រយៈពេល៥ខែ ឆ្នាំ២០២០នេះ កម្ពុជាបាននាំចេញពោតក្រហម ទៅកាន់ប្រទេសក្នុងតំបន់ និងក្រៅតំបន់អាស៊ី ចំនួន ៣៥,៦៣៦ តោន ថយចុះ២៩,៦៨% បើធៀបនឹងរយៈពេល៥ខែឆ្នាំ២០១៩។
រូបភាពពី ហ្វេសប៊ុកលោក វេង សាខន រដ្ឋមន្រ្តីក្រសួងកសិកម្ម។
បើតាមហ្វេសប៊ុកផ្ទាល់របស់លោក វេង សាខុន រដ្ឋមន្ត្រីក្រសួងកសិកម្ម ត្បិតតែការនាំចេញពោតក្រហមមានការធ្លាក់ចុះក៏ពិតមែន ប៉ុន្តែការផលិតពោតក្រហមរបស់កសិករ ក្នុងរយៈពេលបួនឆ្នាំចុងក្រោយនេះ មានការកើនឡើង។ ដោយឆ្នាំ២០១៦ មានចំនួន ៣៣៣,០៥៨ តោន, ឆ្នាំ២០១៧ ចំនួន ៥៩៦,១១២, ឆ្នាំ២០១៨ ចំនួន១,០៦៣,៦៧៧ តោន និងឆ្នាំ២០១៨ ចំនួន ១១៤,៩៥៦ តោន។
ទន្ទឹមនឹងនេះ ការផលិតពោតក្រហម របស់កសិករកម្ពុជា មានការកើនឡើងជាលំដាប់ ក្នុងរយៈពេល៤ឆ្នាំកន្លងទៅនេះ គឺសម្រេចបាន ១ ១១៤ ៩៥៦ តោន នៅឆ្នាំ២០១៩, សម្រេចបាន ១ ០៦៣ ៦៧៧ តោន នៅឆ្នាំ២០១៨, សម្រេចបាន ៥៩៦ ១១២ តោន នៅឆ្នាំ២០១៧ និង ៣៣៣ ០៥៨ តោន នៅឆ្នាំ២០១៦ ។
លទ្ធផលខាងលើ បានបង្ហាញនូវក្តីមោទនៈភាពជាតិ និង ជាការពេញចិត្ត សម្រាប់ ប្រជាជន និងរាជរដ្ឋាភិបាលទៅវិញ បើទោះបីបានឃើញ តួលេខនាំចេញ ពោតក្រហមមាន ការថយចុះក្នុងរយៈពេលមួយនេះ ព្រោះប្រាកដបរិមាណពោតក្រហម ដែលសល់ពីការនាំចេញ យ៉ាងច្រើនសន្ធឹកសន្ធាប់ បានដឹកចូលទៅកាន់រោងចក្រ កែឆ្នៃចំណី សត្វក្នុងស្រុក ស្របតាមគោលនយោបាយ របស់ប្រមុខរាជរដ្ឋាភិបាលកម្ពុជា ។
រដ្ឋមន្ត្រីក្រសួងកសិកម្ម បានបញ្ជាក់ថា បរិមាណពោតក្រហមដែលសេសសល់ពីការនាំចេញនោះ បាននាំចូលទៅកាន់រោងចក្រកែឆ្នៃចំណីសត្វក្នុងស្រុក ដើម្បីជំរុញការកែច្នៃផលិតផលកសិកម្ម និងបង្កើនការចិញ្ចឹមសត្វក្នុងស្រុក៕
មតិពីមិត្តអ្នកអាន