វៀតណាមបញ្ជូននាយទាហាន ៧ នាក់ទៀតដើម្បីចូលរួមក្នុងការរក្សាសន្តិភាពរបស់អង្គការសហប្រជាជាតិ

ឧត្តមសេនីយ៍ឯក Nguyen Chi Vinh បានប្រគល់សេចក្តីសម្រេចចិត្តរបស់ប្រធានរដ្ឋ និងប្រគល់ភារកិច្ចសម្រាប់នាយទាហានចំនួន ៧ រូប ទៅបំពេញបេសកកម្មថែរក្សាសន្តិភាពនៅស៊ូដង់ខាងត្បូងនិងសាធារណរដ្ឋអាហ្វ្រិកកណ្តាល (រូបថតៈ TTXVN)

នៅក្នុងពិធី ឧត្តមសេនីយ៍ឯក លោក Nguyen Chi Vinh បានប្រគល់សេចក្តីសម្រេចចិត្តរបស់ប្រធានរដ្ឋ ដែលបញ្ជូននាយទាហាននៃកងទ័ពប្រជាជនវៀតណាម​ចំនួន ៧ រូប ទៅបំពេញបេសកកម្មថែរក្សាសន្តិភាពនៃអង្គការសហប្រជាជាតិនៅស៊ូដង់ខាងត្បូងនិងសាធារណរដ្ឋអាហ្វ្រិកកណ្តាល។ នាយទាហានទាំង ៧ រូបនេះ គ្រោងនឹងចេញដំណើរបំពេញបេសក កម្មរបស់ខ្លួននាចុងខែមិថុនា និងដើមខែកក្កដាឆ្នាំ ២០១៩។

ថ្លែងក្នុងពិធីនេះ ឧត្តមសេនីយ៍ឯក លោក Nguyen Chi Vinh បានសង្កត់ធ្ងន់ថា នេះជាកិត្តិយសនិងមោទនភាពផង ប៉ុន្តែក៏ជាកិច្ចការដ៏លំបាកមួយក្នុងបរិយាកាសពហុជាតិនៃអង្គការសហប្រជាជាតិ ដូច្នេះសមមិត្តបានទទួលភារកិច្ចនេះ​ ត្រូវយកឈ្នះលើការលំបាកទាំងអស់ប្រកបដោយជោគជ័យផងដែរ៕

（ប្រែសម្រូលដោយស្រីពេជ្រ）

（ប្រែសម្រូលដោយស្រីពេជ្រ）