យុគសម័យ - នាយករដ្ឋមន្ត្រីសិង្ហបុរីលោក Lee Hsien Loong បានថ្លែងនៅឯកិច្ចសន្ទនា Shangrila និងបង្ហោះ នៅលើគេហទំព័រផ្ទាល់ខ្លួនកាលថ្ងៃទី ៣១ ខែឧសភា ដោយនិយាយថា វៀតណាមបាន “ឈ្លានពាន” ប្រទេសកម្ពុជា។
អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang (រូបថតៈ TTXVN)
នាថ្ងៃទី ៤ ខែមិថុនា ឆ្លើយសំណួររបស់អ្នកយកព័ត៌មានដោយស្នើផ្តល់នូវអត្ថាធិប្បាយរបស់វៀតណាម ចំពោះមតិរបស់នាយករដ្ឋមន្ត្រីសឹង្ហបុរី លោក Li Hsien Loong នៅក្នុងកិច្ចសន្ទនា Shangri La និងបង្ហោះលើគេហទំព័រផ្ទាល់ខ្លួន កាលពីថ្ងៃទី ៣១ ខែឧសភា ដោយនិយាយថា វៀតណាមបាន “ឈ្លានពាន” និង “កាន់កាប់” កម្ពុជានោះ អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានថ្លែងថា:
វៀតណាមមានការសោកស្តាយ ដោយឃើញថា មានមតិមួយចំនួនដែលឆ្លុះបញ្ចាំងមិន ពិតពីប្រវត្តិសាស្រ្ត និងបង្កឱ្យមាន ផលប៉ះពាល់អាក្រក់ដល់មតិសាធារណៈ។ ក្រសួងការបរទេសវៀតណាមបានពិភាក្សាជាមួយក្រសួងការបរទេសសឹង្ហបុរីអំពីបញ្ហានេះ។
គួជម្រាបថា ការរួមចំណែកនិងការលះបង់របស់វៀតណាមក្នុងការរួមជាមួយប្រជាជនកម្ពុជា ដើម្បីបញ្ចប់របបប្រល័យពូជសាសន៍ខ្មែរក្រហម គឺជាការពិតដែលត្រូវបានទទួលស្គាល់យ៉ាងទូលំទូលាយរួចជាស្រេចហើយ។ នៅថ្ងៃទី ១៦ ខែវិច្ឆិកាឆ្នាំ ២០១៨ តុលាការពិសេសរបស់កម្ពុជា (ECCC) បានចេញសាលក្រមអំពីបទឧក្រិដ្ឋប្រល័យពូជសាសន៍ ប្រឆាំងមនុស្សជាតិរបស់ខ្មែរក្រហម។ សេចក្តីសម្រេចនេះ បានឆ្លុះបញ្ចាំងដោយសត្យានុម័តពីការពិតប្រវត្តិសាស្រ្ត ការប្រតិបត្តិច្បាប់ និងនាំ មកនូវយុត្តិធម៌ជូនដល់ជនរងគ្រោះ ហើយទទួលបានការស្វាគមន៍យ៉ាងខ្លាំងក្លាពីអង្គការសហប្រជាជាតិក៏ដូចជាសហ គមន៍អន្តរជាតិផងដែរ។
សមិទ្ធផលដែលអាស៊ានទទួលបានដូចសព្វថ្ងៃនេះ គឺជាលទ្ធផលនៃការខិតខំប្រឹងប្រែងរបស់សមាជិកទាំងអស់តាមរយៈប្រវត្តិសាស្រ្តរបស់សមាគម។ សមាជិកម្នាក់ៗសុទ្ធតែបានជ្រាបយ៉ាងជ្រាលជ្រៅពីសារៈសំខាន់នៃការពង្រឹងសាមគ្គីភាព ដោយឈរលើមូលដ្ឋាននៃការគោរពគ្នាទៅវិញទៅមកនិងគោលការណ៍រួមរបស់អាស៊ាន។
ក្នុងនាមជាសមាជិកសកម្មនិងមានការទទួលខុសត្រូវរបស់អាស៊ាន វៀតណាមបាននិងនឹងបន្តរួមជាមួយសមាជិកដទៃទៀតនឹងធ្វើឱ្យអស់ពីសមត្ថភាពរបស់ខ្លួនដើម្បីគោលដៅកសាងសហគមន៍អាស៊ានដ៏រឹងមាំ ឯកភាព សាមគ្គីភាព និងមានតួនាទីជាមជ្ឈមណ្ឌលក្នុងតំបន់៕
