យុគសម័យ - នាថ្ងៃថ្ងៃទី ១៨ ខែកញ្ញា ក្រសួងការបរទេសវៀតណាមនិងវេណេហ្ស៊ុយអេឡា បានរៀបចំកិច្ចប្រជុំពិគ្រោះយោបល់នយោបាយលើកទី ៧ ថ្នាក់អនុរដ្ឋមន្រ្តីនៅទីក្រុងហាណូយ។
អនុរដ្ឋមន្ត្រីការបរទេសវៀតណាម លោក Pham Quang Vinh និងសមភាគីវេណេហ្សុយអេឡា លោក Ruben Dario Molina (រូបថតៈ VOV)
នៅក្នុងកិច្ចពិគ្រោះយោបល់នេះ អនុរដ្ឋមន្ត្រីការបរទេសវៀតណាម លោក Pham Quang Vinh និងសមភាគីវេណេហ្ស៊ុយអេឡា លោក Ruben Dario Molina បានចែករំលែកគ្នាទៅវិញទៅមកអំពីស្ថានភាពក្នុងប្រទេសរបស់ខ្លួន និងបានពិភាក្សាគ្នាអំពីវិធានការនានា ដើម្បីជំរុញបន្ថែមទៀតនូវទំនាក់ទំនងរវាងប្រទេសទាំងពីរ និងក្រសួងការបរទេសទាំងពីរផងដែរ។
ភាគីទាំងពីរបានឈានដល់កិច្ចព្រមព្រៀងជាឯកច្ឆន្ទមួយស្តីពីការបន្តផ្លាស់ប្តូរទស្សនកិច្ចនិងកិច្ចប្រជុំទ្វេភាគីខណៈដែលមានការប្តេជ្ញា ចិត្តក្នុងការអនុវត្តរបស់ថ្នាក់ដឹកនាំជាន់ខ្ពស់នៃប្រទេសទាំងពីរ ព្រមទាំងបង្កើនប្រសិទ្ធភាពនៃភាពជាដៃគូពាណិជ្ជកម្មនិងវិនិយោគទ្វេ ភាគី រួមជាមួយគម្រោងរួមគ្នាក្នុង វិស័យកសិកម្ម ការការពារជាតិ និងវិទ្យាសាស្ត្របច្ចេកវិទ្យា។
ភាគីទាំងពីរបានព្រមព្រៀងរក្សាសកម្មភាពជាទៀងទាត់របស់គណៈកម្មាធិការអន្តររដ្ឋាភិបាល និងកិច្ចពិគ្រោះយោបល់នយោបាយរវាងក្រសួងការបរទេសទាំងពីរ និងបន្តធ្វើការដើម្បីបញ្ចប់ក្របខ័ណ្ឌច្បាប់សម្រាប់កិច្ចសហប្រតិបត្តិការទ្វេភាគី។ ភាគីទាំងពីរក៏មានគំនិតដូចគ្នាអំពីការសម្របសម្រួលដើម្បីរៀបចំសកម្មភាពរំលឹកខួបលើកទី ៣០ នៃទំនាក់ទំនងការទូតទ្វេភាគីនៅក្នុងឆ្នាំ ២០១៩ ខាងមុខនេះ។
ភាគីទាំងពីរបានពិភាក្សាគ្នាយ៉ាងស៊ីជម្រៅទៅលើបញ្ហាតំបន់ និងអន្តរជាតិ ដែលមានការយកចិត្តទុកដាក់គ្នាទៅវិញទៅមក ហើយបានចែករំលែកទស្សនៈស្តីពីការដោះស្រាយវិវាទរវាងប្រទេសនានាដោយវិធានការសន្តិភាព ដោយឈរលើមូលដ្ឋានច្បាប់អន្តរជាតិ៕
（សរុបព័ត៌មាន ដោយ ស្រីព្រេជ）
មតិពីមិត្តអ្នកអាន