ទោះបីស្ថិតនៅឆ្ងាយពីស្រុកកំណើត និស្សិតកម្ពុជានៅតែបានអបអរសាទរបុណ្យចូលឆ្នាំប្រពៃណីដ៏កក់ក្តៅ ក្នុងបរិយាកាសនៃមិត្តភាព ការយកចិត្តទុកដាក់ និងសេចក្តីស្រឡាញ់ពីអាជ្ញាធរទីក្រុងហូជីមិញ និងយុវជនទីក្រុងហូជីមិញ។
| ជំរុញកិច្ចសហប្រតិបត្តិការការពារជាតិ វៀតណាម - កម្ពុជា ក្នុងឱកាសបុណ្យចូលឆ្នាំថ្មី វៀតណាម៖ សិក្ខាសាលាវិទ្យាសាស្ត្រ «ពង្រឹងចំណងសាមគ្គីភាពនៃប្រទេសទាំងបី វៀតណាម - ឡាវ - កម្ពុជា ក្នុងស្ថានភាពថ្មី» |
 |
| និស្សិតកម្ពុជាអបអរសាទរបុណ្យចូលឆ្នាំប្រពៃណីនៅលើទឹកដីវៀតណាម |
កាលពីពេលថ្មីៗនេះ សមាគមមិត្តភាពវៀតណាម-កម្ពុជា និងសមាគមមិត្តភាពវៀតណាម-ឡាវ នៃទីក្រុងហូជីមិញ បានសហការជាមួយអាជ្ញាធរ និងអង្គការសង្គមនានានៃសង្កាត់ទី១១ ខណ្ឌភូញ៉ាន រៀបចំពិធីបុណ្យចូលឆ្នាំប្រពៃណីកម្ពុជាឆ្នាំ ២០២៥។ សកម្មភាពនេះជា “អំណោយ” ដ៏កក់ក្តៅមួយ ឧទ្ទិសជូននិស្សិតនៃប្រទេសជាបងប្អូនទាំងពីរ ដែលកំពុងសិក្សា និងរស់នៅក្នុងទីក្រុងហូជីមិញ។
ថ្លែងក្នុងកម្មវិធីនេះ ឯកឧត្តម Ho Xuan Lam អនុប្រធាន និងជាអគ្គលេខាធិការនៃសហព័ន្ធអង្គការមិត្តភាពទីក្រុងហូជីមិញ និងជាអនុប្រធានសមាគមមិត្តភាពវៀតណាម-ឡាវ បានមានប្រសាសន៍ថា ពិធីបុណ្យនេះមានគោលបំណងជួយឱ្យនិស្សិតឡាវ និងកម្ពុជា អាចរីករាយនឹងបរិយាកាសបុណ្យចូលឆ្នាំដ៏កក់ក្តៅរបស់ស្រុកកំណើត នៅលើទឹកដីទីក្រុងហូជីមិញ ដែលជា “ផ្ទះទីពីរ” ដ៏ទំនើប និងប្រកបដោយមនុស្សធម៌។
យោងតាមឯកឧត្តម Ho Xuan Lam ក្នុងរយៈពេលប៉ុន្មានឆ្នាំកន្លងមក កម្មវិធី “គ្រួសារវៀតណាមជាមួយនិស្សិតឡាវ និងកម្ពុជាដែលកំពុងសិក្សានៅទីក្រុងហូជីមិញ” បានជួយឱ្យនិស្សិតដែលសិក្សាឆ្ងាយពីស្រុកកំណើតទទួលបានភាពកក់ក្តៅ និងសេចក្តីស្រឡាញ់ដូចជាសមាជិកគ្រួសារ ដែលបានផ្តល់កម្លាំងចិត្តដល់ពួកគេក្នុងការខិតខំសិក្សាដើម្បីទទួលបានលទ្ធផលល្អ ព្រមទាំងជំរុញឱ្យមានសេចក្តីស្រឡាញ់ និងចំណងមិត្តភាពរវាងយុវជនឡាវ កម្ពុជា និងប្រជាជនទីក្រុងហូជីមិញ។
“តាមរយៈកម្មវិធីនេះ ជាមួយនឹងសកម្មភាពដ៏មានអត្ថន័យ ចំណងមិត្តភាពប្រពៃណី សាមគ្គីភាពពិសេស និងភក្តីភាពដ៏បរិសុទ្ធរវាងប្រទេសទាំងបី គឺវៀតណាម ឡាវ និងកម្ពុជា កាន់តែបានរឹងមាំ និងស្និទ្ធស្នាល” ឯកឧត្តម Ho Xuan Lam បានបញ្ជាក់៕
 ជំរុញកិច្ចសហប្រតិបត្តិការការពារជាតិ វៀតណាម - កម្ពុជា ក្នុងឱកាសបុណ្យចូលឆ្នាំថ្មី នាថ្ងៃទី ១ មេសា គណៈប្រតិភូស្ថានទូតវៀតណាមប្រចាំនៅកម្ពុជា ដឹកនាំដោយលោកឯកអគ្គរដ្ឋទូត Nguyen Minh Vu បានអញ្ជើញចូលជួបសម្តែងការគួរសម និងជូនពរឆ្នាំថ្មីជូនចំពោះអគ្គមេបញ្ជាការ នៃកងយោធពលខេមរភូមិន្ទ និងបញ្ជាការដ្ឋានកងទ័ពជើងគោក ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។ |
 វៀតណាម៖ សិក្ខាសាលាវិទ្យាសាស្ត្រ «ពង្រឹងចំណងសាមគ្គីភាពនៃប្រទេសទាំងបី វៀតណាម - ឡាវ - កម្ពុជា ក្នុងស្ថានភាពថ្មី» នោះគឺជាប្រធានបទនៃសិក្ខាសាលាវិទ្យាសាស្ត្រថ្នាក់ជាតិ លើកទី ៣ ដែលរៀបចំដោយក្រសួងការពារប្រទេសវៀតណាមនាពេលថ្មីៗនេះ។ គម្រោងនេះ ដោយលោកនាយឧត្តមសេនីយ៍ បណ្ឌិត Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេស ជាប្រធាន។ លោកនាយឧត្តមសេនីយ៍ Nguyen Tan Cuong សមាជិកគណៈកម្មាធិការមជ្ឈិមបក្ស សមាជិកអចិន្ត្រៃយ៍នៃគណៈកម្មាធិការបក្សយោធាមជ្ឈិម ប្រធានអគ្គសេនាធិការនៃកងទ័ពប្រជាជនវៀតណាម អនុរដ្ឋមន្ត្រីក្រសួងការពារប្រទេស អនុប្រធានគម្រោង បានអញ្ជើញជាអធិបតីក្នុងសិក្ខាសាលានេះ |
មតិពីមិត្តអ្នកអាន