យុគសម័យ - ខ្សែភាពយន្តឯកសារមានចំណងជើងថា “Vietnam: Connecting East Africa” នឹងត្រូវបានចាក់ផ្សាយនៅលើប៉ុស្តិ៍ Discovery ជាលើកដំបូង។
ខ្សែភាពយន្តឯកសារមានចំណងជើងថា “Vietnam: Connecting East Africa”
ប៉ុស្តិ៍ Discovery ប្រចាំតំបន់អាស៊ី-ប៉ាស៊ីហ្វិក ទើបនឹងប្រកាសចេញផ្សាយខ្សែភាពយន្តឯកសារមានចំណងជើងថា “Vietnam: Connecting East Africa”។ ខ្សែភាពយន្តឯកសារនេះត្រូវបានដឹកនាំដោយអ្នករកឃើញនិងជាវិស្វករជនជាតិអូស្ត្រាលីដើមកំណើត វៀតណាម លោក Jordan Nguyen។
“Vietnam : Connecting East Africa” ជាខ្សែភាពយន្តឯកសារទី៥ដែលប៉ុស្តិ៍ Discovery ផលិតអំពីវៀតណាម
ខ្សែភាពយន្តឯកសារមានរយៈពេល២៤នាទីនេះ នឹងផ្តល់ជូនអ្នកទស្សនានូវរឿងរ៉ាវមានលក្ខណៈមនុស្សសាស្ត្រមួយនៃការចែករំលែកនិងទស្សនវិស័យដ៏សំខាន់មួយស្តីពីតួនាទីដ៏ធំធេងរបស់វៀត ណាមក្នុងបដិវត្តទូរគមនាគមន៍នៅអាហ្វ្រិកខាងកើត ជាមួយនឹងកម្មវិធីបច្ចេកទេស 3G , 4G ក៏ដូចជាភ្ជាប់បណ្តាប្រទេសជឿនលឿននៅក្នុងពិភពលោកជាមួយគ្នា។ ភាពយន្តឯកសារនេះ នឹងបង្ហាញអំពីដំណាក់កាលផ្សេងៗនៃការអភិវឌ្ឍទូរគមនាគមន៍ ពីការកសាងហេដ្ឋារចនាសម្ព័ន្ធនៅ Tanzania ដល់ការនាំយកសេវាទូរស័ព្ទចល័តទៅកាន់ប្រជាជននៅភូមិឆ្ងាយដាច់ស្រយាលរបស់ Mozambique ។
លោក Vikram អនុប្រធានសម្ព័ន្ធក្រុមហ៊ុន Discovery Networks Asia-Pacific អញ្ជើញសំណេះសំណាលក្នុងសន្និសីទកាសែត
ក្នុងសន្និសីទកាសែតបានប្រព្រឹត្តទៅនាថ្ងៃទី២០ខែធ្នូនៅទីក្រុងហាណូយ លោក Vikram Channa អនុប្រធាននៃបណ្តាញរកឃើញអាស៊ីប៉ាស៊ីហ្វិក Discovery Networks Asia - Pacific (DNAP) បានចែករំលែកថា “ជាធម្មតា អ្នកផលិតខ្សែភាពយន្តអំពីប្រធានបទនេះ គឺតែងតែទៅដល់បណ្តាប្រទេសឈានមុខគេក្នុងវិស័យបច្ចេកវិទ្យាទូរគមនាគមន៍ដូចជាសហរដ្ឋអាមេរិកចិននិងរុស្ស៊ីជា ដើម ប៉ុន្តែសម្រាប់អ្នកផលិតប៉ុស្តិ៍ Discovery វិញ ចង់ឧទ្ទេសនាមជាមួយពិភពលោកអំពីរូបភាពប្រទេសវៀតណាមមួយកំពុងមានការអភិវឌ្ឍយ៉ាងខ្លាំងក្លា។ តាមរយៈ កិច្ចសន្ទនា លោក Jordan នឹងដឹកនាំទស្សនិកជនចូលទៅក្នុងរឿងដ៏គួរឱ្យចាប់អារម្មណ៍អំពីទូរគមនាគមន៍នៅវៀតណាម ទាំងការលំបាករបស់វិស្វករនិងវិធីដែលប្រជាជនវៀតណាមផ្លាស់ប្តូរវិស័យទូរគមនាគមន៍នៅអាហ្វ្រិកខាងកើតតែម្តង”។
លោកស្រី Anna Park Burdin អគ្គនាយិការប៉ូស្តិ៍ Discovery ប្រចាំតំបន់អាស៊ីអាគ្នេយ៍
ចំណែកលោកស្រី Anna Park Burdin អគ្គនាយិការ ប៉ុស្តិ៍ Discovery ប្រចាំតំបន់អាស៊ីអាគ្នេយ៍បានសង្កត់ធ្ងន់ថា “ Discovery បាននិងកំពុងដំណាលជូនទស្សនិកជនពីរឿងគួរឱ្យចាប់អារម្មណ៍នៅអាស៊ីក្នុងរយៈពេលជាង ២០ ឆ្នាំកន្លងទៅ។ ហើយយើងខ្ញុំនៅបន្តកិច្ចខិតខំប្រឹងប្រែងរបស់ខ្លួន ក្នុងការវិនិយោគនិងផលិតនូវខ្សែភាពយន្តមានសាច់រឿងល្អបំផុត សម្រាប់បពេញតម្រូវការកំសាន្ត ក៏ដូចជាផ្តល់ព័ត៌មានជូនដល់ទស្សនិកជន។ ខ្សែភាពយន្តឯកសារនេះ ជាការខិតខំប្រឹងប្រែងរបស់យើងខ្ញុំដើម្បីលើកតម្កើងភាពវៃឆ្លាតនិងប៉ិនប្រសពរបស់ប្រជាជនវៀតណាម តាមរយៈកិច្ចខិតខំប្រឹងប្រែងនៃការអភិវឌ្ឍឧស្សាហកម្មទូរគមនាគមន៍និងវិធីសាស្ត្រដែលផ្នែកឧស្សា ហកម្មនេះកំពុងអភិវឌ្ឍន៍នៅបណ្តាប្រទេសជឿនលឿនទូទាំងពិភពលោក”។
សូមគូសបញ្ជាក់ថា “Vietnam : Connecting East Africa” ជាខ្សែភាពយន្តឯកសារទី៥ដែលប៉ុស្តិ៍ Discovery ផលិតអំពីវៀតណាម។ ក្រៅពីនោះមានខ្សែភាពយន្តផ្សេងៗទៀតដែលមានឈ្មោះថា Jam Busters, Mr. Long’s travelling cinema, A thousand year Hanoi, Digging up the dead គឺសុទ្ធតែបានចាក់ផ្សាយលើទូទាំងទ្វីបអាស៊ីផងដែរ។
ខ្សែភាពយន្តនេះនឹងចាក់ផ្សាយនៅលើប៉ុស្តិ៍ Discovery East Africa នៅថ្ងៃទី ២៧ ខែធ្នូហើយនឹងត្រូវចាក់ផ្សាយឡើងវិញនៅលើ Discovery Southeast Asia នៅថ្ងៃទី ៣០ ខែធ្នូ៕
（យោងតាម vov.vn ប្រែសម្រួលដោយស្រីពេជ្រ）
មតិពីមិត្តអ្នកអាន