យុគសម័យ - នាថ្ងៃទី ២៨ ខែមេសា អគ្គលេខាធិការអង្គការសហប្រជាជាតិលោក Antonio Guterres បានអំពាវនាវឲ្យថ្នាក់ដឹកនាំប្រទេសនានាចូលរួមសហការដោះស្រាយការគំរាមកំហែងជាសកលរួមទាំងការប្រែប្រួលអាកាសធាតុផងដែរ។
អគ្គលេខាធិការអង្គការសហប្រជាជាតិអំពាវនាវឱ្យមានកិច្ចសហប្រតិបត្តិការអន្តរជាតិក្នុងការដោះស្រាយការប្រែប្រួលអាកាសធាតុ
ថ្លែងនៅក្នុងសន្និសីទអន្តរជាតិតាមអនឡាញស្តីពីការប្រែប្រួលអាកាសធាតុនាថ្ងៃទី ២៨ ខែមេសា អគ្គលេខាធិការអង្គការសហប្រជាជាតិលោក Antonio Guterres បានអំពាវនាវឲ្យថ្នាក់ដឹកនាំប្រទេសនានាចូលរួមសហការដោះស្រាយការគំរាមកំហែងជាសកលរួមទាំងការប្រែប្រួលអាកាសធាតុផងដែរ។
លោក Guterres បានឲ្យដឹងថាប្រទេសទាំងអស់ត្រូវប្តេជ្ញាបញ្ឈប់ការបញ្ចេញឧស្ម័នកាបូនឌីអុកស៊ីត ដែលជាការបំភាយឧស្ម័នផ្ទះកញ្ចក់ដ៏សំខាន់ចូលទៅក្នុងបរិយាកាសក្នុងឆ្នាំ ២០៥០។ លោក Guterres ក៏បានស្នើផែនការ ៦ ចំណុចដើម្បីធានារដ្ឋាភិបាលនៃបណ្តាប្រទេសផ្តោតការយកចិត្តទុកដាក់លើការប្រែប្រួលអាកាសធាតុ ក្នុងកិច្ចខិតខំប្រឹងប្រែងដើម្បីស្តារឡើងវិញពីជំងឺ រាតត្បាត សកលផងដែរ។ ផែនការនេះក៏អំពាវនាវឲ្យបញ្ឈប់ការជួយឧបត្ថម្ភធនឥន្ធនៈផូស៊ីល និងដាក់ទណ្ឌកម្មដល់អង្គការនិងបុគ្គលដែលបំពុលបរិស្ថានផងដែរ។
លោកអគ្គលេខាធិការអង្គការសហប្រជាជាតិក៏បានអំពាវនាវដល់សហភាពអឺរ៉ុបបង្ហាញតួនាទីដឹកនាំពិភពលោករបស់ខ្លួនជាមួយ នឹងការណែនាំនៃផែនការកាត់បន្ថយការបំភាយឧស្ម័ននៅចុងឆ្នាំនេះដោយមានគោលដៅក្លាយជាទ្វីបអព្យាក្រឹតលើការបំភាយឧស្ម័នកំពូលដំបូងបង្អស់នៅឆ្នាំ ២០៥០ផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: vovworld.vn）
មតិពីមិត្តអ្នកអាន