យុគសម័យ - នាព្រឹកថ្ងៃទី ១៦ ខែកក្កដាឆ្នាំ ២០២០ លោក Nguyen Quoc Dung អនុរដ្ឋមន្រ្តីក្រសួងការបរទេសនិងជាប្រធាន SOM អាស៊ានវៀតណាមបានធ្វើជាអធិបតីសន្និសីទមន្ត្រីជាន់ខ្ពស់អាស៊ានតាមអនឡាញ (អាស៊ាន SOM) ។
ទិដ្ឋភាពនៃសន្និសីទមន្ត្រីជាន់ខ្ពស់អាស៊ាន
ខ្លឹមសារសំខាន់នៃកិច្ចប្រជុំនេះគឺដើម្បីពិនិត្យឡើងវិញនូវដំណើរការនៃកិច្ចសហប្រតិបត្តិការក្នុងការកសាងសហគមន៍អាស៊ាន វឌ្ឍនភាពនៃការអនុវត្តគំនិតផ្តួចផ្តើមការបង្ការ ការគ្រប់គ្រងនិងការស្តារឡើងវិញបន្ទាប់ពី Covid-19 ការរៀបចំសម្រាប់កិច្ចប្រជុំថ្នាក់រដ្ឋមន្ត្រីការបរទេសអាស៊ាន ៥៣ និងសន្និសីទពាក់ព័ន្ធទៀត។
នៅក្នុងសន្និសីទនេះ បណ្តាប្រទេសបានសង្កត់ធ្ងន់ថា ការកសាងភាពជោគជ័យសហគមន៍នៅតែបន្តជាអាទិភាពកំពូលរបស់អាស៊ាននាពេលបច្ចុប្បន្ននេះ ទោះបីមានការលំបាកនិងឧបសគ្គដែលបង្កឡើងដោយជំងឺរាតត្បាត Covid -19 ក៏ដោយ។ បណ្ដាប្រទេសបានសង្កត់ធ្ងន់និងសន្យាសម្របសម្រួលជាមួយប្រធានអាស៊ាន ២០២០ គឺវៀតណាម ដើម្បីអនុវត្តប្រកបដោយជោគជ័យនូវអាទិភាពនិងគំនិតផ្តួចផ្តើមនានាក្នុងឆ្នាំ ២០២០ រួមទាំងការពិនិត្យមើលពាក់កណ្តាលរយៈពេលនៃចក្ខុវិស័យសហគមន៍អាស៊ាន ២០២៥; ពិនិត្យលើការអនុវត្តធម្មនុញ្ញ ការរៀបចំកសាងចក្ខុវិស័យសហគមន៍អាស៊ានបន្ទាប់ពីឆ្នាំ ២០២៥ និងលើកកម្ពស់ស្មារតីសហគមន៍និងអត្តសញ្ញាណអាស៊ាន។
និយាយអំពីការវិវត្តនៅក្នុងកិច្ចសហប្រតិបត្តិការការបង្ការ Covid-19 បណ្ដាប្រទេសទាំងនោះបានស្វាគមន៍ការចាប់ផ្តើមនៃមូលនិធិអាស៊ានដើម្បីឆ្លើយតបទៅនឹង Covid-19។ ប្រតិភូបានវាយតម្លៃខ្ពស់ចំពោះការប្រកាសរបស់ប្រទេសថៃក្នុងការបរិច្ចាគថវិកាចំនួន ១០ ម៉ឺនដុល្លារសម្រាប់សកម្មភាពដំបូងរបស់មូលនិធិនេះ។ បណ្តាប្រទេសទាំងនោះក៏បានពិភាក្សាអំពីជំហានបន្ទាប់ដើម្បីបញ្ចប់ផែនការស្តារឡើងវិញយ៉ាងពេញលេញរបស់អាស៊ានបន្ទាប់ពី Covid-19 ហើយបានឯកភាពគ្នាខិតខំប្រឹងប្រែងបំពេញខ្លឹមសារនៃផែនការមុនពេលកិច្ចប្រជុំកំពូលអាស៊ាន ៣៧ ដែលគ្រោងនឹងធ្វើឡើងនៅខែវិច្ឆិកាឆ្នាំ ២០២០ ។
អនុរដ្ឋមន្រ្តីក្រសួងការបរទេសលោក Nguyen Quoc Dung ប្រធាន SOM អាស៊ានវៀតណាមធ្វើជាអធិបតីសន្និសីទនេះ
ប្រទេសជាច្រើនបានសម្តែងការកោតសរសើរចំពោះគំនិតផ្តួចផ្តើមរបស់វៀតណាមក្នុងការរៀបចំ “វេទិកាអាស៊ានស្តីពីការអភិវឌ្ឍអនុតំបន់” ដោយជោគជ័យ (ហាណូយនាថ្ងៃទី ១៤ ខែកក្កដាឆ្នាំ ២០២០)។ តាមនោះ បណ្តាប្រទេសបានឱ្យដឹងថា វៀតណាមគឺត្រឹមត្រូវក្នុងការជ្រើសរើសប្រធានបទ៖ “ភាពស្អិតរមួតអនុតំបន់មេគង្គទៅនឹងគោលដៅរបស់អាស៊ាន”។ ប្រតិភូបានបញ្ជាក់ថា ព័ត៌មានដែលបានចែករំលែកនៅក្នុងវេទិកានោះបានជួយបណ្ដាប្រទេសឱ្យយល់កាន់តែច្បាស់អំពីដំណើរការអភិវឌ្ឍន៍ តម្រូវការនិងបញ្ហាប្រឈមដែលបណ្ដាអនុតំបន់ក្នុងតំបន់កំពុងយកឈ្នះ ខណៈបង្ហាញថា អាស៊ានត្រូវមានតួនាទីធំជាងមុននិងមានប្រសិទ្ធភាពជាងមុនក្នុងការគាំទ្រអនុតំបន់ដើម្បីធ្វើសមាហរណកម្មជាមួយតំបន់និងពិភពលោក។
ទាក់ទងនឹងទំនាក់ទំនងកាបរទេសរបស់អាស៊ាន បណ្តាប្រទេសទាំងនោះបានបញ្ជាក់ថា ត្រូវបន្តរក្សាតួនាទីស្នូលរបស់អាស៊ាននិងជំរុញកិច្ចសហប្រតិបត្តិការជាក់ស្តែងនិងជាក់លាក់ជាមួយដៃគូ ជាពិសេសក្នុងគ្រាលំបាកនេះ ដើម្បីជំនះរាល់ឧបសគ្គនិងការលំបាកដែលបង្កឡើងដោយ Covid-19។
ទាក់ទងនឹងកិច្ចសហប្រតិបត្តិការអាស៊ានបូក ៣ សន្និសិទនេះបានវាយតម្លៃខ្ពស់ចំពោះតួនាទីនៃយន្តការអាស៊ានបូក ៣ ហើយបានឯកភាពបន្តជំរុញកិច្ចសហប្រតិបត្តិការក្នុងការឆ្លើយតបនឹង Covid និងការស្តារសេដ្ឋកិច្ចឡើងវិញប្រកប់ដោយចីរភាព រួមទាំងការលើកកំពស់ភាពធន់នឹងសេដ្ឋកិច្ចនិងហិរញ្ញវត្ថុក្នុងតំបន់៕（បកប្រែដោយសាមេត）
（ប្រភពព័ត៌មាន: vov.vn）
មតិពីមិត្តអ្នកអាន