នាថ្ងៃទី ២៨ មករា ឯកអគ្គរដ្ឋទូតវិសាមញ្ញនិងពេញសមត្ថភាពវៀតណាមប្រចាំនៅឥណ្ឌូនេស៊ីលោក Pham Vinh Quang បានអញ្ជើញទៅបំពេញទស្សនកិច្ចការងារនៅខេត្តវបាលី (Bali) ដើម្បីបង្កើនកិច្ចសហប្រតិបត្តិការរវាងវៀតណាមនិងកោះបាលីលើវិស័យនានា ជាពិសេសវិស័យវប្បធម៌និងទេសចរណ៍។
បង្កើនកិច្ចសហប្រតិបត្តិការទេសចរណ៍រវាងវៀតណាមនិងកោះបាលី (ឥណ្ឌូនេស៊ី) (រូបថត៖ (tapchidulich.com)
នៅក្នុងជំនួបជាមួយអភិបាលខេត្តកោះបាលីលោក Wayan Koster ឯកអគ្គរដ្ឋទូត Pham Vinh Quang បានអោយដឹងថាក្នុងរយៈពេលប៉ុន្មានឆ្នាំថ្មីៗនេះកោះបាលី គឺជាគោលដៅទេសចរណ៍គួរឲ្យចាប់អារម្មណ៍សម្រាប់ភ្ញៀវទេសចរ វៀតណាម។ ទន្ទឹមនឹងនេះដែរ ប្រទេសវៀតណាមក៏ជាគោលដៅទេសចរណ៍ដែលទាក់ទាញនៅក្នុងតំបន់ផងដែរ។ បើតាមលោកឯកអគ្គរដ្ឋទូត បានឱ្យដឹងទៀតថាការបើកជើងហោះហើរត្រង់ទៅកាន់កោះបាលីនឹងជួយសន្សំសំចៃពេលវេលានិងថវិកានិងសម្រួលដល់ការពង្រឹងកិច្ចសហប្រតិបត្តិការ ការផ្លាស់ប្តូរទេសចរណ៍ បង្កើនពាណិជ្ជកម្មការវិនិយោគនិងការជួប្រាស្រ័យរវាងប្រជាជននិងប្រជាជននៃប្រទេសទាំងពីរតាមរយៈនោះរួមចំណែកដល់គោលដៅនាំពាណិជ្ជកម្មទ្វេភាគីនៃប្រទេសទាំងពីរឡើងដល់ ១០ ពាន់លានដុល្លារអាមេរិកក្នុងឆ្នាំ ២០២០ ផងដែរ៕
（ប្រភពព័ត៌មាន: vov5）
មតិពីមិត្តអ្នកអាន