យុគសម័យ - ទំហំកម្ចីប្រើប្រាស់លក្ខណៈបុគ្គលសរុប នៅក្នុងប្រទេស កម្ពុជា បានកើនឡើងដល់ ៦,៧ ពាន់លានដុល្លារ នៅចុងខែមីនាឆ្នាំនេះ កើនឡើង ៧,៤ ភាគរយ ធៀបនឹងចុងខែធ្នូឆ្នាំ ២០១៨។
របាយការណ៍ CBC ឲ្យដឹងថា ប្រជាជនកម្ពុជាប្រហែល ១,១៤ លាននាក់បានដាក់ពាក្យសុំកម្ចីប្រើប្រាស់លក្ខណៈបុគ្គលគិតមកត្រឹមចុងខែមីនា ឆ្នាំនេះ កើនឡើង ៥,៣ ភាគរយ ចាប់ពីដំណាច់ខែ ធ្នូ ឆ្នាំ ២០១៨។ គិតត្រឹមខែមីនា ឆ្នាំ ២០១៩ កម្ចីមិនបានសងត្រឡប់ទាន់ពេល បន្ទាប់ពី ៣០ ថ្ងៃ (NPL 30) កើនឡើងដល់ ១,២៤ ភាគរយ នៃទំហំកម្ចីប្រើប្រាស់លក្ខណៈបុគ្គលសរុប កើនឡើងបន្តិចពី ១,១៨ ភាគរយ កាលពីចុងខែ ធ្នូ ឆ្នាំ ២០១៨។
បុគ្គលិកធនាគារអេស៊ីលីដា កំពុងរាប់ក្រដាសប្រាក់រៀលកន្លងមក
ប្រធាននាយកប្រតិបត្តិនៃការិយាល័យឥណទានកម្ពុជាបានថ្លែងថា៖ «កំណើននៃឥណទាននៅតែល្អ ហើយទោះបីជាឥណទានមិនដំណើរការលើសពី ៣០ ថ្ងៃ កើនបន្តិចក៏ដោយ ក៏វាស្ថិតក្នុងកម្រិតមួយទាបដែលបញ្ជាក់អំពីការគ្រប់គ្រងគុណភាពឥណទានបានល្អពីស្ថាប័នហិរញ្ញវត្ថុ»។
លោកបន្តថា ចំនួននៃការស្នើសុំប័ណ្ណ ឥណទានធ្លាក់ចុះក្នុងត្រីមាសទី១ ឆ្នាំនេះ ធៀបនឹងត្រីមាសមុន ដែលបញ្ជាក់ថា មានតម្រូវការប័ណ្ណឥណទានតិចនៅត្រីមាសនេះ។
ទំហំកម្ចីប្រើប្រាស់លក្ខណៈបុគ្គល រួមមានកម្ចីហិរញ្ញវត្ថុផ្ទាល់ខ្លួន (៥១,២ ភាគរយ) កម្ចីអចលនទ្រព្យ (៤៧,៦ ភាគរយ) និងប័ណ្ណឥណទាន (១,១ ភាគរយ)៕
（ដោយ សំណាង យោងតាម Phnom Penh Post）
មតិពីមិត្តអ្នកអាន