យុគសម័យ - នាថ្ងៃទី២៥ខែមិថុនាឆ្នាំ២០១៨ កម្ពុជាបានបើកសម្ពោធដាក់ឲ្យប្រើប្រាស់កំពង់ផែទឹកជ្រៅនៃកំពង់ផែក្រុង Sihanoukville។
រូបថតៈ mekong-post.com
កំពង់ផែនេះត្រូវបាន កសាងនៅកំពង់ផែក្រុងព្រះសីហនុ ដែល គិតជាទឹកប្រាក់ប្រមាណ ៧៤លានដុល្លារអាមេរិក។ កំពង់ផែនេះត្រូវបានបង្កើតឡើងក្នុងគោលបំណងដើម្បីបំរើ និងឆ្លើយតបទៅនឹងកំណើនសេដ្ឋកិច្ចជាតិ ព្រមទាំងឆ្លងកាត់ទំនិញដែលកើនឡើងកាន់តែច្រើនឡើងពីមួយឆ្នាំទៅមួយឆ្នាំឥតឈប់ឈរ។
ចំណតផែនេះ ដែលសម្ពោធដាក់ឲ្យប្រើប្រាស់ រួមមាន ចំណតផែទំនិញរាយប្រវែង៣៣០ ម៉ែត្រជម្រៅទឹក១៣.៥ម៉ែត្រ, ចំណតផែមូលដ្ឋានផ្គត់ផ្គង់ភស្តុភារ សម្រាប់ការរុករកប្រេងប្រវែង២០០ម៉ែត្រ ជម្រៅទឹក៧.៥ម៉ែត្រ និងការផ្គត់ផ្គង់នាវាសណ្តោង (Tugboat) ក្រោមហិរញ្ញប្បទានសម្បទាន មានទឹកប្រាក់សរុបចំនួនប្រមាណ៧៤លានដុល្លារពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការ អន្តរជាតិជប៉ុន (JICA)៕
（សរុបព័ត៌មាន ដោយ ស្រីព្រេជ）
