ទំនាក់ទំនងវៀតណាម-កម្ពុជានាំមកនូវផលប្រយោជន៍សម្រាប់ប្រជាជនទាំងពីរ

យោងតាមទីភ្នាក់ងារសារព័ត៌មានវៀតណាម ពិធីនេះមានការចូលរួមពីប្រធានព្រឹទ្ធសភាកម្ពុជា សម្តេចតេជោ ហ៊ុន សែន ប្រធានរដ្ឋសភាកម្ពុជា សម្តេចឃួន សុដារី អនុប្រធានគណបក្សប្រជាជនកម្ពុជា ប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា ប្រធានសមាគមមិត្តភាពកម្ពុជា-វៀតណាម សម្តេចម៉ែន សំអន។ រួមជាមួយនឹងថ្នាក់ដឹកនាំជាន់ខ្ពស់នៃគណបក្សប្រជាជនកម្ពុជា រាជរដ្ឋាភិបាល ព្រឹទ្ធសភា និងរដ្ឋសភាកម្ពុជា។

អញ្ជើញថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំកម្ពុជា លោក Nguyen Minh Vu បានពិនិត្យឡើងវិញនូវដំណើរវិរៈភាព ៨០ ឆ្នាំរបស់ប្រជាជនវៀតណាមតាំងពីឯករាជ្យ ដោយសង្កត់ធ្ងន់ថា សមិទ្ធិផលធំៗក្នុងបុព្វហេតុកសាង និងការពារមាតុភូមិ គឺជាមូលដ្ឋានគ្រឹះដ៏រឹងមាំសម្រាប់ប្រទេសជាតិឈានចូលយុគសម័យថ្មីនៃការអភិវឌ្ឍន៍។

លោកឯកអគ្គរដ្ឋទូតបានអះអាងថា វៀតណាម និងកម្ពុជា គឺជាប្រទេសជិតខាងទាំងពីរមានទំនាក់ទំនងជិតស្និទ្ធ ដោយបានចែករំលែកការលំបាកក្នុងការតស៊ូទាមទារឯករាជ្យ និងបន្តឈរក្បែរគ្នាក្នុងបុព្វហេតុកសាង និងអភិវឌ្ឍន៍នាពេលបច្ចុប្បន្ន។ ទំនាក់ទំនងរវាងប្រទេសទាំងពីរត្រូវបានបណ្ដុះបណ្ដាលយ៉ាងខ្ជាប់ខ្ជួនពីសំណាក់ថ្នាក់ដឹកនាំ និងប្រជាជនជាច្រើនជំនាន់ ហើយបានអភិវឌ្ឍយ៉ាងទូលំទូលាយ ដោយនាំមកនូវផលប្រយោជន៍ជាក់ស្តែងជូនប្រជាជននៃប្រទេសទាំងពីរលើវិស័យជាច្រើនដូចជា៖ នយោបាយ ការពារជាតិ-សន្តិសុខ សេដ្ឋកិច្ច ពាណិជ្ជកម្ម សុខាភិបាល អប់រំ វិទ្យាសាស្ត្រ-បច្ចេកវិទ្យា និងការផ្លាស់ប្តូរប្រជាជន។

ឯកអគ្គរដ្ឋទូតវៀតណាមប្រចាំនៅកម្ពុជា លោក Nguyen Minh Vu ។

លោកឯកអគ្គរដ្ឋទូត Nguyen Minh Vu បានសង្កត់ធ្ងន់ថា វត្តមានរបស់ថ្នាក់ដឹកនាំជាន់ខ្ពស់កម្ពុជាក្នុងពិធីអបអរសាទរនេះ គឺជាការបង្ហាញយ៉ាងរស់រវើកនៃចំណងសាមគ្គីភាព មិត្តភាពប្រពៃណី និងទំនាក់ទំនងជិតស្និទ្ធរវាងប្រជាជនទាំងពីរ។ ក្នុងរយៈពេលប៉ុន្មានខែចុងក្រោយនេះ ប្រធានព្រឹទ្ធសភា សម្តេច ហ៊ុន សែន បានបំពេញទស្សនកិច្ចនៅប្រទេសវៀតណាមចំនួនពីរ ដើម្បីចូលរួមកិច្ចប្រជុំកំពូលវៀតណាម-កម្ពុជា (ខែកុម្ភៈ ឆ្នាំ២០២៥) និងខួបលើកទី៥០ នៃការរំដោះភាគខាងត្បូង និងការបង្រួបបង្រួមជាតិ (ថ្ងៃទី៣០ ខែមេសា ឆ្នាំ២០២៥) ហើយសម្តេចនឹងចូលរួមពិធីរំលឹកខួបលើកទី ៨០ នៃទិវាជាតិវៀតណាម នៅទីក្រុងហាណូយ។

លោកឯកអគ្គរដ្ឋទូត Nguyen Minh Vu បានសម្តែងថា៖ “ខ្ញុំជឿជាក់ថា ដោយការប្តេជ្ញាចិត្តរបស់ភាគីទាំងពីរ ទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការលើគ្រប់វិស័យរវាងប្រទេសយើងទាំងពីរនឹងឡើងដល់កម្រិតថ្មីមួយ បំពេញតាមសេចក្តីប្រាថ្នារបស់ប្រជាជននៃប្រទេសទាំងពីរ”។

