យុគសម័យ - បន្តដំណើរទស្សនកិច្ចការងារនៅខេត្ត Ha Tinh នារសៀលថ្ងៃទី២១ខែកក្កដា នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc បានអញ្ជើញជួបធ្វើការជាមួយគណៈកម្មការប្រតិបត្តិបក្សភាគខេត្ត Ha Tinh។
នាយករដ្ឋមន្ត្រី លោក Nguyen Xuan Phuc អញ្ជើញជួបធ្វើការជាមួយថ្នាក់ដឹកនាំខេត្ត (ប្រភពរូបភាព៖ VGP/Quang Hieu)
អញ្ជើញថ្លែងមតិក្នុងជំនួបនេះ នាយករដ្ឋមន្ត្រី លោក Nguyen Xuan Phuc បានវាយតម្លៃខ្ពស់ចំពោះ ការអភិវឌ្ឍន៍ដ៏ទូលំទូលាយរបស់ខេត្ត ជាពិសេសគឺការយកចិត្តទុកដាក់ក្នុងការកសាងជនបទថ្មីដោយមានវិធីថ្មី រូបសណ្ឋានថ្មីអំពីទីប្រជុំជនគំរូ ហើយក្បាលម៉ាស៊ីនត្រូវបានរៀបចំឡើងវិញពីភូមិទៅដល់ខេត្ត។
យោងតាមនាយករដ្ឋមន្ត្រី សមិទ្ធិសេដ្ឋកិច្ចដែលខេត្តទទួលបាននោះបញ្ជាក់ឲ្យឃើញការរីកចម្រើនរបស់ខេត្ត ដែលមុននេះ Ha Tinh ត្រូវបានគេស្គាល់ដល់ជាតំបន់គ្មានជីជាតិ។ អញ្ជើញចែករំលែកនូវមតិមួយចំនួនជាមួយតំបន់ នាយករដ្ឋមន្ត្រីលោកបានសង្កត់ធ្ងន់ថា បញ្ហាកាត់បន្ថយភាពក្រីក្រ ដើម្បីនាំខេត្ត Ha Tinh ឈានដល់ការអភិវឌ្ឍលើគ្រប់វិស័យជាភារកិច្ចសំខាន់របស់បក្សភាគ រដ្ឋអំណាចនិងប្រជាជនខេត្ត Ha Tinh ក្នុងនោះផ្តោតសំខាន់គឺកសិកម្ម ឧស្សាហកម្មនិងការបំពូល។
(ប្រភពរូបភាព៖ VGP/Quang Hieu)
ខេត្តត្រូវការមានដំណោះស្រាយកាត់បន្ថយភាពក្រីក្រឲ្យបានឆាប់ៗ ជាពិសេស ត្រូវអនុវត្តន៍ឲ្យបានល្អគោលនយោបាយផ្តគ់ផ្គង់សុខុមាលភាពសង្គម បង្កលក្ខណៈងាយស្រួលឲ្យប្រជាជនអភិក្រមដល់វិស័យអប់រំ ដើម្បីពួគគាត់មានឱកាសម្ចាស់ការនឹងអនាគតរបស់ខ្លួន។
ដើម្បីឈានដល់ការអភិវឌ្ឍពេញលេញទាំងសេដ្ឋកិច្ច សង្គមនិងបរិស្ថាន ខេត្តត្រូវផ្តោតសំខាន់លើការរៀបចំផែនការមេ ជាពិសេសរៀបចំនូវផលិតកម្មសំខាន់ៗ។ ក្នុងការអភិវឌ្ឍ ត្រូវធានាវិស័យការពារជាតិ សន្តិសុខ សណ្តាប់ធ្នាប់សុវត្ថភាពសង្គម ដោយបំពេញល្អកិច្ចការសតិអារម្មណ៍ កុំឲ្យកើតមានឡើងបញ្ហាក្តៅគគក។
នាយករដ្ឋមន្ត្រី លោក Nguyen Xuan Phuc អញ្ជើញជាសាក្សីពិធីចុះហត្ថលេខាលើក្របខ័ណ្ឌសហប្រតិបត្តិការយុទ្ធសាស្ត្ររវាងថ្នាក់ដឹកនាំខេត្ត Ha Tinh និងធនាគារពិភពលោក (ប្រភពរូបភាព៖ VGP/Quang Hieu)
នៅក្នុងជំនួបធ្វើការ នាយករដ្ឋមន្ត្រី អញ្ជើញផ្តល់មតិបញ្ជាណែនាំ ដោះស្រាយរាល់សំណើររបស់ខេត្ត Ha Tinh ឈរលើស្មារតីបង្កលក្ខណៈងាយស្រួលបំផុតសម្រាប់ការអភិវឌ្ឍរបស់ខេត្ត។
ក្នុងឱកាសនេះ ក្រោមការធ្វើជាសាក្សីរបស់នាយករដ្ឋមន្ត្រី ថ្នាក់ដឹកនាំខេត្ត Ha Tinh និងធនាគារពិភពលោកចុះហត្ថលេខាលើក្របខ័ណ្ឌសហប្រតិបត្តិការយុទ្ធសាស្ត្រ៕
（យោងតាម chinhphu.vn បកប្រែដោយស្រីពេជ្រ）
មតិពីមិត្តអ្នកអាន