យុគសម័យ - នាថ្ងៃទី ២៥ ខែមីនា សម្តេចតេជោ ហ៊ុនសែន នាយករដ្ឋមន្រ្តីកម្ពុជាបានមានប្រសាសន៍ថាលោកកំពុងពិចារណាអនុវត្តគ្រាអាសន្នជាតិដោយសារតែការរីករាលដាលនៃជំងឺរាតត្បាតកូវីដ (Covid-19) ។
សម្តេចតេជោ ហ៊ុនសែន នាយករដ្ឋមន្រ្តីកម្ពុជា (រូបថត៖ Freshnews)
ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតី តេជោហ៊ុន សែន បានបង្ហើបឲ្យដឹងថា សម្តេចកំពុងពិចារណក្នុងការដាក់ឲ្យ អនុវត្តមាត្រាទី ២២ នៃរដ្ឋធម្មនុញ្ញ ដាក់ប្រទេសក្នុងគ្រាអាសន្ន ។ សម្តេចមានប្រសាសន៍ថាសម្តេចមិនទាន់ចង់ដាក់ប្រើមាត្រានេះទេ។ក៏ប៉ុន្តែបើប្រទេសស្ថិតក្នុស្ថានភាពពិបាកគ្រប់គ្រងនោះ យើងក៏អាចប្រើបាន។
សម្តេចបានបន្តថា ប្រទេសថៃបានប្រកាសពីម្សិលមិញដាក់ប្រទេសក្នុងគ្រាអាសន្ន ។ នៅឥណ្ឌាបានប្រកាសហើយដាក់ប្រទេសក្នុងគ្រាមានអាសន្ន ២៤ ថ្ងៃ ។ សម្តេចបានបន្តឲ្យដឹងទៀតថា សម្តេចកំពុងឲ្យមានការសិក្សាតើវិសាលភាពនៃការដាក់ប្រទេសក្នុងគ្រាមានអាសន្នគ្របដណ្ដប់លើវិសាលភាពអ្វីខ្លះ ។ ដោយសារតែច្បាប់របស់យើងខ្វះចន្លោះ ព្រោះតែដាក់ប្រទេសក្នុងគ្រាអាសន្នហើយ គឺសិទ្ធិស៊ីវិលត្រូវបានបញ្ចប់ ពេលនោះត្រូវប្រើច្បាប់អាជ្ញាសឹកតែម្តង ។
សម្តេចបន្តថា ប៉ុន្តែកម្ពុជានៅអាចនិយាយគ្នាបាន ប៉ុន្តែសម្តេចមិនទាត់ចោលនូវវិធានការប្រើប្រាស់មាត្រាទី ២២ នៃរដ្ឋធម្មនុញ្ញនោះទេ។ ប្រទេសគេធ្វើដើម្បីរារាំងមនុស្សកុំឱ្យចេញពីផ្ទះ ហេតុអីខ្ញុំមិនអាចធ្វើបានព្រោះខ្ញុំមានសិទ្ធិការពារប្រជាពលរដ្ឋមិនឲ្យស្លាប់។សម្តេចបានថ្លែងបែបនេះ នៅក្នុងពិធីជូបសំណេះសំណាលជាមួយគ្រូពេទ្យសម្តេចតេជោ ប្រឆាំងកូវីដ ១៩ ប្រមាណជាង ៤២២នាក់នៅវិមានសន្តិភាពនៅព្រឹកថ្ងៃទី២៥ ខែមីនា ឆ្នាំ២០២០៕
（បកប្រែដោយ ហេង វុធ្ធី）
（ប្រភពព័ត៌មាន: vietnamplus.vn）
មតិពីមិត្តអ្នកអាន