សម្តេច ហ៊ុន សែន ប្រធានព្រឹទ្ធសភា។

ក្នុងនាមស្ថាប័ននីតិប្បញ្ញត្តិ ស្ថាប័ននីតិប្រតិបត្តិ និងប្រជាជនកម្ពុជា ប្រធានព្រឹទ្ធសភា សម្តេច ហ៊ុន សែន បានផ្ញើលិខិតអបអរសាទរចំពោះថ្នាក់ដឹកនាំបក្ស រដ្ឋ និងប្រជាជនវៀតណាម ក្នុងឱកាសដ៏មានសារៈសំខាន់នេះ។ លោកបានបញ្ជាក់ថា ទិវាបុណ្យឯករាជ្យជាតិវៀតណាមកាលពី ៨០ ឆ្នាំមុន មិនត្រឹមតែជាចំណុចរបត់ប្រវត្តិសាស្ត្រសម្រាប់ប្រជាជនវៀតណាមប៉ុណ្ណោះទេ ថែមទាំងបានក្លាយទៅជាកម្លាំងចលករសម្រាប់ប្រទេសអាស៊ីអាគ្នេយ៍ រួមទាំងកម្ពុជា ក្រោកឡើងតស៊ូទាមទារឯករាជ្យផងដែរ។

លោក ហ៊ុន សែន បានសង្កត់ធ្ងន់ថា កម្ពុជាតែងតែយកចិត្តទុកដាក់ចំពោះទំនាក់ទំនងជិតស្និទ្ធ និងកិច្ចសហប្រតិបត្តិការលើគ្រប់វិស័យជាមួយវៀតណាម ដោយឈរលើស្មារតី “អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និរន្តរភាពយូរអង្វែង”។ លោកក៏បានសម្តែងនូវអំណរគុណយ៉ាងជ្រាលជ្រៅចំពោះការគាំទ្រ និងការលះបង់ដែលប្រជាជននៃប្រទេសទាំងពីរបានផ្តល់ឲ្យគ្នាទៅវិញទៅមកក្នុងដំណាក់កាលប្រវត្តិសាស្ត្រដ៏លំបាក ដោយលោកបញ្ជាក់ថា៖ "នេះជាការពិតប្រវត្តិសាស្ត្រដែលគ្មានកម្លាំងណាអាចផ្តួលរំលំ ឬផ្លាស់ប្តូរបានឡើយ"។

តាមប្រធានព្រឹទ្ធសភាកម្ពុជា ទំនាក់ទំនងវៀតណាម-កម្ពុជានាំមកនូវផលប្រយោជន៍សម្រាប់ប្រជាជនទាំងពីរ និងរួមចំណែករក្សាសន្តិភាព ស្ថិរភាព និងការអភិវឌ្ឍន៍ប្រកបដោយចីរភាពក្នុងតំបន់។ លោកបានសម្តែងក្តីសង្ឃឹមថា ប្រទេសទាំងពីរនឹងបន្តជំរុញកិច្ចសហប្រតិបត្តិការលើវិស័យសំខាន់ៗដូចជា វិស័យការពារជាតិ សន្តិសុខ អប់រំ សុខាភិបាល ថាមពល ទេសចរណ៍ វប្បធម៌ វិទ្យាសាស្ត្រ និងបច្ចេកវិទ្យា។

ពិធីនេះបានប្រព្រឹត្តទៅក្នុងបរិយាកាសរីករាយ និងស្និទ្ធស្នាល ជាមួយការសម្តែងសរសើរប្រទេស និងប្រជាជនវៀតណាម និងទំនាក់ទំនងប្រពៃណីរវាងវៀតណាម និងកម្ពុជា។ ជាពិសេស កន្លែងតាំងបង្ហាញ និងផ្សព្វផ្សាយទេសចរណ៍ និងផលិតផលរបស់សហគ្រាសវៀតណាមនៅកម្ពុជា បានរួមចំណែកបង្ហាញសក្តានុពលនៃកិច្ចសហប្រតិបត្តិការពាណិជ្ជកម្ម និងវិនិយោគដល់ដៃគូ និងមិត្តអន្តរជាតិកម្ពុជា៕

ទំនាក់ទំនងវៀតណាម - កម្ពុជាទទួលបានសមិទ្ធផលគួរអោយមោទនៈក្នុងបរិបទនៃកូវិដ ១៩ នៅពេលរសៀលថ្ងៃទី០៤ ខែវិច្ឆិកា ឯកអគ្គរដ្ឋទូត វ៉ូ ក្វាងមិញ បានសម្តែងការគួរសមនិងពិភាក្សាការងារ ជាមួយ លោកជំទាវ សឿង រដ្ឋចាវី រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិកម្ពុជា នៅទីស្នាក់ការក្រសួងការបរទេសនិងសហប្រតិបត្តិការអន្តរជាតិកម្ពុជា។

ទំនាក់ទំនងវៀតណាម - ឥណ្ឌូណេស៊ី៖ ក្រឡេកមើលរយៈពេល ៦៥ ឆ្នាំ កន្លងមក និងដំណាក់កាលនាពេលខាងមុខ សិក្ខាសាលាដោយប្រធានបទ ក្រឡេកមើលរយៈពេល ៦៥ ឆ្នាំនៃទំនាក់ទំនងវៀតណាម - ឥណ្ឌូណេស៊ី និងដំណាក់កាលនាពេលខាងមុខ បានប្រព្រឹត្តិទៅនាព្រឹកថ្ងៃទី ២៦ ខែតុលា នៅទីក្រុងហាណូយ។

ឌឹកអាញ់

thoidai.com.vn