អ្នកជំនាញកម្ពុជាលើកឡើងពីតួនាទីរបស់វៀតណាមក្នុងនិម្មាបនកម្មតំបន់

អ្នកជំនាញកម្ពុជាលើកឡើងពីតួនាទីរបស់វៀតណាមក្នុងនិម្មាបនកម្មតំបន់

ក្នុងបរិបទនៃស្ថានភាពពិភពលោកវិវឌ្ឍដ៏ស្មុគស្មាញ និងមិនអាចទាយទុកជាមុនបាន វៀតណាមបន្តបញ្ជាក់ពីតួនាទីជាមជ្ឈភាពរបស់សមាគមប្រជាជាតិអាស៊ីអាគ្នេយ៍ (អាស៊ាន) ក្នុងនិម្មាបនកម្មតំបន់ តួនាទីយ៉ាងសកម្ម និងការទទួលខុសត្រូវរបស់ខ្លួនក្នុងបញ្ហាតំបន់ និងអន្តរជាតិ បន្ទាប់ពីជិត ៣០ ឆ្នាំនៃការចូលជាសមាជិកអង្គការតំបន់នេះ។

ចែករំលែកជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាមនៅទីក្រុងភ្នំពេញ លោក អ៊ុច លាង ប្រធានស្តីទី នាយកដ្ឋានសិក្សាអាស៊ី អាហ្វ្រិក និងមជ្ឈិមបូព៌ា នៃវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា (RAC) បានមានប្រសាសន៍ថា វៀតណាមដើរតួនាទីល្អណាស់ក្នុងការរក្សាស្ថិរភាព និរន្តរភាព និងការអភិវឌ្ឍនៅក្នុងអាស៊ាន។

អ្នកជំនាញ RAC រូបនេះ បានលើកឡើងថា នៅចុងខែមីនាកន្លងទៅនេះ វៀតណាមបានផ្តល់ជំនួយសង្គ្រោះបន្ទាន់ និងបញ្ជូនកងកម្លាំងជួយសង្គ្រោះភ្លាមៗ ដើម្បីបំពេញបេសកកម្មមនុស្សធម៌ បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា ដែលជាប្រទេសសមាជិកអាស៊ាន។ ក្នុងទំនាក់ទំនងជាមួយកម្ពុជា វៀតណាមតែងតែរក្សាទំនាក់ទំនង «ភាពជាអ្នកជិតខាងល្អ មិត្តភាពជាប្រពៃណី និងស្ថិរភាពយូរអង្វែង» រវាងប្រទេសទាំងពីរ។

យោងតាមអ្នកជំនាញ អ៊ុច លាង ក្នុងបរិបទនៃភាពតានតឹងនាពេលបច្ចុប្បន្ន ទាក់ទងនឹងបញ្ហាព្រំដែនកម្ពុជា-ថៃ បន្ទាប់ពីការបាញ់ផ្លោងកាំភ្លើងកាលពីថ្ងៃទី២៨ ខែឧសភា វៀតណាមបានអំពាវនាវឱ្យភាគីទាំងពីរខិតខំប្រឹងប្រែងដោះស្រាយបញ្ហាដោយសន្តិវិធី តាមរយៈការចរចា។ ជាក់ស្តែង ក្នុងសេចក្តីថ្លែងការណ៍នាថ្ងៃទី ២៩ ខែឧសភា អ្នកនាំពាក្យក្រសួងការបរទេសវៀតណាមបានសម្តែងនូវការជឿជាក់ថា រាល់ការខ្វែងគំនិតគ្នានឹងត្រូវបានដោះស្រាយដោយភាគីនានាតាមរយៈការសន្ទនា និងដោយសន្តិវិធី ស្របតាមកិច្ចព្រមព្រៀងនៃប្រទេសទាំងពីរ ស្មារតីសាមគ្គីភាពអាស៊ាន និងច្បាប់អន្តរជាតិ។ អ្នកជំនាញកម្ពុជាបានសង្កត់ធ្ងន់ថា៖ «ប្រការនេះបង្ហាញជាថ្មីម្តងទៀតនូវស្មារតីសកម្ម វិជ្ជមាន និងការទទួលខុសត្រូវរបស់វៀតណាមចំពោះអាស៊ាននិយាយដោយឡែក ក៏ដូចជាបញ្ហាតំបន់ និងអន្តរជាតិនិយាយរួម»។

ក្នុងបទសម្ភាសន៍ជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាមនៅទីក្រុងភ្នំពេញនាពេលថ្មីៗនេះ លោកបណ្ឌិត Kao Kim Hourn អគ្គលេខាធិការអាស៊ានបានមានប្រសាសន៍ថា វៀតណាមគឺជាផ្នែកមួយដ៏សំខាន់ក្នុងវិស័យនយោបាយ ការបរទេស សន្តិសុខ សេដ្ឋកិច្ច វប្បធម៌ និងសង្គម។ យោងតាមលោក ការចូលរួមរបស់វៀតណាមបានជួយអាស៊ានបង្កើនភាពរឹងមាំ ភាពធន់ និងការស្វាហាប់ថែមទៀត។

ចែករំលែកទស្សនៈខាងលើ លោក ពុយ គា ប្រធានក្លិបអ្នកកាសែតកម្ពុជា (CCJ) បានសង្កត់ធ្ងន់ថា ក្នុងចំណោមប្រទេសសមាជិកអាស៊ានទាំង១០ វៀតណាមគឺជាប្រទេសដែលមានប្រជាជនច្រើនជាងគេលំដាប់ទី៣ បន្ទាប់ពីឥណ្ឌូនេស៊ី និងហ្វីលីពីន។ បន្ទាប់មក លោកបានកត់សម្គាល់ថា វៀតណាមជាប្រទេសដែលមានប្រវត្តិសាស្ត្រយូរលង់ដែលទាក់ទងនឹងភូមិសាស្ត្រនយោបាយក្នុងតំបន់ និងការតស៊ូប្រឆាំងនឹងមហាអំណាចមួយចំនួន ហើយក៏ជាប្រទេសជិតខាងរបស់ចិនផងដែរ។

