យុគសម័យ - នារសៀលថ្ងៃទី១២ ខែមិថុនា នៅរាជធានីភ្នំពេញ រដ្ឋសភាកម្ពុជាបានប្រារព្ធពិធីប្រគល់អគាររដ្ឋបាលថ្មីដែលឧបត្ថម្ភដោយប្រទេសវៀតណាម ដែលជានិមិត្តរូបនៃសាមគ្គីភាព និងមិត្តភាពដ៏ថ្លៃថ្លារវាងប្រទេសជិតខាងទាំងពីរ។
| «ដំណើរមួយ ទិសដៅបី» កម្ពុជា-វៀតណាម-ឡាវ៖ ផ្សព្វផ្សាយដើម្បីទាក់ទាញអតិថិជន កម្ពុជា-វៀតណាមពង្រឹងកិច្ចសហប្រតិបត្តិការលើវិស័យពាណិជ្ជកម្មអេឡិចត្រូនិក និងសេដ្ឋកិច្ចឌីជីថល |
នារសៀលថ្ងៃទី ១២ ខែមិថុនា នៅរាជធានីភ្នំពេញ រដ្ឋសភាកម្ពុជាបានប្រារព្ធពិធីប្រគល់អគាររដ្ឋបាលថ្មីដែលឧបត្ថម្ភដោយប្រទេសវៀតណាម ដែលជានិមិត្តរូបនៃសាមគ្គីភាព និងមិត្តភាពដ៏ថ្លៃថ្លារវាងប្រទេសជិតខាងទាំងពីរ។
ពិធីប្រគល់អគាររដ្ឋបាលថ្មីនៃរដ្ឋសភាកម្ពុជាបានប្រព្រឹត្តទៅយ៉ាងឱឡារិកក្រោមអធិបតីភាពលោក ឡេង ប៉េងឡុង អគ្គលេខាធិការរដ្ឋសភាកម្ពុជា។ ឯកអគ្គរដ្ឋទូតវៀតណាមប្រចាំនៅកម្ពុជា លោក Nguyen Minh Vu បានអញ្ជើញចូលរួមក្នុងពិធីនេះ រួមជាមួយនឹងតំណាងក្រសួង ស្ថាប័នពាក់ព័ន្ធ ព្រមទាំងអង្គភាពប្រឹក្សាយោបល់ ដែលត្រួតពិនិត្យ និងសាងសង់គម្រោងនេះ។
 |
| ផ្លាកឈ្មោះនៃអគាររដ្ឋបាលនៃរដ្ឋសភានៃព្រះរាជាណាចក្រកម្ពុជា។ |
ថ្លែងក្នុងពិធីនេះ អគ្គលេខាធិការរដ្ឋសភាកម្ពុជា លោក ឡេង ប៉េងឡុង បានមានប្រសាសន៍ថា អគាររដ្ឋបាលត្រូវបានប្រគល់ និងដាក់ឱ្យដំណើរការជាផ្លូវការជាអំណោយដ៏មានអត្ថន័យ បង្ហាញពីការស្រលាញ់របស់បក្ស រដ្ឋ និងប្រជាជនវៀតណាមចំពោះរដ្ឋ និងប្រជាជនកម្ពុជា។
បើតាមលោក នេះជាសកម្មភាពមួយក្នុងចំណោមសកម្មភាពជាច្រើន ដែលវៀតណាមបានធ្វើសម្រាប់កម្ពុជា ដោយឈរលើស្មារតីមិត្តភាព និងសាមគ្គីភាព ជាពិសេសគោលការណ៍គោរពឯករាជ្យ អធិបតេយ្យភាព បូរណភាពទឹកដី និងអ្នកជិតខាងល្អ និងការគាំទ្រគ្នាទៅវិញទៅមកជាប្រចាំរវាងប្រទេសជិតខាងទាំងពីរកម្ពុជា និងវៀតណាម។ លោកបានសង្កត់ធ្ងន់ថា៖ "នោះគឺជាចំណងមិត្តភាពដ៏ថ្លៃថ្នូ និងមិនអាចកាត់ថ្លៃបាន"។
បន្ថែមពីលើការពិនិត្យមើលវឌ្ឍនភាពនៃការសាងសង់គម្រោងដែលបានប្រគល់នាពេលនេះ អគ្គលេខាធិការរដ្ឋសភាកម្ពុជា ក៏បានចែករំលែកនូវអារម្មណ៍ផ្ទាល់ខ្លួន ដែលជាសាក្សីរស់នៃទំនាក់ទំនងមិត្តភាពកម្ពុជា-វៀតណាម ក្នុងដំណើរការប្រវត្តិសាស្ត្រផងដែរ។ ក្នុងការចងចាំរបស់គាត់ នៅក្រោមសម័យអាណានិគមបារាំង ប្រជាជនទាំងពីរកម្ពុជា និងវៀតណាមបានរួបរួមគ្នាប្រយុទ្ធ និងរំដោះប្រទេសចេញពីអាណានិគមនិយម។
បន្ទាប់មក ប្រទេសទាំងពីរបានបន្តរួបរួមគ្នាក្នុងការតស៊ូបណ្តេញពួកចក្រពត្តិនិយមឈ្លានពាន ឆ្ពោះទៅការបង្រួបបង្រួមវៀតណាមនៅឆ្នាំ១៩៧៥។នៅពេលដែលកម្ពុជាកំពុងប្រឈមមុខនឹងហានិភ័យនៃការបំផ្លិចបំផ្លាញក្រោមរបបប្រល័យពូជសាសន៍ប៉ុលពត វៀតណាមបានមកជួយកម្ពុជារស់ឡើងវិញ គាំទ្រការកសាងប្រព័ន្ធរដ្ឋបាល និងយោធា ប្រកបដោយប្រសិទ្ធភាពការពារខ្លួនរហូតមកដល់សព្វថ្ងៃនេះ។
