ឧបនាយករដ្ឋមន្ត្រី រដ្ឋមន្ត្រីការបរទេស លោក Pham Binh Minh អញ្ជើញទទួលជួបជាមួយរដ្ឋមន្ត្រីការបរទេសនិងសាសនាអាហ្សង់ទីន លោក Jorge Faurie

22:48 | 30/07/2018 （បកប្រែដោយ មិញ អាញ់）

យុគសម័យ - ទទួលតាមការអញ្ជើញរបស់ឧបនាយករដ្ឋមន្ត្រី រដ្ឋមន្ត្រីការបរទេសវៀតណាម លោក Pham Binh Minh រដ្ឋមន្ត្រីការបរទេសនិងសាសនាសាធារណរដ្ឋអាហ្សង់ទីន លោក Jorge Faurie បានមកបំពេញទស្សនកិច្ចជាផ្លូវការនៅវៀតណាម ចាប់ពីថ្ងៃទី២៨ដល់ថ្ងៃទី៣១កក្កដា។

ឧបនាយករដ្ឋមន្ត្រី រដ្ឋមន្ត្រីការទេសវៀតណាម លោក Pham Binh Minh អញ្ជើញជួបពិភាក្សាជាមួយរដ្ឋមន្ត្រីការបរទេសនិងសាសនាសាធារណរដ្ឋអាហ្សង់ទីន លោក Jorge Faurie (រូបថតៈ VGP/Hai Minh)

នៅក្នុងជំនួបនាថ្ងៃទី៣០ខែកក្កដា ឧបនាយករដ្ឋមន្ត្រី រដ្ឋមន្ត្រីការបរទេសវៀតណាម លោក Pham Binh Minh និងរដ្ឋមន្ត្រីការបរទេស Jorge Faurie បានឯកភាព វាយតម្លៃថា ឆ្លងកាត់រយៈពេល៤៥ឆ្នាំនោះ ទំនាក់ទំនងវៀតណាម-អាហ្សង់ទីនមានការអភិវឌ្ឍយ៉ាងខ្លាំងក្លាលើគ្រប់វិស័យ ពោលគឺ ទំនាក់ទំនងពាណិជ្ជកម្មទ្វេភាគីកាន់តែកើនឡើង ដោយទទួលបាន៣ពាន់លានដុល្លារអាមេរិកក្នុងឆ្នាំ២០១៧ កើន១០ដងក្នុងទសវត្សរ៍កន្លងមកនេះ។

ឧបនាយករដ្ឋមន្ត្រី លោក Pham Binh Minh បានថ្លែងអំណរគុណចំពោះអាហ្សង់ទីន ដែលបានគាំទ្រវៀតណាម ចុះឈ្មោះជាសមាជិកមិនអចិន្ត្រៃយ៍ក្រុមប្រឹក្សាសន្តិសុខ អង្គការសហប្រជាជាតិ អាណត្តិ២០២០-២០២១។ ឧបនាយករដ្ឋមន្ត្រី លោក Pham Binh Minh បានស្នើឲ្យអាហ្សង់ទីន អនុវត្តន៍យ៉ាងឆាប់ៗនូវបែបបទបើកទ្វារទីផ្សារសម្រាប់ផ្លែឈើវៀតណាម ដូចជា គូលេន ស្រកានាគ និងស្វាយជាដើម។

រដ្ឋមន្ត្រី លោក Jorge Faurie បានអះអាងថា អាហ្សង់ទីនចាត់ទុកវៀតណាម ជាដៃគូសំខាន់ក្នុងតំបន់អាស៊ីអាគ្នេយ៍ វាយតម្លៃខ្ពស់ចំពោះតួនាទី ឋានៈរបស់វៀតណាមក្នុងតំបន់និងលើពិភពលោកនិងមានបំណងបង្កើននិងបើកទូលាយថែមទៀត ទំនាក់ទំនង កិច្ចសហប្រតិបត្តិការមិត្តភាពលើគ្រប់វិស័យជាមួយវៀតណាម ជាពិសេស គឺវិស័យសេដ្ឋកិច្ច ពាណិជ្ជកម្ម និងកិច្ចសហប្រតិបត្តិការបច្ចេកទេស បង្កលក្ខណៈងាយស្រួលដើម្បីតភ្ជាប់សហគ្រាសនៃប្រទេសទាំងពីរ។

ទិដ្ឋភាពនៃជំនួបពិភាក្សា (រូបថតៈ VGP/Hai Minh )

ភាគីទាំងពីរបានឯកភាព បន្តរក្សានិងបង្កើនការផ្លាស់ប្តូរគណៈប្រតិភូរបស់ថ្នាក់ដឹកនាំជាន់ខ្ពស់ អនុវត្តន៍ប្រកបដោយជោគជ័យ យន្តការគណៈកម្មការអន្តររដ្ឋាភិបាលនិងយន្តការពិគ្រោះយោបល់នយោបាយថ្នាក់អនុរដ្ឋមន្ត្រី។ រួមជាមួយគ្នានោះ ជម្រុញកិច្ចចរចានិងចុះហត្ថលេខានិងអនុវត្តន៍ប្រកបដោយជោគជ័យ រាល់ឯកសារសហប្រតិបត្តិការទ្វេភាគីសំខាន់ៗ។

ភាគីទាំងពីរបានអះអាង នឹងបន្តរឹតបន្តឹងកិច្ចសហប្រតិបត្តិការនិងគាំទ្រគ្នាទៅវិញទៅមកនៅបណ្តាអង្គការអន្តរជាតិ វេទិកាពហុភាគី។ នៅក្នុងជំនួបនេះ ភាគីទាំងពីរក៏បានផ្លាស់ប្តូរមតិអំពីបញ្ហាមួយចំនួនក្នុងតំបន់និងអន្តរជាតិ ដែលមានការយកចិត្តទុកដាក់ដូចគ្នាក្នុងនោះមានបញ្ហាសមុទ្រខាងកើត៕

（បកប្រែដោយ មិញ អាញ់）

Tags: ឧបនាយករដ្ឋមន្ត្រី រដ្ឋមន្ត្រី ការបរទេស វៀតណាម លោក Pham Binh Minh សាសនា អាហ្សង់ទីន Jorge Faurie

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។