យុគសម័យ - ការបោះឆ្នោតបឋមនៅរដ្ឋ Wisconsin លើកនេះគឺជាការប្រកួតប្រជែងរវាងបេក្ខជនពីររូបដែលតំណាងឲ្យគណបក្សប្រជាធិបតេយ្យ ដើម្បីរកសម្លេងឆ្នោតក្នុងការជ្រើសតាំងប្រធានាធិបតីអាមេរិកឆ្នាំ ២០២០ រួមមាន អតីតអនុប្រធានាធិបតី លោក Joe Biden និងសមាជិកព្រឹទ្ធសភាលោក Berni Sanders ផងដែរ
អតីតអនុប្រធានាធិបតី លោក Joe Biden (រូបថត AFP)
នាថ្ងៃទី ៧ ខែមេសា រដ្ឋ Wisconsin សហរដ្ឋអាមេរិក បានរៀបចំការបោះឆ្នោតជ្រើសរើសប្រធានាធិបតីបឋម តាមផែនការដែលបានគ្រោងទុក ដោយមិនអើពើនឹងបទបញ្ជារក្សាគម្លាតសង្គមនៅទូទាំងប្រទេសដោយជំងឺរាតត្បាត Covid-19 រួមទាំងការព្រួយបារម្ភអំពីគ្រោះថ្នាក់នៃការឆ្លងជម្ងឺដល់អ្នកបោះឆ្នោតនិងបុគ្គលិករាប់ពាន់នាក់នៅតាមមណ្ឌលបោះឆ្នោតក៏ដោយ។
ការបោះឆ្នោតបឋមនៅរដ្ឋ Wisconsin លើកនេះគឺជាការប្រកួតប្រជែងរវាងបេក្ខជនពីររូបដែលតំណាងឲ្យគណបក្សប្រជាធិបតេយ្យ ដើម្បីរកសម្លេងឆ្នោតក្នុងការជ្រើសតាំងប្រធានាធិបតីអាមេរិកឆ្នាំ ២០២០ រួមមាន អតីតអនុប្រធានាធិបតី លោក Joe Biden និងសមាជិកព្រឹទ្ធសភាលោក Berni Sanders ផងដែរ។
មុននេះនាថ្ងៃទី ៦ ខែមេសា តុលាការកំពូលរបស់រដ្ឋ Wisconsin បានចេញសាលក្រមស្តីពីការបដិសេដលើក្រិតនិតិប្រតិបត្តិរបស់អភិបាលរដ្ឋ Wisconsin លោក Tony Evers ក្នុងការពន្យារពេលបោះឆ្នោតបឋមនៅរដ្ឋនេះកាលពី ថ្ងៃទី ៧ ខែ មេសាដោយសារជំងឺកូវីដ១៩ ។ ជាមួយនឹងសាលក្រមនេះ រដ្ឋ Wisconsin គឺជារដ្ឋតែមួយគត់នៅសហរដ្ឋអាមេរិកដែលនៅតែរៀបចំការបោះឆ្នោតដែលបានគ្រោងទុកនៅខែមេសា ដោយមានមណ្ឌលបោះឆ្នោតដោយផ្ទាល់ផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: vietnamplus.vn）
មតិពីមិត្តអ្នកអាន