ក្នុងរយៈពេលពេញមួយឆ្នាំ២០២០ កម្ពុជាបាននាំចេញផលិតផលជលផល ចំនួន ៣, ៥៩០តោន គិតជាទឹកប្រាក់មានចំនួន ៨,៣៣៤,០០០ ដុល្លារអាមេរិក។ នេះបើតាមរបាយការណ៍ការនាំចេញផលិតកម្មកសិកម្ម ក្នុងឆ្នាំ២០២០ ដែលផ្សព្វផ្សាយដោយ លោក វេង សាខុន រដ្ឋមន្ត្រីក្រសួងកសិកម្ម។
រូបភាពពីហ្វេសប៊ុកលោក វេង សាខុន
តាមរបាយការណ៍ដដែល នៅក្នុងឆ្នាំ២០២០កន្លងទៅនេះ កម្ពុជាផលិតបានផលិតផលជលផលចំនួន ៩៣៦,៣០០ តោនក្នុងនោះមានផលិតផលទឹកសាប ជាង៤១ម៉ឺនផលិតផលសមុទ្រ ជាង១២ម៉ឺនតោន និងផលវារីវប្បកម្មជាង ៤០ម៉ឺនតោន។ កម្ពុជា កំពុងជម្រុញបង្កើនការនាំចេញ ផលិតផលផ្នែកជលផលសមុទ្រ ចំនួន ៤មុខ រួមមានផលិតកម្មទឹកត្រី បង្គាក្រៀម បង្គាបង្កក នឹងសាច់ក្តាមបង្កក។
តម្លៃសរុបនៃផលិតផលនេសាទ មានចំនួន១,៨៧២.៦លានដុល្លារ ក្នុងនោះ តម្លៃនៃផលិតផលទឹកសាប និងសមុទ្រ មានចំនួន ១,០៧១. ៨លាន ដុល្លារ និងតម្លៃសរុបនៃផលិតផលវារីវប្បកម្ម ចំនួន ៨០០.៨លានដុល្លារ។ នេះបើតាមរបាយការណ៍ដដែល។
ក្រៅពីផលិតផលជលផល ក្នុងវិបត្តិកូវីដ-១៩ កម្ពុជាក៏បាននាំចេញ ផលិតកម្មសត្វ រួមមានគោក្របី ជ្រូក បក្សី និងស៊ុតមាន់ទា មានតម្លៃសរុប ជាង ១,៨ពាន់លានដុល្លារ ខណៈនាំចេញក្នុងផ្នែកនេះ មានទឹកប្រាក់ជាង ៦១,៣លានដុល្លារផងដែរ./.
（បូកសរុបដោយឌីណា）
（ប្រភពព័ត៌មាន: postnews.com.kh , thmeythmey.com）
មតិពីមិត្តអ្នកអាន