្ឍនៅអាស៊ីជា ៥,៧% នៅឆ្នាំ ២០១៩ និង ៥,៦% នៅឆ្នាំ ២០២០ ដូចដែលបានចេញផ្សាយកាលពីខែមេសា។ តួលេខទាំងនេះបានថយចុះបន្តិចបើប្រៀបធៀបទៅនឹង ៥,៩% ក្នុងឆ្នាំ ២០១៨៕
（យោងតាម baotintuc.vn ប្រែសម្រូលដោយវិច្ឆិកា）
មតិពីមិត្តអ្នកអាន