តាមទស្សនៈនោះ ប្រធាន CCJ បានអះអាងថា ក្នុងបរិបទនៃស្ថានការណ៍ពិភពលោកបច្ចុប្បន្ន ប្រទេសធំៗកំពុងមានបញ្ហាជាមួយគ្នា ខណៈដែលក្នុងអាស៊ាន វៀតណាមស្ថិតក្នុងទីតាំងភូមិសាស្ត្រនយោបាយដ៏សំខាន់បំផុត ដែលទាំងអាមេរិក និងចិនសុទ្ធតែសម្តែងការចាប់អារម្មណ៍។ ដូច្នេះ វៀតណាមមានសំឡេងដ៏សំខាន់ក្នុងក្របខ័ណ្ឌអាស៊ាន ជាពិសេសលើវិស័យសេដ្ឋកិច្ច នយោបាយ និងលើបញ្ហាជាច្រើនទៀត។

ស្តីពីកិច្ចការផ្ទៃក្នុងរបស់អាស៊ាន អ្នកសារព័ត៌មានកម្ពុជាជើងចាស់រូបនេះបានកត់សម្គាល់ថា គោលការណ៍ឯកច្ឆន្ទ ការសម្រេចចិត្តណាមួយដែលត្រូវបានអនុម័តដោយអង្គការតំបន់នេះ ទាមទារឱ្យមានការឯកភាពពីប្រទេសសមាជិកទាំង១០។ យោងតាមលោក វៀតណាម និងប្រទេសដទៃទៀតសុទ្ធតែមានតួនាទីសំខាន់ ប៉ុន្តែ នាពេលថ្មីៗនេះ មេដឹកនាំប្រទេសធំៗលើពិភពលោក ដូចជា អាមេរិក ចិន បារាំង និងរុស្ស៊ី... បានមកបំពេញទស្សនកិច្ចនៅវៀតណាមជាបន្តបន្ទាប់។

អ្នកវិភាគ ពុយ គា បានបញ្ជាក់ថា៖ “ការយកចិត្តទុកដាក់ចំពោះវៀតណាម រួមទាំងអាស៊ាន មានអត្ថន័យបំពេញបន្ថែមគ្នាទៅវិញទៅមក។ ក្រៅពីនេះ អាស៊ានក៏មានទំនាក់ទំនងសហប្រតិបត្តិការជាមួយប្រទេសកំពុងអភិវឌ្ឍន៍ ឬបណ្តាប្រទេសក្នុងទ្វីប រួមទាំងកម្ពុជា និងឡាវ។ វាមានសារៈសំខាន់បំពេញបន្ថែមសម្រាប់តំបន់ទាំងមូល”៕

ពិធីដង្ហែ និងប្រគល់អដ្ឋិធាតុយុទ្ធជនពលីដែលបានស្លាប់ក្នុងសម័យសង្រ្គាមនៅកម្ពុជាត្រឡប់ទៅប្រទេសវិញ យុគសម័យ - នៅព្រឹកថ្ងៃទី៩ ខែឧសភា នៅក្រុងបានលុង ខេត្តរតនគិរី (ព្រះរាជាណាចក្រកម្ពុជា) រដ្ឋាភិបាល ប្រជាជន និងកងកម្លាំងប្រដាប់អាវុធខេត្តរតនគិរី បានរៀបចំពិធីដ៏ឧឡារិកសម្រាប់ដង្ហែ និងប្រគល់អដ្ឋិធាតុចំនួន១០ របស់ទាហានស្ម័គ្រចិត្ត និងអ្នកជំនាញវៀតណាម ដែលបានពលីជីវិតក្នុងសម័យសង្រ្គាមនៅកម្ពុជា ត្រឡប់ទៅប្រទេសវិញ។ ពិធីនេះមានការអញ្ជើញចូលរួមពីសមមិត្ត Y Ngoc អនុប្រធានអចិន្ត្រៃយ៍នៃគណៈកម្មាធិការប្រជាជនខេត្ត ប្រធានគណៈកម្មាធិការដឹកនាំ ៥១៥ ខេត្តគនទុំ; លោក Ma ...

សម្ព័ន្ធអង្គការមិត្តភាពខេត្ត Binh Duong ប្រារព្ធពិធីចូលឆ្នាំថ្មីប្រពៃណីជាតិ និងផ្តល់អំណោយដល់និស្សិតឡាវ និងកម្ពុជា នារសៀលថ្ងៃទី ១១ ខែមេសា បញ្ជាការដ្ឋានយោធាខេត្ត Binh Duong ប្រទេសវៀតណាម បានសម្របសម្រួលជាមួយសាលានាយទាហានវិស្វកម្ម និងសម្ព័ន្ធអង្គការមិត្តភាពខេត្ត ទៅជូនពរឆ្នាំថ្មី និងជូនអំណោយដល់សិក្ខាកាមនៃកងទ័ពប្រជាជនឡាវ និងកងយោធពលខេមរភូមិន្ទចំនួន ១០១ នាក់ ក្នុងឱកាសបុណ្យចូលឆ្នាំថ្មីប្រពៃណីជាតិនៃប្រទេសកម្ពុជា និងប្រទេសឡាវ ។

ឌឹកអាញ់