| សូមជម្រាបថា កាលពីថ្ងៃសុក្រសប្តាហ៍មុន លោក ហ៊ុន ម៉ានី កូនប្រុសពៅរបស់ នាយករដ្ឋមន្ត្រី សម្តេច ហ៊ុន សែន ដែលជាតំណាងរាស្ត្រមួយរូបរបស់ខេត្តកំពង់ស្ពឺ បានប្រតិកម្មទៅនឹងសាររបស់នាយករដ្ឋមន្ត្រីសិង្ហបុរី ដែលបានផ្ញើសំបុត្រទៅកាន់រដ្ឋាភិបាលថៃដើម្បីចែករំលែកទុក្ខចំពោះមរណភាពរបស់អតីតនាយករដ្ឋមន្ត្រីថៃគឺឧត្តមសេនីយ៍ Prem Tinsulanonda។ នៅក្នុងសារនោះ លោកនាយករដ្ឋមន្ត្រីសិង្ហបុរីបានសង្កត់ធ្ងន់អំពីតួនាទីរបស់អតីតនាយករដ្ឋថៃរូបនោះក្នុងការការពារសន្តិសុខតំបន់អាស៊ីអាគ្នេយ៍នៅទសវត្សរ៍៨០និងសន្តិសុខរបស់សមាជិកអាស៊ានទាំង៥នៅពេលនោះ ដោយទប់ទល់ការវាតទីរបស់ប្រទេសកុម្មុយនិស្តវៀតណាម ដែលបាន«ឈ្លានពាន»ប្រទេសកម្ពុជាដែលស្ថិតក្នុងរបបខ្មែរក្រហម ហើយដែលការណ៍នេះបានរារាំងការទទួលស្គាល់រដ្ឋាភិបាលទីក្រុងភ្នំពេញថ្មីដែលកើតចេញពីអន្តរាគមន៍យោធារបស់វៀតណាមនៅពេលនោះ។ លោក ហ៊ុន ម៉ានី បានបញ្ចេញមតិក្នុងនាមផ្ទាល់ខ្លួនថា ទោះបីលោកយល់ថា មតិរបស់នាយករដ្ឋមន្ត្រីសិង្ហបុរីធ្វើឡើងក្នុងបរិបទភូមិសាស្ត្រនយោបាយអន្តរជាតិក្នុងទសវត្សរ៍១៩៧០និង១៩៨០ក្តី ក៏លោកយល់ថា គេមិនគួរមើលរំលងឧក្រិដ្ឋកម្មប្រឆាំងមនុស្សជាតិ និងការប្រល័យពូជសាសន៍ប្រព្រឹត្តដោយរបបខ្មែរក្រហមលើជនរងគ្រោះ«ជិត៣លាន»នាក់នោះទេ។ លោក ហ៊ុន ម៉ានី បានលើកឡើងថា៖ «ខណៈដែលអ្នករាល់គ្នាកំពុងលេងល្បែងនយោបាយ ប្រជាជនកម្ពុជាបានបន់ស្រន់ថា ពួកយើងចង់ឲ្យគេមកសង្គ្រោះខ្លួនពីរបបប្រល័យពូជសាសន៍ខ្មែរក្រហម ហើយវាមិនសំខាន់ទេថា ការសង្គ្រោះនោះចេញពីអ្នកណា ឬមានប្រភពពីទីណានោះ។ ការជួយ[សង្គ្រោះ]នោះក៏បានចេញជារូបរាងក្នុងទម្រង់ជាគណបក្សប្រជាជនកម្ពុជា ដោយមានជំនួយពីប្រទេសវៀតណាមដែលជាប្រទេសជិតខាង»។ មានប្រតិកម្មចំពោះបញ្ហានេះ លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីការពារជាតិកម្ពុជា ដែលទើបត្រឡប់មកពីកិច្ចប្រជុំ Shangri-La នៅរសៀលថ្ងៃអង្គារបានមានប្រសាសន័ថា ការលើកឡើងដោយប្រើពាក្យ«ការឈ្លានពានរបស់វៀតណាម»មិន«យុត្តិធម៌»ចំពោះកងទ័ពស្ម័គ្រចិត្តវៀតណាមក៏ដូចជាពលរដ្ឋកម្ពុជាដែលរងគ្រោះដោយរបបខ្មែរក្រហមនោះទេ។ លោកបានបញ្ជាក់ថា វាជាការស្នើសុំរបស់កម្ពុជាដើម្បីឲ្យភាគីវៀតណាមមកជួយ «រំដោះ» កម្ពុជាពីរបបប្រល័យពូជសាសន៍។ លោករដ្ឋមន្ត្រីការពារជាតិរូបនេះបញ្ជាក់ថា នៅក្នុងអំឡុងកិច្ចប្រជុំ Shangri-La Dialogue នៅសិង្ហបុរីកាលពីចុងសប្តាហ៍នេះ លោកបានលើកចំណុចអាក់អន់ចិត្តបន្តិចបន្តួចរបស់ភាគីកម្ពុជានេះទៅជម្រាបជូនសមភាគីលោកគឺរដ្ឋមន្ត្រីការពារជាតិសិង្ហបុរី Ng Eng Hen រួចហើយ។ «យើងបញ្ជាក់ឲ្យគាត់ថា ពាក្យនោះគឺមិនត្រឹមត្រូវទេ។ ដូច្នេះគាត់ចង់កែតម្រូវរបៀបណា អានេះគឺជាសិទ្ធិរបស់គាត់ទេ។ យើងក៏មិនហ៊ានទៅផ្ទៀងផ្ទាត់ ឬក៏ទៅបញ្ជាគេថា អញ្ចុះអញ្ចេះនោះ យើងអត់មានទេ»។ |
（សរុបព័ត៌មាន ដោយ ស្រីព្រេជ）
មតិពីមិត្តអ្នកអាន