យុគសម័យ - នាយករដ្ឋមន្រ្តីចិនលោក Li Keqiang បានប្រកាសថាប្រទេសចិននឹងផ្តល់អាទិភាពដល់ការផ្តល់វ៉ាក់សាំងការពារកូវិដ១៩ដល់បណ្តាប្រទេសនៅតាមដងទន្លេមេគង្គនៅពេលដែលវ៉ាក់សាំងត្រូវបានបង្កើតនិងដាក់ឱ្យប្រើប្រាស់។
ប្រទេសចិនផ្តល់អាទិភាពក្នុងការផ្តល់វ៉ាក់សាំងដល់បណ្តាប្រទេសនៅតាមដងទន្លេមេគង្គ
ទីភ្នាក់ងារសារព័ត៌មានវៀតណាមបានរាយការណ៍ថានៅថ្ងៃទី ២៤ ខែសីហា លោក Li Keqiang នាយករដ្ឋមន្រ្តីចិនបានប្រកាសថាប្រទេសនេះនឹងផ្តល់អាទិភាពដល់ការផ្តល់វ៉ាក់សាំងការពារជំងឺកូវិដ១៩ ដល់បណ្តាប្រទេសក្នុងតំបន់ទន្លេមេគង្គនៅពេលដែលវ៉ាក់សាំងត្រូវបានបង្កើតនិងដាក់ឱ្យប្រើប្រាស់។
លោក Li Keqiang បានចេញការប្រកាសខាងលើនៅពេលចូលរួមកិច្ចប្រជុំកំពូលមេគង្គ-ឡានឆាងលើកទី៣ (LMC) តាមរយៈប្រព័ន្ធវិដេះអូ។
លើសពីនេះទៀតយោងតាមលោក Li Keqiang ទីក្រុងប៉េកាំងនឹងបង្កើតមូលនិធិពិសេសដើម្បីលើកកម្ពស់សុខភាពសាធារណៈក្រោមក្របខ័ណ្ឌនៃមូលនិធិពិសេស LMC និងបន្តផ្តល់សម្ភារៈប្រឆាំងនឹងជំងឺរាតត្បាតនិងការគាំទ្រខាងបច្ចេកវិទ្យាសម្រាប់ប្រទេសក្នុងតំបន់ទន្លេមេគង្គ។
ដោយសង្កត់ធ្ងន់ទៅលើអត្ថន័យនៃសាមគ្គីភាពនិងកិច្ចសហប្រតិបត្តិការក្នុងការប្រយុទ្ធប្រឆាំងនឹងជំងឺរាតត្បាតដ៏គ្រោះថ្នាក់នេះ លោក Li Keqiang បានលើកឡើងថាប្រទេសចិនបានត្រៀមខ្លួនជាស្រេចក្នុងការសម្របសម្រួលជាមួយបណ្តាប្រទេសក្នុងតំបន់មេគង្គដើម្បីគាំទ្រដល់ការងាររបស់អង្គការសុខភាពពិភពលោក៕
（បកប្រែដោយវិច្ឆិកា）
មតិពីមិត្តអ្នកអាន