 |
| អគាររដ្ឋបាលថ្មីកម្ពស់១២ជាន់នៃរដ្ឋសភាកម្ពុជាមានទុនវិនិយោគសរុប២៥លានដុល្លារអាមេរិកជាថវិកាឧបត្ថម្ភដោយប្រទេសវៀតណាម។ |
ពីការចងចាំជាប្រវត្តិសាស្ត្រនោះ លោក ឡេង ប៉េងឡុង ជឿជាក់ថា ការសាងសង់អគាររដ្ឋបាល ដែលជាអំណោយរបស់បក្ស រដ្ឋ និងប្រជាជនវៀតណាម ជូនរដ្ឋ និងប្រជាជនកម្ពុជា គឺជាគំរូនៃកិច្ចសហប្រតិបត្តិការដែលបង្ហាញពីការប្តេជ្ញាចិត្តក្នុងការពង្រឹងទំនាក់ទំនងមិត្តភាពពិសេសរវាងប្រជាជាតិជិតខាងជិតស្និទ្ធទាំងពីរ។ បើតាមលោក មិត្តភាពគឺជាតម្រូវការរបស់ប្រទេសជិតខាងទាំងពីរ ដែលត្រូវតែរួមគ្នាឆ្ពោះទៅរកសន្តិភាព និងការអភិវឌ្ឍន៍របស់ប្រទេសជាតិ និងប្រជាជននីមួយៗ។
ក្នុងក្របខ័ណ្ឌនៃព្រឹត្តិការណ៍នេះ ឯកអគ្គរដ្ឋទូតវៀតណាមប្រចាំនៅកម្ពុជា លោក Nguyen Minh Vu បានធ្វើពិធីប្រគល់អគាររដ្ឋបាលថ្មីនៃរដ្ឋសភាកម្ពុជាជូនលោកអគ្គលេខាធិការ ឡេង ប៉េងឡុង។
គម្រោងនេះមានទុនវិនិយោគសរុប ២៥លានដុល្លារអាមេរិក មានកម្ពស់ ១២ជាន់ រចនាតាមរចនាបថស្ថាបត្យកម្មខ្មែរ មានប្រព័ន្ធបរិក្ខារទំនើប ចូលរួមចំណែកបម្រើការងាររដ្ឋបាលរបស់រដ្ឋសភាកម្ពុជា ប្រកបដោយប្រសិទ្ធភាព មានការិយាល័យលេខាធិការដ្ឋាន គណៈកម្មាធិការជំនាញនៃរដ្ឋសភា...
| អគាររដ្ឋបាលថ្មីនៃរដ្ឋសភាកម្ពុជាបានចាប់ផ្តើមនៅចុងឆ្នាំ ២០២១ ហើយត្រូវបានសម្ពោធនៅថ្ងៃទី ២១ ខែវិច្ឆិកា ឆ្នាំ ២០២៤ ក្រោមអធិបតីភាពសម្តេច ឃួន សុដារី ប្រធានរដ្ឋសភាកម្ពុជា និងប្រធានរដ្ឋសភាវៀតណាម លោក Tran Thanh Man៕ |
 សម្តេចកិត្តិសង្គហបណ្ឌិត ម៉ែន សំអន ប្រធានសមាគមមិត្តភាពកម្ពុជា-វៀតណាម អបអរសាទរទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម នាឱកាសទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម សម្តេចកិត្តិសង្គហបណ្ឌិត ម៉ែន សំអន ប្រធានសមាគមមិត្តភាពកម្ពុជា-វៀតណាម បានអញ្ជើញផ្ញើសារអបអរសាទរចំពោះ លោកជំទាវ Nguyen Thi Thanh ប្រធានសមាគមមិត្តភាពវៀតណាម - កម្ពុជា។ ទស្សនាវដ្ដីយុគសម័យសូមផ្ញើខ្លឹមសារលិខិតជូនមិត្តអ្នកអាន។ |
 វៀតណាមប្រកាសបើកច្រកទ្វារព្រំដែនអន្តរជាតិផ្លូវគោក និងផ្លូវទឹកកម្ពុជា-វៀតណាម (វិញសឿង-ក្អមសំណ) ដាក់ឱ្យដំណើរការជាផ្លូវការ នាព្រឹកថ្ងៃទី២៣ ខែកុម្ភៈ គណៈកម្មាធិការប្រជាជនខេត្ត An Giang វៀតណាម បានសម្របសម្រួលជាមួយរដ្ឋបាលខេត្តកណ្ដាលរៀបចំពិធីប្រកាសដាក់ឱ្យដំណើរការជាផ្លូវការច្រកទ្វារព្រំដែនអន្តរជាតិផ្លូវគោក ផ្លូវទឹកវៀតណាម (Vinh Xuong) វិញសឿង និងបញ្ចូលតែមួយជាមួយច្រកទ្វារព្រំដែនអន្តរជាតិផ្លូវគោក វិញ សឿងរបស់វៀតណាមទៅជាច្រកទ្វារព្រំដែនអន្តរជាតិផ្លូវគោក និងផ្លូវទឹកក្អមសំណ-វិញសឿង នៃប្រទេសទាំងពីរ ។ |
មតិពីមិត្តអ្នកអាន